BEHDÎNAN – Endamê Komîteya Rêveber a PKK’ê Dûran Kalkan diyar kir ku ketina girtiyan a greva birçîbûnê bi qasî teşwîqkirina berxwedanê jî bûye rexne jî û got: “Hê zêdetir têkoşîn bihata kirin, wê hevrêyên me yên li zindanan ewqas neketa zorê. Em berpirsyariyên xwe dibînin, Di her kes û civak jî vê bibîne.
Endamê Komîteya Rêveber a Partiya Karkerên Kurdistanê (PKK) Dûran Kalkan ê tevlî Bernameya Taybet a weşana Medya Haber Tv bû besiva pirsên Hoşeng Yilmaz da. Kalkan anî ziman eleqeya ji bo felsefeya jiyanê ya PKK’ê her diçe zêdetir dibe û xwedî lê tê derketin. Kalkan got: “Her ku Rêber Apo bigihêje jin, ciwan, karker, kedkar, rewşenbîr û siyasetemedar û gelê hejar wê baştir bê jiyanîkirin.”
Kalkan bal kişand ser greva birçîbûnê ya girtiyên PKK’î û PAJK’ê yên 27’ê Mijdarê ji bo dawîkirina tecrîda li ser Rêberê Gelê Kurd Abdullah Ocalan û ev nirxandin kir: “Ji xwe li zindanan hebûna xwe parastin û jiyîn têkoşîneke mezin e. Li ser vê jî berxwedana greva birçîbûnê zêde kirin. Bi vî rengî berxwedan xurtir kirin. Tevlî têkoşîna pêngava yên derve kirin. Dixwazin dawî li sîstema êşkenceyê ya li Îmralî û Rêber Apo bi fîzîkî azad bibin. Ji ber ku tecrîda li Îmralî ji bo her kesê tecrîd e.”
‘TEŞWÎQ Û REXNE KIRIN’
Kalkan diyar kir ku li zindanan destpêkirina berxwedana greva birçîbûnê teşwîqkirina berxwedanê ye û got: “Hê zêdetir têkoşîn bihata kirin, wê hevrêyên me yên li zindanan ewqas neketa zorê. Em berpirsyariyên xwe dibînin, Di her kes û civak jî vê bibîne. Divê hemû hêzên şoreşger-demokrat vê bibînin. Ji bo dîtina lewaziyên xwe divê bi hemû hêza xwe kar bikin. Ev ji bo me mijareke rexnedayînê ye. Ya duyemîn jî li zindanan şoreşger li ber xwe didin. Daxwazên wan ne ji bo xwe ne ji bo civakê ne. Divê piştevaniyê bidin zindanan, divê neyê gotin ku li zindanan zext hene ji bo wê çalakî tê kirin. Şoreşgerên li zindanan pêşengtiyê dikin. Ji berî herkesê fam kir, berî her kesê dîtin ku eger êşkenceya li Îmralî û sîstema tecrîdê nehilweşe wê rewşa li zindana û derve bê çawa bibe. Dixwazin wê hilweşînin. Ji bo civak ji bin faşîzmê rizgar bibe , ji bo azadiyê tê dikoşin. Ji bo wê divê her kes rastiya li zindanan bibîne, ji bo hilweşandina faşîzma AKP-MHP’ê; ji bo serketina azadî û demokrasiyê têkoşînê bike. Ji bo xwe têkoşîn bike. Erê em li dorî berxwedana zindanan bibin yek, divê bizanin ku em ji bo xwe têkoşînê dikin. Eger ku girtin di nava ewqas şert û mercên giran de çalakiyan dikin, li derve ewqas derfet û şert û merc hene wê çalakiyên xurtir bi rêbazên xurtir bên kirin.”
‘ÇAKICI ERDOGAN TEHDÎD KIR’
Kalkan li ser gotinên ‘reform’ ên demê dawî li Tirkiyeyê tê kirin û dîsa encamên hilbijartina DYE’ li bi qasî erdhejekê bandor li Tiriye kir û got: “Dûrketina MHP’ê ya ji desthilatê, weke xirabûna îtifaqa AKP-MHP’ê tê nirxandin. Alaatîn Çakici ji bo vê tehdît li Erdogan kir. Wî jî tehdîd fam kir. Hem Bûlent Arinc hem jî yên din da aliyekê. Ketiye rewşekî teslîmbûyî. Bi temamî teslîmî faşîzma MHP’ê bûye, ketiye destê çeteyên faşîst, ketiye rewşekî bê birêvebirin.”
‘ME JOVANÊ JI DERKETINA LI ŞENGALÊ NEKIN’
Kalkan qala peymana bi pêşengtiya DYE ya di navbera Tirkiye-Iraq-PDK’ê de jî kir û got: “Xweseriya Şengalê, xwerêvebirin, ne li dijî qanûnên DYE’yê û ne jî yên Iraqê ne. Civakekî ku PKK’ê ji qirkirina DAÎŞ’ê rizgar kirî, hûn bixwazin qetil bikin hûn nabin qehreman. Hûn vê bikin hûnê bibin, parçeyek ji DAÎŞ’ê û siya wê. Ketina aliyê DAÎŞ’ê jî ji bo her kesê wê nebaş e. Bi wê hêviyê me ku me jovanî ji derketina Şengalê nekin. Nekin ku PKK neçarî mudaxeleyê bibin.”
‘WÊ EV PÊNGAV FAŞÎZMÊ HILWEŞÎNE’
Kalkan wiha doamnd: “Pêngava ‘Dem Dema Azadiyê Ye’ li çiyan, bajar, zindan û her derê cîhanê bûye qada berxwedanê. Divê hê zêdetir bê pêşxistin. Têkoşîna zindanan girîng e. Berxwedana zindanan her demê qezenç kiriye.
Siyaseta demokratîk li ber xwe dide. Cesaret û biryardarî heye. Divê her kes li cihê lê li ber xwe bide. Faşîzim dijminê her kesê ye. Dijminê mirovahiyê ye. Ev dijminê welat in. Dijminê civakê ne. Dijminê azadî, demokrasî û mirovanin. Bi kinahî dijminê her kesê ye. Ji bo vê êrîşî her kesê dike, ji bo wê divê li dijî faşîzmê her kes tevlî berxwedanê bibe. Her kes li ber xwe bide.
Berxwedana jinan û dayikan girîng e. Jin û dayik çawa ku berê bi rola xwe rabûn niha jî bi rola xwe radibin. Ev bi bandor e. Berxwedana jinê bi giştî bi bandor e. Li ser bingehê pêngava KJK’ê ya li dijî destavêtin-destdirêjî û qetilkirina jinan dabû destpêkirin, tevgerekî şoreşgerî ya mezin tê birêvebirin. Têkoşîna jinê têkoşînekî ne teng e, ji bo vê êrîşî jinê dike. Jin jî bersiv didin.
Ciwan jî li ber xwe didin. Di van berxwedanan de rola ciwanan heye û rol dilîzin. Di salvegera 42’an a partiya me de 43 ciwan tevlî bûn, wan silav dikim. Xêr hatin. Ciwan tevlî partiyê dibin, tevlî gerîla dibin. Li her derê tevlî têkoşînê dibin. Têkoşîn li her derê ye. Partî û berxwedan li her derê ye. Divê ciwan li her derê tevlî bibe. Di asta pêşengayetiyê de cih bigire, bi fedayî tevlî bibe.
Di vê wateyê de bi hedefa bi temamî hilweşandina faşîzma AKP-MHP’ê em ketin sala 43’an a PKK’ê. Rewşa giştî ji bo vê destdayî ye. Faşîzim parçe parçe ji hev dikeve. Di nava xwe de parçe die. Li her derê hatiye tecrîdkirin. Tam di nava dorpêçekê de ye. Wê îsal faşîzma Erdogan-Bahcelî hilweş in. Divê her kes ji vê bawer bike. Vê bike hedef. Em ji bo vê bibiryar in.”
