NAVENDA NÛÇEYAN
Di Dîrokê de dagirkirin û îktîdar dema li ser jin hate meşandin di heman demê de li ser xwezayê jî hate meşandin. xwezaya zindî û pîroz jî hat qetilkirin. Em dibînin ku her roj li kurdistanê daristan tên şewitandin. Bi taybet di pêvajoyê dawî de li rojhilatê Kurdistanê jî di serî de li Merîvanê, li Pawa, li Kirmanşanê, li gelek herem û bajarên Rojhilat û Îranê daristan hatin şewtandin, hatin qetilkirin. Jîngeparêz li hemberê van pêkanîna di nav berxwedaniyê de ne. Ji bo jîngeparastin, zanabûna wê pêş bikeve, wan ciwanan her roj di nav agiran de di şewitin. Meha hezîranê bû li merîvanê cenazeyên du ciwana bi durişmeya şehîd namirin hatin rakirin. Ev sekn bi xwe pîroze û welatparêziya herî kur e.
Li hemberê van polîtîkayên qirkirin û dagirkirin ger ku tekoşîn bi awayekê bêhempa neyê meşandin, naxwe li wê derê xefletekê heye. xeflet û Xiyanet li hemberê nirxên jina dayik, li hemberê xwezaya zindî, li hemberê nirx û rumeta gelê xwe tê kirin. Divê em bizanin û qet ji bîr nekin, ger ku li hemberê dagirkerî em tekoşînekê bê hempa nemeşînin wê hemû gel civak jî bibêje ku ‘naxwe wisa jî dikare bê jiyîn.’ Na, qet nabe û em qet nikarin qebûl bikin û wekê tiştekê rewa lê binêrin. Di vir de herî zêde rol dikeve ser milê jin û ciwana! Divê her xortekê, her jinekê ciwan ji bo xwe bêje ku ev peywir û berpirsiyariya min e. Li hemberê faşîzm û dagirkeriyê bêje her qadekê bikim cîhê berxwedanê. Civaka me ji bo, bi rumeta xwe û jiyana azad bijî, ji bo jîngeya xwe biparêze, ji bo di mala xwe de wekê mirovan xwerinekê bixwe û bide zarokên xwe, her roj bi îşkence, birçîbûn, îmha û qirkirinê re rû bi rû dimînine lê gav paşde navêje li berxwe dide.
Tevgera Azadiyê; di vê pêvajoyê de hilmetekê da destpêkirin. Bi taybet ev hilmet ji bo azadiya Rêber APO digre hedefa xwe ya sereke. Niha bi durişmeya “LI DIJÎ DAGIRKERÎ, FAŞIZÎM, Û TECRÎDÊ DEMA BI DESTXISTINA AZADIYÊ YE” yan jî “DEM DEMA AZADİYÊ YE” niha ev hilmeta ku hate destpêkirin bê guman li çar parçe Kurdistanê li derveyê welat wê bimeşe.
Bi taybet jî me wekê Rêxistinên Rojhilat û rêxistina jinên Rojhilatê Kurdistanê KJAR’ê hilmet da destpêkirin. Hilmeta KJAR’ê “ Li Dijî Sêdare û Qirkirina Jin dema parastina jiyan azad e” bi armanca temamkirina hemleya KCK û KJK’ê destpêkir. Dîsa KODAR Û PJAK jî “ Na Ji bo Sêdare Belê ji bo Demokrasiyê” destpêkir. KCR’ê jî “Dem Dema Gerîllatiyê” destpêkir. Em binêrin hemû hilmet jî ji bo azadiya Rêber Apo ye û li dijî qirkirin, li dijî dagirkerî û li dijî faşîzmê seknandin jî tekoşînekê bêhempa dixwaze. Em dikarin bêjin ku her sê durişme jî, ango her sê hilmet jî di cewhera xwe de yek hilmete û ji bo azadiya Rêber APO ye, ji bo şoreşa Rojhilat ê Kurdistanê ye, ji bo şoreşa jinane! Ji bo demokratîk kirina Îranê û ye. ji bo gîhandina jiyanekê demokratîk û azad e!
Lî Îran û Rojhılatê Kurdistanê êdî tenê bi slogan nabe. Bê guman li hemberê aqlê zilamê serdest û li hemberê dagirkerî û faşîzma dewletan serê xwe netewînin. Her kesekê/ kî azadîxwaz û demokratîxwaz dizane ku divê, kar bike, bixebite û têbikoşe. Di demên şoreşan de kê/ kî dikare çi bike, çi ji destê wê tê divê bike. Li hember dagirkerî, faşîzm û qirkirinê her seknek, her tevlêbûnekê bi rumete. Divê ciwan û bi taybet jî jinên Ciwan di hemû eniyan de serê xwe rabikin. Di serî de xwe perwerde û rêxistin bikin, daku şoreşa jinên Rojhilat û Îranê em pêk bînin. Ji bo vê em dibêjin “Dem Dema Gerîllatiyê Ye” her ciwanekê berê xwe bide çiyayê azad, her ciwanekê berê xwe bide qadên tekoşînê, li îradeya xwe li jiyana xwe ya azad xwedî derbikeve.
Rojîn Hêja
