NAVENDA NÛÇEYAN – Jinên Ciwan ên li Bakur Rojhilatê Sûriyê û Rojavayê Kurdistanê wê di demek nêzde Kongreya xwe lidar bixin. Endamên Komîteya Amadekar ya Kongreya Jinên Ciwan derbarê armanc û giringiya kongreya xwe axivîn.
Hevseroka Desteya Ciwanan û Werzîş a Efrînê Gulê bi kurtasî der barê Kongreya Jinên Ciwan li Bakûr û Bakur û Rojhilatê Sûriyê ev agahî dan:
“Niha amedekarî berdewam dikin. Kongreya Jinên Ciwan her du sala carekê tê lidar xistin. Armanca kongreya me ew ku em kar û xebatên xwe ên du sala binirxînin, daku encamên xurttir derketinên pêş.
Armanca jinên ciwan ji vê kongreyê ew ku rihekê şoreşgerî û kesayete jinên ciwan ya azad were avakirin.
Li hemû herêman amedakariyên ji bo kongreyê tên kirin. Li herêma Efrîn jî di asta bajarok, navçe û kanton de berdevkên jinên ciwan bi riya civîna tên diyar kirin. Ji bo ku herêma Efrînê jî bi temsîlyetek xurt tevlî vê Kongreyê bibin.”
Endamê Komîteya Amedekar a Kongreya Jinên Ciwan Ferîden Hesen jî li ser amedakarîyên Kongre û li ser êrîşên dagirkeran wiha axivî:
“Erîşên ku li ser jinan tên meşandin û êrîşên ku bi giştî em tê de jiyan dikin li herêma Bakur û Rojhilatê Sûriyê de hene, armanca wan êrîşan di bingehê de ne tenê dagirkirina axa ku em tê de jiyan dikin. Armanca ew ku êrîşî projeya heyî, êrîşkirina îradeya jina azad e. Li beramberî vê jî rêxistinkirina me giring e. Ji ber ku rêxistinbûyîn yekbûyîna jin a ku heye ev rastî jî metirsiyek mezin ji dijmin re ye. Ji ber vê jî her roj êrîş çêdibin, li Efrînê bûyerên dawî de ewqas jinên ciwan rêvandin, tecawiz li ser jinên ciwan tên kirin. Li bûyerên Kobanê de jî sê jin hatin şehid xistin. Bi giştê êrîşên dewleta tirk hedefkirina jin tê esas girtin. Ji ber vê jî rêxistinkirina jin girînge.
Di rewşa ku em tê de jiyan dikin di her alî de şer ser me tên meşandin. Li beramberî vê jî pêwistî heye ku em xwe di alîyê rêxistinê, îdeolojîk perwerde bikin. Ji ber vê jî gavekê mezin amedekirina Kongre ya Jinên Ciwan heye.
Kongre bi giştî di asta Bakur û Rojhilatê Sûriyê de wê were çêkirin, li vir jî plansaziyê giştî hat derxistin û civînên berfireh a giştî qadan hate çêkirin.
Li Helebî jî hate destpêkirin pirsgireka jinên ciwan ên qadan hene, bi pêşniyarên qadan ên hene ji ber vê jî hemû qadên ku hene civîn were lidar xistin.
Ji ber em bi biryarên mezin û pêşniyarên xurt re em derbasî kongrê bin, bi vê kongrê re gavên mezin bavêjin.
Em çi qas rêxistinbûyîna xwe xurtir bikin em dikarin ev qas jî dawiya dijmin bînin!”
