MEXMÛR – Jina Ciwan a bi navê Kajîn Özerk Endama Tevgera Jinên Ciwan ên Mexmûr di derbarê rol û misyona Ciwan û Jinên Ciwan ya di dema niha çawaye? û pêwîste wek Ciwan çibikin da ku bibin bersiv ji pêvajo re. Nerîna xwe ji ajansa me re parvekir û wiha diyar kir; “Dem ne ew dema ku tu li malê rûnê û hestiyar nêz bibe û bêje çima wisa li vê jinê bû, çima wisa li vî zarokî bû, divê tu bixwe rabe bike, tenê bi gotin nabe ji bo vê yekê divê em wek ciwan rola me giran be û li gorî wê derkevin, divê em rabin serxwe û bi tolhildanê bibin bersiv ji hemû êrîşên dagirker re”.
Mirov berê xwe dide dîrokê mirov dibîne ku gelek pişaftinên dewleta Tirk li ser gelê Kurd çêbûne, di demên bûrî de jî mirov berê xwe didiyê gelek zor û zehmetî, gelek pişaftin ser gelê Kurd dida meşandin. Dixwaze Kurdan tunebike li ser rûyê cîhanê, hem milê fîzîkî, hem milê Çandî wan tune bike, ji ber vê yekê çiqasî polîtîkayên wî yên hişk hene ji bo Kurdan dide bi karanîn. Mînaka Bariş Çakan ji ber ku guhdarî straneke Kurdî kiriye ji aliyê çend ciwanên ve tê qetilkirin, meselen ev dide diyar kirin ku dewleta Tirk çiqas tang bûye ku ji Stranên Kurdî pê zor dibe, ev hemû tiştê xwe dide diyarkirin ku êdî tang bûey ku nikare tiştekî bike, ku destdirêjiyekê ser Ciwanekî bike, ew Ciwanekî ku guhdarî Stranekî Kurdî kiriye.
“Jinê wek hêzek dibîne nikare li hemberî jinê rabe”
Ji ber vê yekê di dîroka Kurda de her tim ev bijavtin hatiye pêk anîn bi taybet li ser jinê jî, her tim xwestiye jinê bikuje, jinê bi fatisîne ji ber ku jin xwedî hêzeke. Jinê wek hêzek dibîne nikare li hemberî jinê rabe ji ber vê yekê çiqas jê tê dixwaze jinê jî tunebike, di her alî de êrîşan ser jinê pêk tîne, aliyê fîzîkî, aliyê Çandî, dixwaze jinê ji her tiştê wê durbixe û ji bo berjewendiyê xwe bi karbîne.
Dema ku em li dîrokê dinerin bêhtirî xwe êrîş li ser Jin û Ciwanan tê kirin, naxwaze gelê Kurd bi Ciwanên xwe, bi îradeya jinê hêzbidin civakê, ji ber vê yekê dest pêkê êrîşî Ciwanan dike, ji ber ku yê ku vê civakê bi rê ve dibê Ciwana. Ji ber ku vê hêzê tenê di Ciwanan de dibîne ji bo vê jî her êrîşî Ciwanan dike.
Dema mirov berê xwe dide li van demên dawî jî Polîtîka dijmin ser jinê jî. Mirov dibîne ku çanda xwe ya baviksalarî dide pêş û dixwaze jinê bike bin wê zihniyeta zilam, naxwaze jin azad bijî, naxwaze jin mafê xwe bijî, dibêje divê tu bibe parçeyek ji zilam. Di vê demê dawî de jî dema ku Korona derketî de mirov dibîne ku çiqas Şidet li ser jinê zêde bûye. Jin anîne wê astê ku dibêjinê divê tu serbest nebe, divê tu mafê xwe nebe û hwd.. ji bo vê yekê her tim polîtÎkayên giran ser jinê didin meşandin, ev êrîşên polîsên dagirker yên ku ser jinan têne kirin, mirov dibîne ku êdî çiqas har bûne rastî jinê.
“Em bixwe, bi Keda xwe, bi Hêza xwe, bi Îradeya xwe, xwe li ser lingan bihêlin”
Ji bo vê yekê em wek Jin jî divê em bizanibin ku em xwedî hêzekin, divê çi ji destê me tê em li berxwebidin û divê em xwe nekin parçeyek ji tu kesî, em bixwe xwe jiyan bikin, divê em bizanibin ku hêzek di me de heye ku em bixwe xwe ser lingan bihêlin. Divê em bidestê tu kesî jiyan nekin ku bêjin divê tu 13 salî bizewice û hwd… Divê em bixwe, bi keda xwe, bi hêza xwe, bi îradeya xwe, xwe li ser lingan bihêlin.
Di pêvajoya niha de erkên ku dikevin ser milên me wek Jinên Ciwan û Ciwan erkek pir girane, divê em xwedî li wî erkî derkevin ne ku bi axaftin em bêjin em ê wisa û wisa pêk, divê pratîkê de em pêkbînin. Ji ber ku bi sedan jin îro tên qetilkirin, bi sedan Ciwanên me tên qetilkirin, yanî divê em tiştekî bikin ji bo vê, çiqas ji hêz me tê em çalakiya li darbixin. Tiştê ku ji ciwanê tê xwestin divê bike, çi ji destê Ciwanan bê, çi ji destê jinê bê divê xwe bide pêş û bike, ji ber ku dem ne ew dema ku tu li malê rûnê û hestiyar nêz bibe û bêje çima wisa li vê jinê bû, çima wisa li vî zarokî bû, divê tu bixwe rabe bike, tenê bi gotin nabe ji bo vê yekê divê rola me giran be, divê em rabin serxwe ji ber ku dem ew dema bi tolhilsdanê em bibin bersiv ji hemû êrîşên dagirker re. Rastî jî me tiştek nekiriye heya niha em her tim dibêjin me ve da, me ev da, em tiştekî nakin jî.
Pêwîsta em wek Jin, wek Ciwan rabin serxwe, divê em helwestên xwe nîşan li her derê cîhanê bidin, ku em bêjin em Ciwan hene, û hûn nikarin destdirêjî Ciwanên me bikin, hûn nikarin destdirêjî Jinên me bikin ku em wek Jin jî bi îradeya xwe li vê derê ne ku hêza me jî heye, em ê berxwebidin da ku bizanibin ku hêza me jî heye ku em dikarin ser lingan xwe bigirin.
NC// Faraşîn Sîdar
