QAMIŞLO – Endama Destaya Rêveber a TEV-DEM’ê û endama Koordînasyona Kongreya Star Foza Yûsif derbarê êrîşên dagirker ên dewleta tirk a qirker û çeteyên wê li ser ser Rojavayê Kurdistanê û Bakur Rojhilatê Sûriyê bersiv da pirsên nûçegihanê me. Di beşa yekemîn a hevpeyvînê Foza Yûsif 1’ê û 2’ê Mijdarê Roja Kobanê û Roja Rojava ya Cîhanê û berxwedana cîhanî a ji aliyê hêzên demokratîk û azadîxwaz li derdora Rojava pêşketiyê nirxand û bal kişand ser giringiya têkoşîna enternasyonal.
Beşa yekemîn hevpeyîna ku nûçegihanê me bi Foza Yûsif re çêkiriye bi vî awayî ye:
– Piştî êrîşên dewleta tirk a dagirker û çeteyên DAIŞ û El-Nusra li ser Rojavayê Kurdistanê û Bakur Rojhilatê Sûriyê li tevahî cîhanê liv û tevgerek li derdora Rojava ava buye, wûn vê tevgerê çawa dinirxînin?
“Em hemû gelê me li tevahî cîhanê, hemû dostên gelê me û jinên azadîxwaz ji bo çalakî û meşên wan ên di 1’ê Mijdarê roja cîhanê a Kobanê û di 2’ê Mijdarê roja cîhanê a Rojava silav dikin û sekna wan pîroz dibînin. Îro li cîhanê sîstema desthilatdar krîz û aloziyên mezin jiyan dikin. Her tiştî dixwaze bi riya şer û peran û bi riya zilm û zorê û şidetê çareser bikin. Êrîşek mezin di milê medya û çandî jî tê meşandin. Ev hemû taybet li dijî projeyên azadîxwaz, demokratîk û projeyên ku dikarin ji bo pirsgirêkên mirovahiyê bibin çareserî, dixwazin pêşiya vê bigrin. Ji bo vê jî Rojavayê Kurdistanê û Bakur Rojhilatê Sûriyê lêgerîna çareseriya hemû pirsgirêkên mirovahiyê ye, ne tene ya Sûriye. Ji ber vê jî buye wek hêviyek ji bo mirovahiyê. Hêzên desthilatdar ji bo pêşiya vê bigre û hemû projên azadîxwaz û demokratîk bifetisînine û bi encam nebe, di nava hevkariyê de ev şerê dijwar bi riya Erdogan û DAIŞ li ser me dimeşînin. Pirsgirêka Rojava hem pirsgirêk herêmî û hem jî cîhaniye. Ev du aliyê xwe heye. Yekemîn; Gelê Rojava ji bo xwe, ji bo azadî, wekhevî û edaletê şer dike. Di heman demê di şerekî li dijî DAIŞ’ê û hemû ev hêzên ku ji bo tevahî cîhanê xeteriyek mezin bû da meşandin. Bi qasî têkoşînek hundirin be jî, ewqasî jî cîhaniye. Gelê cîhanê jî di ferqa vê de ne. Ev têkoşîna li Rojava ji bo hemû cîhanê parastinek li dijî çeteyên wek DAIŞ. Ji bo hemû gelên azadîxwaz û demokratîk, hemû jinan, û tevahî çînên bindest wek ronahiyek e. Mirov wana giştî bigre dest, ew dem pirsgirêka Kurdan û ya pergalî ya cîhanê di mijarekê de dibin yek.
Li Şoreşa Rojava xwedî derketin li nirxên azadîxwaz û demokratîk xwedî derketine. Di heman demê de li civakek ku ji bo mirovahiyê kurbaniyê mezin û giranbuha dane xwedî derketine. Ger wek Şoreşên heta niha ku ji aliyê desthilatdaran ve hatine tefisandin, em têkoşîna Şoreşa Rojava bilind nekin û lê xwedî dernekevin wê hemû hêzên demokratîk û azadîxwaz derbên giran bixwin. Komkujiya li ser gelê Kurd tê meşandin, di esasê xwe de komkujiya li dijî hêzên demokratîk û azadîxwaze. Ji ber vê pêwiste em di nava têkoşînek hevbeş de bin. Em vê têkoşîna xwe her roj kurtir, firehtir û mezintir bikin. Ji ber dozên mezin, rêxistin û têkoşînên mezin dixwazin. Roj bi roj pêwiste em têkoşîna xwe bi hêza rêxistinî mezin bikin û çalakiyên xwe befirehtir bikin.”
– Rola Tevgerên Enternasyonalist di Berxwedana Rojava de çiye? Ji bo demê bi kijan perspektifê dikarin hin xurtir têkoşînê bimeşînin?
“Di demên dawî DAIŞ’ê bi riyên veşartî çalakiyên xwe ên terorî dikir û gefên xwe didan meşandin, lê niha DAIŞ bi riya Erdogan û dewleta tirk buye nasnameyek fermî. Çawa Hîtler di sedsala 20’emîn de ji bo tevahî cîhanê xeteriyek mezin bû, îro jî Erdogan bi DAIŞ’ê re ewlehiya tevahî mirovahiyê xistiye xeteriyê. Amerîka û Ewrûpa jî di nav de ye. Dibe ku Bagdadî hatibe kuştin, lê belê fikrên wî nehatiye kuştin. Xeta Bagdadî nehatiye bidawî kirin. Erdogan niha serokatiya DAIŞ’ê dike. Di bin meşuryeta NATO’yê ve dike, bi têkilî û îttîfakê xwe vê dike. Li dijî vê cehpeya paşverû ku Erdogan, Qatar û DAIŞ pêşengtiya wê dike, pêwiste em wek hêzên demokratîk îttîkfakên xwe ên demokratîk yê cîhanê pêş bixin. Pêwistin îttîkfakên azadîxwaz pêş bikevin. Ger ev xeterî li vir neyê xelas kirin wê derbasî Ewrûpa jî bibe, wê li Rojhilata Navîn û herêmên din belav bibe. Jixwe niha ev yek berbiçav e. Ji ber vê jî ev cehpeya demokratîk a cîhanî ku li derdora Rojava kom bûye û xwe wek hêzek an helwestek nîşan dide pirr giringe. Ev xeteriya li ser cîhanê pêwiste bi berxwedana cîhanî bê pêşwazî kirin. Li dijî Erdogan û DAIŞ ku hovitiyê ji xwe re esas digre pêwiste em jî îttîfakên xurt ji xwe esas bigrin. Xebatên navnetewî gelekî giringin ji ber mijara heyatî li holê ye. Erdogan ku xeta paşverû temsîl dike, her kêlî hewl dide hevalan ji xwe re çêbike ji bo Şoreşa me bifetisine. Ji bo wê jî pêwiste em wek cîhana pêşketî em bi hevre bibin yek, ji bo em vê pêl bişkînin. Ji bo em bikarin bihrev ev pêla faşîzmê û dîkatoriyê ku li Tirkiyeyê pêşketiyê têk bibin. Çawa me li Kobanê ev pêla paşverû şikand, pêwiste em dîsa vê pêlê bişkînin.”
BEŞA DUYEMÎN WÊ SIBÊ BÊ WEŞANDIN
NC/BÎRHAT AMANOS
Şirovê 1