NAVENDA NÛÇEYAN – Piştî berxwedanên xwerêveberiyê li Tirkiye ser tora civakî (medyaya civakî) bo belavkirina xwestekên xwe navendek dezenformasyonê hat avakirin. Li gel vê navendê, ev şebeke faaliyetên wek îfşakirin, teşhîrkirin û bi pere stendinê mirovên sosyal demokrat û Kurdên welatperwer dixwazin bixe. Li rex nedîyarbûnê wusa tê texmîn kirin ku ev navenda dezenformasyonê bi 13 kesan hatiye avakirin.
Demekê der barê vê şebekê de ev agahî hatibûn parvekirin:
Operasyona medyaya civakî ya dezenformasyonê di damezrandina vê projeyê AKtrolê de serçete Mete Yarar salên dirêj rêvebertî kiriye. Gelek hesabên twîttirê bi hev re bikar tinîn. Yarar agahîyên ku ji hêzên taybet yên Akp, walî û qeymeqaman tên di hisabên xwe yên medyaya civakî de bikar tîne.
AKtrol Kî ye? Kengî hatîye avakirin?
Tirkî bandora tora civakî di bûyerên Geziyê de nas kir. Twîttira ku hê nû popûler dibû van navberan de hat keşîfkirin. Pey re bu cihê minaqeşeyên pêşîya hilbijartina 30’ê Adarê. Vê serdemê de ku bi piranî ji alîyê mixalifên Akp û rejîma Erdogan ve dihat bikaranîn bandor û hêza wê hat ferq kirin. O bi vê hezê ve tegehên nû, “Troll” û “Aktroll” derketin.
Li ser hesabên Facebook û Twîttirê ku bi hezaran endamên wan hene her roj bi sedan îftira, nûçe û agahiyên derew belav dikin.
Niha jî hesabên bi maskeyên PKK û KDP belavkirine. Vê mijarê de agahîyên ku ajansa me bi dest xistine ev in:
Di nav artêşa Troll a ku girêdayê Akp’a faşîst e de taybet beşa Kurd hat ava kirin. Ev Troll ji bo ku nav Kurdan de dubendîtiyê/bêaqubetiyê derxin, xilafetiyê belav bikin, heqaretê li wan û nirxên wan bikin û rojevê biguherînin dest bi xebatan kirin. Ev trollên ku bi awayên du komên dijber dixuyên hatine birêxistin çi dikin?
Qismek ji wan wek pêgirên PKK’ê û qismek jî wek pêgkrên KDP’ê xwe nîşan didin û parvekirinan dikin. Her dû kom kî ji alîyê heman ekîbê ve tên beralîkirin. Gel vê li bin parvekirinê xwe wek kû kesek ji alîyên din şîrove kiribe şîroveya dikin da ku rewş û hawira dixwazin ava bibe. Tişta ku hemû kes dixe nav miraqê pirsa “hesabên KDP’ê berê ewqas nîn bûn, ev jiku derketin wusa?” bû. Belê tunebûn. Beşa Kurd ya girêdayî ekîba trollê ji bo vê hat sazkirin. Hin hesabên ku hatin bidest xistin û hûrnêrînên li ser wan hat kirin, bi DM’yên (peyamên navbera du kesan li ser Twitter) ku hatin xwendin be ev artêşa Trollî hat deşîfre kirin. Lê çawa?
Berîya her tiştî wek ku tê zanîn ev kes ne ewqas zêde ne. Li gor agahiyên hatin bi dest xistin ji alîyê her trolek ve 10 hesab tê vekirin û bi awayek aktîf ev hesab tên bikaranîn. Di bin parvekirinên hezra dijber de ji bo derketina gengeşeyan bi her 10 hesaban jî şîrove tên kirin. Seyra dîrokî de tu carî PKK û KPD li hember hevûdû peyva “terorîst” bikar neanîne, hevdû bi vî awayî lekedar nekirine. Ne Rêberê Gelan Abdullah Ocalan ne Barzanî, ne jî pêşewayên dîtir li hember hevdû gotinên ku hev biçûk bixin, peyvên heqaretî tu car bikar neanîne.
Dîyar bû ku armanca sereke ya vê artêşa trolî li ser PKK û KPD ji hev cudakirina Kurdan; bi gotinên wek “terorîst”, “ên firotî”, “sîxurê MÎT’ê” derxistina nakokîyan û bi parvekirinê dûrî rojevê dûrxistina Kurdan ya ji mijarên girîng ên rojevê ye. Demên dawî de hûnê jî pergî pevçûn, minaqeşe, mijarên derveyî rojevê hatibin. Ger ku guh bidimê hûn ê bibînin ku ev yek ji alîyê heman hesaban ve tê kirin. Ji hesabên ku hatine bidestxistin de ev yek hatine deşîfre kirin. Armanca sereke wek “kişandina sazîyên Kurdan ya nav van niqaşa” hatiye dîyar kirin.
Bi mijarên ku herî dawî derxistin holê xwestin ku Kurdan bikin nav helezoniya xwe. Heqaretên li hember nirxên civakî, nîşandana beredaybûna berxwedanê, dijûn hê jî berdewam in. Bi karên wan re hin ciwanên Kurdên ji her tiştî bê hay û saxik jî ketin nav vêhawirê û hîn jî dikevin. Ji bo ku bandorê bêhtir li ser wan bikin hin hesabên wan bi zanebûn tên RT (retweet; disa parvekirin) kirin.
Yên ku heqaretê li nirxên Kurdan dikin, bêyî cudakirina Gerîlla, Pêşmerge û pêşengan ji bo hawirek bi gengeşe ava bikin tevdigerin hemû leşkerên vê artêşa Troll in. Yên derve dimînin jî evên ku wan kirine bin tesîra xwe ne. Hin kes (gora tê zanîn) ji bo vê artêşê hawirek ava dikin. Qismek bi zanebûn qismek din jî bi nezanatî tevlî vê tora qirêj dibe.
Hesab, DM, IP, derawa(cîh), mebest û armancên van kesên ku di vê artêşa trol de li beşa Kurd dinêrin bi awayek rêkûpêk hatine tomar kirin êw ê bi raya giştî re bê parvekirin.”
Dê bidome.
Sibê: Di artêşa Trol ya Akp’ê de Beşa Kurd, Beşa HÜDAPAR û ZAZA’yan
