Endamên Meclîsa Jinên Ciwan a HDPê ya Stenbolê, di derbarê konferansa ku bi şopdariya berxwedana Leyla Guven a ku ji bo rakirina tecrîda li ser Rêberê Gelan Abdullah Ocalan dest pê kiribû û bi dirûşmeya “Bi gîyanê jinên ciwan tecrîdê hilweşîne”, li dar bixin da axîvin.
STENBOL – Endamên Meclîsa Jinên Ciwan a HDPê ya Stenbolê, di derbarê konferansa ku bi şopdariya berxwedana Leyla Guven a ku ji bo rakirina tecrîda li ser Rêberê Gelan Abdullah Ocalan dest pê kiribû û bi dirûşmeya “Bi gîyanê jinên ciwan tecrîdê hilweşîne”, li dar bixin da axîvin. Di axaftinên xwe da dan zanîn ku ew di berxwedana xwe da bibiryar in û dê bi vê konferansê jî berxwedana xwe mezintir bikin.
Em dê bi vîn, hêvî û bawerîya xwe ligel Leyla Guven û rêhevalên xwe bin
Ji jinên ciwan Ronahî Kalkan destnîşan kir ku; “Hêza ku dê bikaribe faşîzma AKP-MHPê têk bibe, berxwedana jinên ciwan e û dîyar kir ku ew dê derkevin kolanan û bi hêvî û bawerî dê berxwedana xwe mezintir bikin. Di dawîya axaftina xwe da ji bo konferansa ku dê 17ê Sibatê da li Amedê li dar bixin, bang hildêrand. Ronahî bi vî awayî dest axafitina xwe domand: “Di destpêkê da ez vê dîyar bikim ku daxwaza Leyla Guven a ku ji bo rakirina tecrîda li ser brêz Abdullah Ocalan ketîye greva birçîbûnê, daxwaza me ye. Em çalakîya bidor ya ku parlementên HDPê dan destpêkirin, slav dikin. Em piştgirîyê li, Leyla Guven a ku ev 90 roj in laşê xwe razandiye mirinê û ji me ra bûye deng û ji bo mirovahatîyê li ber xwe dide, dikin. Û em wek jinên ciwan, ji bo deng bidin dengê Leyla Guven û berxwedêrên din ên ku têkoşîna wan bi jiyana me ve girêdayî ye, em dê xwe kerr nekin. Divê em bi lezûbez dakevin kolanan û çalakîyên nobed girtinê pêk bînin, ji lewma têkoşîna azadîya jinê her tim li hember taristana ku tifaqa AKP-MHPê ya belavbûyî, faşîzmê, çewisandin û zilmê, bûye jehrkuja herî karîger. Ew jehrkujî jî, berxwedan û raperîna jinê ya li dijî zilmê ye. Em bi vîn, hêvî û bawerîya xwe ya neşikênbar, dikarin bi çalakîyên nobed girtinê piştgirîya Leyla Guven û rêhevalên wê bikin. Divê em ji bîr nekin ku kolan ên me ne. Girêdayî vê, em dikarin ji bo rakirina tecrîda li ser brêz Ocalan jî rolûristeka girîng bigirin. Em bang dikin ku hûn tev li, konferansa me ya jinên ciwan a ku em dê li Amedê li dar bixin, bibin.”
Divê di serî da jinên ciwan li, berxwedana rûmetdar a Guven a weku jinekê pêşengtîyê lê dike, xwedî derkevin.
Endama Meclîsa Jinên Ciwan a HDPê Seda Yelkencî, bal kişand ser tecrîda ku li ser Rêberê Gelan Abdullah Ocalan tê sepandin û da zanîn ku di eslê xwe da ev tecrîd li ser gel e û dîyar kir ku, ew dê bi konferansa jinên ciwan tecrîdê bişkînin. Seda axaftina xwe wiha domand: “Leyla Guven ev 95 roj e di greva birçîbûnê da ye, ya rast tecrîdek e ku li ser aşitî û azadîyê tê kirin heye. Greva birçîbûnê ya ku Leyla Guven a ku ji bo tecrîda li ser brêz Abdullah Ocalan, a ji bo rakirina tecrîdê dabû destpêkirin, di eslê xwe da vê daxwazê bi lêv dike. Em ji vir, di serî da Leyla Guven û hemî çalakgerên greva birçîbûnê slav dikin. Tecrîda ku tê pêkanîn a rast li ser pêvajoya sîyasî, aşitî, azadîyê tê kirin. Divê di serî da jinên ciwan li berxwedana rûmetdar a Guven a wek jinekê pêşengtîyê lê dike, xwedî derkevin. Em hemû jinên ciwan vedixwînin konferansa xwe ya ku di 17ê Sibatê da li Amedê tê lidarxistin.”
Em dê wek jinên ciwan pêşengtîya berxwedanê bikin
Endameka din a Meclîsa Jinên Ciwan a HDPê Mizgîn Duruk jî dema ku ji bo konferansê bangewazî dikir, dîyar kir ku, ew bibiryar in ku tecrîdê bişkînin. Mizgîn: “Ez di serî da, Leyla Guven û hemî berxwedêrên ku di greva birçîbûnê de ne birêzdarî slav dikim. Bêguman sedema greva birçîbûnê ya Leyla Guven, dawî lê anîna tecrîda ser brêz Ocalan e. Tecrîda ku niha tê sepandin tenê li ser brêz Ocalan nîn e, di heman demê da li ser gelê Kurd hemû, li ser yên ku ked dane vê têkoşînê, yanê li ser hemî mirovayetîyê tê sepandin. Leyla Guven, weku jinekê grevên birçîbûnê yên ji bo rakirina tecrîda li ser brêz Abdullah Ocalan dandestpêkirin, gelek hêja ye. Niha dema ku em li dîrokê jî dinihêrin, di xala têkbirina faşîzmê da yên ku ewil berhingarî kirine, jin in. Em jî dê wek jinên ciwan pêşengtîya berxwedanê bikin. Li ser vê binyadê, em hemû jinên ciwan vedixwînin konferansa xwe ya ku di 17 sibatê da li Amedê li dar bixin.”
