TEBQA – Yekîtiya Jinên Ciwan ya Kantona Tebqayê civîna xwe ya salane bi beşdariya endamên xwe, nûnerên ji Tecemeh Zenûbiya û nûnerên ji saziyên Rêveberiya Xweser a Kantona Tebqayê li dar xistin.
Civîn bi pêşwaziya beşdaran dest pê kir, piştre deqeyek rêzgirtin ji bo giyanê şehîdan hat girtin. Piştre prespektîfên Rêber Apo hatin xwendin û nîqaşek li ser rewşa siyasî ya heyî û pirsgirêkên ku herêm pê re rû bi rû ye hate kirin.
Civîn nirxandinek berfireh a avahiya rêxistinî ya Yekîtiya Jinên Ciwan, behsa zihniyeta baviksalar û bandora wê li ser jiyana jinan û rola wan di civakê de kir. Di nîqaşê de tekezî li ser pêwîstiya têkoşîna li dijî vê zihniyetê bi rêya rêxistin, kampanyayên hişyarkirinê û pêşxistina îdeolojiya rizgariyê ku beşdariya çalak a jinan di hemî waran de garantî dike hate kirin.
Piştre beşdaran nêrînên xwe li ser rastiyên ku jinên ciwan pê re rû bi rû ne parve kirin ,çareserî û pêşniyar kirin ku armanc dikin rola wan xurt bikin û fikirê wan di asta rêxistinî û civakî de pêş bixin.
Civîn bi pêşkêşkirina silfizyonekê ku xebat û çalakiyên salane yên Yekîtiya Jinên Ciwan li Kantona Tebqayê pêk tînin vedihewîne, û balê dikişîne ser hewildan û destkeftiyên di nav salê de hatine bidestxistin, bi dawî bû.
Emcamnamê bi wî rengiye;
