BEYRUT – Konferansa Ciwanên Rojhilata Navîn a ku li paytexta Lubnanê Beyrûtê bi dirûşmeya “Ciwan û avakirina pêşerojeke azad” hate lidarxistin, bi encamnameya dawî ya bi zimanên Kurdî û Erebî bi dawî bû.
Beriya Daxuyaniya Dawî ciwanên ku beşdarî nîqaşên bi sernavê “Rêbazên çareseriya gengaz û alternatîfên pirsgirêkên heyî” bûn, mafê axaftinê girtin û ji bo Rojhilata Navîn a nû û azad nêrîn û pêşniyarên xwe pêşkêş kirin.
Ciwan konferansa ku lidarxistin diyariya Rêber APO kirin û tevlîbûyîna xwe ji bo pêngava “Ji Rêber APO re Azadî ji Pirsgirêka Kurd re Çareserî” ragihandin.
Piştî nîqaşên berfireh 95 delege hatin cem hev û danezana dawî xwendin.
Di danezana dawî de hat siyarkirin ku “Îro ciwanên Rojhilata Navîn û Bakurê Afrîkayê ji bo pêşerojeke azad û adil xwe bi rêxistin dikin û têdikoşin.”
Pêşnumebiryar a Konferansa Ciwanê Rojhilata Navîn û Bakûre Efrîqa wiha ye:
Weke ciwanên Rojhilata Navîn û Bakûre Efrîqa, em îro bi qeyranekê pergalê ya herî dijwar re rûbirû dimînin. Her roj ku derbas dibe, şer û pevçun li her deverî Rojhilata Navîn gûr belav dibin, netewperestî û olperestî rê li pêşiya qirkirina gelan vedike û heman demê derî li pêşiya yekitîya gelan digire û xweza û dewlemendîyên heremê tên talan kirin. Pergala Modernîteya Kapîtalîst di hebûna xwe ya 500 salan de, ji xeyînî, şer, pevcun, parçekirina civakan, metîngerî, û talakirine, ji bo gel û ciwanan Rojhilat Navîn, tişteke bi xwe re neanîye û di roja me ya îro de ciwanên heremê ji mafên xwe yên pêşêrojeke azad bêpar dihêle. Encamên wê yekê li herderê tên dîtin û hîskirin: Koçberî û guhertina demografîye, kuştina jinan, şîddet û pêşketina hêzên paramilîter ku di xizmeta vê pergale terore li ser gelên heremê dimeşînin û bêçarêbuyîn li beramberî qeyrana heyî. Diyarê ku ne rejîm û dewletên heyî ne jî hêzên kurewî ku bi destwerdanên xwe dixwazin dizayneke nû li ser herême ferz bikin, dikarin rêyeke derketine ji vê kaos û qeyrane peyda bikin. Divê ku em xwe bi hevîyên ji dervê re naxapînin: Encax gelên herême wê bi xwe bi xwe yekitîya xwe pêşbixînin, xwe bisperîn hêza xwe yê cewherî û bi vê awayê wê bikarin çareserîyeke biafrînin. Îro ciwanên herema Rojhilata Navîn û Bakûre Efrîqa xwe bi rêxistin dikin û ji bo pêşêrojeke azad û bi adil têkoşîn dikin. Ciwantî tê watêya lêgerîna heqîqete, lêgerîna çareserîye û bi rolekê peşeng ji bo azadîya civakên xwe rabûne. Da ku em bikaribin bi hevrê pirsgirekên heyî dahurandin bikin, rê û rêbazên tekoşîne diyar bikin û çarêserîyên pewîst biafrînin, em di bin sîwana Inisiyatîfa Ciwanên Rojhilata Navîn û Bakûre Efrîqa, di navbera 8ê û 9ê Hezîrane, li bajare Beyruth, li welate Lubnane hatine gel hev û wekê 95 ciwan, ji 15 welatan û 24 rêxistin, tevger û partîyen siyasî em diyar dikin:
1. Çareseriya qeyrana heyî encex ji derveyî pergala modernîteya kapîtalîst û bi avakirina Rojhilata Navîn a demokratîk dikare were pêkanîn.
2. Modernîteya Kapîtalist û hemû rehendên vê nikarin çareserîyeke biafrînin heta pirsgirêkên heyî hîn kûrtir û konferansa me diyar dike ku divê li beramberî hemû projêyên ku ji dervê li ser herême tên ferzkirin, wekê Projeya Rojhilata Navîn ê Mezin, her wiha Islama Siyasî ku bi vê re zikhevê, tekoşînekê fikrî, sîyasî û cîvakî werê meşandin.
3. Konferansa me hemû helwest û nêrîn ku çarêserî ji dervê hevî dikin, bi nêrandineke orîyentalîst Rojhilata Navîn piçuk dibînin û hêza çareserîye di xwe de nabîne, red dike û li beramberî vê ciwanên wekê hêza herî dînamîk ya guhertine û nûbûyîne dibîne.
4. Konferansa me gihiştîye vê encame ku ruxme hemû cudahîyên dîrokî, alîye ziman, çand, kevneşopî, netew û bawerî, pirsgirêkên gelên Rojhilata Navîn û Bakûre Efrîqa bi hev ve girêdayî ne. Lewma ji bo ciwan bikaribin bibin hêza peşêng û çareserî, pewîstîyeke lezgin bi avakirin û xurtkirina yekbûna hêzê ciwanên herme dibîne.
5. Da ku em bikaribin, vê yekbûna hêzê pêk bînin û gavên şenber ber bi konfederalizma ciwanên Rojhilat Navîn û Bakûre Efrîqa biavêjin konferansa me koordînasyoneke, ku ji nûnerên hemû rêxistinan pêk tê, hilbijart û erkdar kirîye.
6. Konferansa me, kolekirina jin û desthilatdarîya zilam li ser jine, wek pirsgireka herî bingehîn û serekê dibîne û diyar dike ku jinên ciwan hêza peşeng a demokratîzekirina Rojhilata Navîn in.
7. Konferansa me, projeyên netew-dewlet ku gel û bawerîyên herême, li hemberî hevdû sor dike, hebûna wan inkardike û astengîya herî bingehîn li peşiya jiyana hevbeş û demokratîk, in, wek çareserî nabîne û di şuna vê de projeya netewa demokratîk, ku mafê çarênûsa xwe diyar kirine ya hemû pêkhateyen herême diparêze, ji xwe re esas digire.
8. Konferansa me penasêkirinên, ku tekoşînên rewa yê gelan, wek ‚terorizm‘ binav û teşîr dikin red dike û diyar dike, ku li beramberî her çurêyê dagirkerî û metîngerî mafê her civakê ya xwe parastina rewa heye.
9. Em li hemberî li hemberî kapîtalîzm û îdeolojiya wê lîberalîzmê, ku civakê li ser esasî destgirtinekê sexte ya ‘azadiyê’ perçedike û ferdperestiyê pêşdixîne, ciwanan ji erkên xwe yên welatparêzîye dur dixîne, li dijî zilamsalarî û talankirina xwezayê, tunekirina jîngehê hemû şêwazên zordestiyê li ser bingeha zayend, nasname, ol, ziman û netew têkoşînê dikin.
10. Konferansa me, polîtikayên dagirkerîya dewleta tirk, ku di xizmeta berjewendîyên hêzên modernîteya kapîtalîst, ji Libya bigre, heta Kafkasya, Yemen û Kurdistane tên pêşxistin, wek dijminê hevbeş ya hemû gelên Rojhilata Navîn û Bakûre Efrîqa dibîne û ser vê bingehê piştgirîya tekoşîna hevpar a gelê Kurd û gelê herême dike.
11. Konferansa me dagirkerîya Israel û qirikirina ser gelê Filistîne şermezar dike, tekoşina gelê Filistîne ji bo azadîyê rewa dibîne û her projêyê ku gelê Yahûdî û gelê Filistîn tîne beramberî hevdû red dike.
12. Emê jibo azadiya hemû girtiyên siyasi en şoreşger kar bikin. Di çarçoveya pêngava cihane a “Ji Abdullah Ocalan re Azadî ji Pirsgirêka Kurd re Çareserî ” a ku di 10 cotmehda hatibû ragihandin. Em tevlîbûyina xwe ji bo pêngave radigihin.
13. Em vî konferansê diyariya rêberê Konfedaralizma Demokratîk Abdullah Ocalan dikin.
