HESEKE – 2’emîn Kongreya Tevgera Xwendekarên Demokratîk bi diruşmeya “Bi zanist û zanînê emê xwe rêxistin bikin û dagirkeriyê têk bibin” hat li darxistin. Kongre li sala Serdem a bajarê Heseke bi tevlîbûna 1000 xwendekarên zanîngeh, dibistan û peyamangehan ji tevahî Bakur û Rojhilatê Sûriyê, Heleb û Şamê pêk hat.
Kongre di serî de ji Rêber Apo, şehîdên şoreşê û gerîlayên di çeperên şer de hat pîroz kirin û deqayekî rêzgirtin ji bo bîranîna tevahî pakrewanên azadiyê hat rawestîn.
Kongre bi axaftina endama desteya hevserokatiya PYD’ê Foza Yûsif hat vekirin. Di axaftina xwe de diyar kir ku Rêber Apo tekoşîna xwe di nav xwendekaran dest pê kir û mînakê xwendekarên qehreman ku cihê xwe di nava tevgera azadiyê de cih girtin da. Her wiha, destnîşan kir ku xwendekar xwedî rolekî pêşeng di nav civakê de û di tekoşîna dijî êrîşên şerê taybet de.
Piştî wê peyam ji aliyê rêveberiya Komalên Ciwan, ji xwendekarên Bakurê Kurdistanê û xwendekarên kurd li Almaniya hatin temaşe kirin. Di peyama Komalên Ciwan de rola ciwanan di nava tevgerên şoreşgerî yên dîrokê de û bi taybetî di avakirina Partiya Karkerên Kurdistan de hat diyar kirin. Her wiha, destnîşan kir ku divê tevahî xwendekar bi erkê xwe rabin da ku civakê ji pergalê qirker a kapîtalîst rizgar bikin. Di dawiyê peyamê de xwendekar bi coş diruşmeyên silavkirina Rêber Apo û gerîla berz kirin û stranên şoreşgerî bi hev re gotin.
Her wiha, perspektîfên Rêber Apo ji bo xwendekaran hatin xwendin. Piştî wê jî raporê kar û xebatê Tevgera Xwendekarên Demokratîk hat xwendin.
Piştre nîqaş derbarê rewşa rêxistinî ya tevgerê û çareseriyê pirsgirêkên xwendekaran hat vekirin. Xwendekaran qala bêmafbûna xwendekaran di biriyargirtina di nava zanîngehan de, û nebûna şagirtên fikirê netewa demokratîk kirin. Her wiha, pêwîstiya bilindkirina parastina zimana kurdî di zanîngehan de hat diyar kirin. Pêwîstî bi zêdekirina perwerdeyan û dayîna nasîn a tevgera azadiyê bi xwendekaran re jî hat destnîşan kirin.
Piştre ji 3 al bi dengdayînê alekî nû hat hilbijartin.
Piştî wê rêziknameyekî nû ya tevgerê, ku navê xwe vegûherî “Yekîtiya Xwendekarên Welatparêz ên Sûriyê”, hat xwendin. 3 bendên rêzikname yek bi yek hatin nîqaş kirin û qebûl kirin.
Di dawiyê de biriyarên Kongre ji bo plansaziyê kar û xebatê hatin xwendin û bi dengdayînê hatin qebul kirin. Biriyar bi vî rengî ne:
1 – Kongre ji şehîd Bişeng Brûsk, Sara Hogir Riha, Tolhildan Qendil, Vejîn Jiyan, Şahîn Cûdî, Erdal Şahîn re were diyarî kirin.
2 – Yekîtiya Xwendekaran li hemberî azadiya fîzîkî ya Rêber Apo xwe berpirsiyar dibîne û wê tekoşîn bilind bike.
3 – Ji bo avakirina pergala netewa demokratîk pêşengtî dike.
4 – Li hemberî hemû cûreyên tecrîd û îşkence tekoşîn dike.
5 – Li hemberî zayendperestî û şîdet li ser jin tekoşîn dike. Zanista jineolojî weke riya çareserî digire dest.
6 – Li hemberî kiriyarên şerê taybet, madeyên hişbir, fuhuş, ajantî û her wekî din xwe perwerde dike û şerê gelê şoreşgerî esas digire.
7 – Li hemberî êrîşên dagirkeriyê erkê parastinê digire li ser milê xwe û pêşengtî dike.
8 – Li hemberî zanista ku dikeve bin xizmetê sîstema dethilatdariyê û kapîtalîst têkoşîn dike û zanista ku xizmeta civakê dike pêş dixe.
9 – Yekîtiya Xwendekaran li hemberî perwerdeyê xwendekaran berpirsiyar e. Herî kêm di salekî de 10 perwerde (Akademiya Şehîd Şahîn Cûdî) werin vekirin.
10 – Festîvala Şehîd Hogir a çand û huner salane li dardixe.
11 – Pêşbirkên zanistî pêşdixe.
12 – Li hemû dibistan, peymangeh û zanîngeh komînên xwe bi rêxistin dike.
13 – Xebatên spor, çand û wêje pêşdixe û dike wesîleya rêxistinkirina xwendekaran.
14 – Dahurandinên Rêber Apo dixwîne û li ser wan panel, komxebat û semîner dide.
15 – Portreyê şehîdên pêşeng ên xwendekaran çêdike û li her derê wan dide nasîn.
