NAVENDA NÛÇEYAN – Li Rêber APO û Omer Hayrî Konar, Hamîlî Yildirim û Veysî Aktaş ên di Girtîgeha Îmraliyê de û 38 meh in tu agahî ji wan nayê girtin 3 mehên din jî qedexeya hevdîtinê hat birîn.
Dadgeriya Înfazê ya Bûrsayê, serlêdana parêzeran û malbatan a ji bo hevdîtinê bersivand. Dadgeriyê diyar kir ku di 28’ê Adarê de Serokatiya Lijneya Disiplînê “cezayê disiplînê” li Rêber APO biriye. Hat hînbûn ku biryara di 12’ê nîsanê de teqez bûye.
Parêzeran ragihand ku pêvajo bêyî wan hatiye meşandin û di 26’ê Nîsanê de serlêdan kirine ku biryar tevî dosye û delîlan radestî wan bê kirin. Lê belê serlêdana wan hat redkirin. Her wiha îtiraza parêzeran a ji bo biryara “cezayê disiplînê” jî hat redkirin.
Ji 25’ê Adara 2021’an ve ti agahî ji Rêber APO nayê girtin.
