NAVENDA NÛÇAYAN –
Destpêkê ji bo her mirovî naskirina welat û bi erkê welatparêziyê rabûn tiştekî wek nan û av girînge, ger mirov çiqas welatê xwe nasbike û axa welatê xwe biparêze, ewqasî dikare xwe bide jiyîn, ji ber ku hebûna her însanî girêdayî hebûna welatê wî ye, mirov tenê dikare bi welatê xwe, xwe pênase bike ango bide nasîn. Ji ber van sedeman ya girîng ji mere ewe ku em ji koka dîroka welatê xwe para xwe bigrin,û hemû êş û kêfxwaşiyên welatê xwe ayidî xwe bibînin. Mijara ku herî zêde dewletên dagirker jî,ji bo tune kirina van welatan her di nava guman û tirsek mezin de ne. Ger mirov bala xwe bidiyê niha di nava dewletên dagirker de hemû kesên welatparêz yên ku ji bo welatê temen didin tên bin çav kirin û dest datînin ser van kesan, ev rihê welatparêziyê ji bo bi bin xistina dijmin bersive, ji ber ku welatparêzbûn, ji bo dewletê bûye pirsgirêkek cidî, ji bo vê yekê jî her qanûnên derveyî pîvanên exlaqî di derheqê wê de derdixe û gelek saziyên xwe ji bo vê cuda erkdar dike.
Welat wek dayîkekê li gel her kesî tê pênase kirin, ji ber ku dayîk çewa zarokan tîne û wan mezin dike, xwedî dike û diparêze, eynî tişt welat jî, welatparêzin xwe di nava axa xwe de hembêz dike û wan ji her tiştî diparêze. Dema ku mirov dibêje welatparêzî navê wê bi awayekî pir vekirî dide xuya kirin ku, erka ev kesê ku navê welatparêzî rakirî, her di posizyona parastina welatê xwe de ye. Dema ku parastin tê gotin nayê wê wateyê ku em welatê xwe tenê di milî heyberî de wê biparêzin, raste ev milî de jî pêwîste em biparêzin em dev jê bernedin, lê ya hîn daha zêdetir pêwîstiya wê bi parastinê heye, milî wê yên rewaniye. Welatparêzek çiqas karibe dîrok, çand, ziman, nasnameya welatê xwe biparêze, ewqas dikare hebûna bidomîne, ji ber ku jiyana her însanî bi rewşa welatê wî ve girêdayî ye, ji ber van hemû sedeman girêdana bi axa welat re wek pêdiviyek jiyanê ye, di eynî demê de yek ji nirxên herî mezin yê welatê me jî, ew mirovên ku ji bo welatek azad canê xwe dikin qurbanin û ji bo welatê xwe her di nava şerekî dijwar dene, mirov dikare bi aweyekî pir şêmber ji wan kesan re bêje welatparêzin, û ji bo welatê xwe amadene her tiştî bikin.
Di roja me ya îro de gerîlayên azad yên kurdistanê, ji bo ku nirxên welat û gelê xwe yê welatparêz ve biparêzin her di nava berxwedaniyek bê hempa dene, pêwîste gelê kurd jî bi awayekî aktîf cihê xwe di nava vê berxwedaniyê de bigire, ji ber ku kesê welatparêz di vê miarê de nakokiyan jiyan nakin. Pêwîste ku gelê me yê welatparêz xwe erkdar bike ji bo azadiya welatê xwe, ji ber ku ger wisa nebe nikarin ev welatên xwe yên dagirkirî vegerînin. Di rastiya welat de mirov dibîne tenê kesên ku dikarin welatê xwe biparêzin, di nava welat de dikarin xwe bidin jiyîn û xwe mezin bikin, ev tiiştekî eşkereye û ber bi çave.
Nucan serdoz nivîsandiye….
