NAVENDA NÛÇEYAN – Navenda Ragihandin û Çapemeniya Hêzên Rizgariya Efrînê nasnameya şervanê xwe Berxwedan Efrîn ku di dema ser karê xwe de bû, di encama krîza dil de gihîşt şihadetê eşkere kir.
Daxuyaniyan derbarê şehîd Berxwedan Efrîn de hatî dayîn wiha ye;
Hevrêyê me Berxwedan Efrîn roja 26’ê Pûşperê dema li ser erka xwe bû, di encama qrîza dil de gihîşt şehadetê.
Hevrêyê me Berxwedan li bajarê Efrînê ji dayik bûye û li nava malbateke welatparêz de mezin bû. Dagirkirina Efrînê ji bo her Kurdekî êşeke mezine, lê ji bo ên ku ji Efrînê be hîn bêhtir êşeke mezin e. Ji ber ku mirov cihê ku lê çêbibe û mezin bibe, hemû bîranînên wê ew dere, û dema ku ew der hat windakirin ji bo stendina wî derê çi pêwîst be tê kirin.
Hevrêyê me Berxwedan jî ji bo rizgarkirina bajarê xwe piştî dagirkirina Efrînê tevlî nav refên hêzên me bû. Her çi qas temenê wê li gor hevrêyên wî mezine jî tevlîbûna wî ya li nav xebatê nebû asteng û hertim bi coş û kelecanek mezin tevlî jiyanê bû. Hevalekî fedakar û kedkar bû. Armanca wî ya yekem rizgarkirina Efrînê û bajarên din yên dagirkirî bû.
Dilê wî yê ji bo azadîya Efrînê lêdida her çi qas bi fîzîkî sekinîbe jî em wek hevrêyên wê ji bo armanca wî ya mezin pêk bînin soza xwe nû dikin û sersaxîyê ji malbata şehîd Berxwedan û gelê xwe ra dixwazin.
Nasnameya hevrêyê me yê şehîd wiha ye;
Nasnav: Berxwedan Efrîn
Nav û Paşnav: Elî Cabo
Navê Dayikê: Islim
Navê Bav: Elî
Cihê Ji Dayîkbûnê: Efrîn
Dîroka Şehadetê: 26’ê Pûşperê 2022’an
