NAVENDA NÛÇEYAN – Jinên ciwan ên Başûrê Kurdistanê, bi xwedî derketina li Rêberê Gelan Abdullah Ocalan têkoşîna xwe bilin dikin. Ji bo azadiya fîzîkî ya Rêberê Gelan Rêber Apo banga bilindkirin û xwedî derketina li keda Rêberê Gelan kirin. Jinên ciwan yên ku bi ajansa me re axivîne dan diyar kirin ku ancax em bi Rêber Apo re azad bibin û gotin; “Em dibînin ku jin bi saya Rêber Apo bûye xwedî hêz, îrade, bawarî û fikrekê ve. Mînaka wê ya şênber jî jinên Rojavayê Kurdistanê û jinên li Çiyayên Kurdistanê ne.”
Jina ciwan ya bi navê Ronak Takor diyar kir ku Kesayeteke mîna Rêber Apo ne mumkîne were dîkgiritin û got;
“Ev 24 salin ku Rêberê gelan Rêber Apo di zîndana Îmraliyê de ye, ji bo fikirek azad û kurdistanek azad. Em qebûl nakin ku Rêberê gelan Rêber Apo di Îmraiyê de be, ji ber ku Rêber Apo di her aliyek ve azadî ji bo jinan pêşxistiye. Jin di dema borî de weke darek hişk bûn, lê di roja me ya îro de bi fikir û felsefeya Rêber Apo jin careke din ji nû da şîn bûye. Rêber Apo ji her aliyek azadî ji bo jinan pêşxistiye, ji ber vê jî em rê nadin ku Rêber Apo di zîndanê de be, ji ber azadiya me jî girêdayî azadiya Rêber Apo ya fîzîkî ye. Rêber Apo jin bi fikirek azad perwerde kir mînaka wê jî di Rojavayê kurdistanê de û parçeyên din jî de dibînin ku çawa jin pêşengtiya xebat û têkoşîna welat dikin. Ne tenê jin her wiha civak bi giştî bi fikrek azad perwerde kir. Kesatiyek bi vê rengî ne mumkîne ku 24 salin were dîl girtin, ev tê wateya ku li dij mirovahiyê pîvan û rêgezên ne hiqûqî tê kirin. Lê li ruxmî vê jî dijimin ji fikir û felsefeya Rêber Apo ditrsin, ji ber vê xistine zîndanê.
Rêber Apo di fikirên xwe de tu carî nayê dîlgirtin;
Belkî Rêber Apo bi fîzîkî zindan be lê fikira Rêber Apo tu carî dîl nayên girtin. Têkoşîna me ya niha jî li ser vê esasî ye, ku em jî Rêber Apo deyîna xwe ya ji bo Rêber Apo bidin û fîzîkî azad bikin. Li ser vê bingehê bangawaziya min ji hemû ciwanan re ewe ku fikir û felsefeya Rêber Apo bixwînin û nasbikin, li ser vê bingehê jî têkoşîna xwe berdewam bikin. Ne tenê ciwan divê hemû gelê Başûrê Kurdistanê, hemû perçeyên Kurdistanê û derveyî welat jî,Rêber Apo bixwînin da ku karbin pêşerojek azad jiyan bikin. Ji ber ku Rêber Apo Rêberkî azadiyê ye, heta di zîndana Îmraliyê de jî ji bo welateke azad têkoşîn dike û di nava berxwedaneke bê hempa de ye. Êdî dem dema azadiyê ye, pêwîste her kes bi vê siloganê daxwaza azadiya civaka xwe bike û destpêkê em daxwaza azadiya fîzîkî ya Rêber Apo bikin.
ya dîtir jina bi navê Xizan Xeder da destnîşan kirin ku pêwîstiya jinên Başûrê Kurdistanê xwe bi felsefeya Rêber Apo perwerde kirinê heye;
“Nêzî salek û nîve ku tu agahiyek ji Rêber Apo nayê girtin, di heman demê de ev bû 24 salin ku Rêber Apo li giravekê bi tenê di bin tecrîdeke girankirî de ye. Rêber Apo ji bo gel û jinên kurd û heta ji bo tevahî çînên bindest têkoşîneke bê hempa meşand û heya niha jî dimeşîne. Ji ber vê jî Rêber Apo weke Rêberê gelê kurd tenê nayê naskirin, di giştî Rojhilata Navîn de Rêber Apo Rêberê yekemîne ku ewqas xwedî li pîvan û exlaqê civakê ve xwedî derdikeve. Ji ber vê jî netewên cuda jî Rêber Apo weke pêşengê xwe dibînin. Rêber Apo jin ji sîstema koledar ya hezarê salan bi paradîgmayekê azad kir, riya rast nîşanî jinê de, Rêber Apo jin ji bin xetimandinên sîstemê derxist, û ji nû de nefes bi jinê da standin.”
Rêber Apo xwedî li civak û jina azad ve derket;
“Weke em niha dibînin jinên Başûrê Kurdistanê xwe perwerde kirinê girîng nabînin, lê rastiyek wisa heye ku heya jin xwe perwerde neke nikare, zanebûna xwe kûr neke wê bibe amûrek ya sîstema kapîtalîst. Em weke ciwan, jin û hemû mirovatî, divê têkoşîna me li ser esasê azadiya fîzîkî ya Rêber Apo be. Ji ber ku tenê Rêber Apo xwedî li jin û civaka azad ve derket. Ji ber vê jî sîstema kapîtalîst Rêber Apo kir hedefa xwe. Em dibînin ku jin bi saya Rêber Apo bûye xwedî hêz, îrade, bawarî û fikrekê ve. Mînaka wê ya şênber jî jinên Rojavayê Kurdistanê û jinên li Çiyayên Kurdistanê ne. Rêber Apo ew bi keda xwe perwerde kirin, îro em jî dibînin, ewna jî di xeta herî pêş de şerdikin û di cîhanê de ewna weke mînak û bingeha têkoşîna tevahî jinên cîhanê tê girtin. Eger em li dîroka mirovahiyê binêrin, emê bibînin ku jin bûye afirînera herî mezin di dîrokê de, hêzên desthildar dizanîbûn dema ku jin vê afirînertiya xwe ya jiyanê dewam bike wê li pêşiya hêza wan ya sermeyedar bibe astengiya herî mezin. Ji ber vê jî ji bilî koletiyê tiştek tercîha jinê nekirin. Lê belê dîsa jî Rêber Apo bi felsefeya xwe li pêşiya hêzên serdest zehmetî û astengiyên mezin ve çêkirin. Jin niha bi têkoşîna xwe kariya xwe di asta cîhanî de îspat bike.”
Rêber Apo di ruh, mejî û fikirên me hemûyan de jiyan dike;
“Jin li dijî dijmin parastina xaka, welat û nasnameya xwe ve dike. Ez wekî jineke ciwan bang li tevahî jinên ciwan, tevgerên azadîxwaz û mirovahiya azad dikim ku her tim ji bo azadiya fîzîkî ya Rêber Apo deng û têkoşîna xwe ve bilin bikin. Ji ber ku tenê Rêber Apo dikare mirovahiyê vegerîna ser jiyana azad û xwaş ve. Civak dikare bi fikir û felsefeya Rêber Apo dikare xwe bighîne asta herî bilind. Di dawiyê de dibêjim êdî tecrîd û îşkenceya ser Rêber Apo re, dem dema azadiya Rêber Apo ye. Ji ber ku dîlgirtina Rêber Apo dîlgirtina tevahî jinan û civakê ye. Rêber Apo di ruh, mejî û fikirên me hemûyan de jiyan dike.”
NC/Viyan Amara
