NAVENDA NÛÇEYAN – Tevgera Ciwanên Şoreşger û Yekitiya Jinên Ciwan li dijî êrişên li ser qadên gerîlla li Qamişloyê û daxuyaniyek dan.
Daxuyaniya Ciwanan wiha ye:
“Raya Giştî û Ragihandinê re
Dewleta Tirk a dagirker piştê ewqas têkçuyinên xwe ên hember gerilla bes nedît û niha jî bi êrişeke dagirkeriyê ve dixwaze armancên xwe yên dagirkeriyê pêk bîne. Destana Garê hemû planên îktîdara faşist a AKP-MHP’ê tevlî hev kir. Piştê binkeftina xwe ya Garê Dewleta Tirk a Faşîst demeke dirêj bû ku ji bo êrişeke li ser kurda xwe amade dikir. Diyar bu ku ev amadekarî bi asteke navnetewî de dihat plankirin. Êrişên bi destê Çeteyên Rejîma Baas ve li Qamişloyê pêk dihatin jî perçeyekî vê konseptê bûn. Dewleta Faşîst a Tirk derveyê piştgiriya navnetewî tu parçeyekî kurdistanê de nikare bi tena serê xwe êrişekî pêk bîne. Ji ber vê Şerê gele Kurd ne tene li dijî dewleta Tirk, di heman demê de li dijî hêzên navnetewî û teknîka wan e jî.
Deshilatdariya AKP-MHP’ê ji bo pêşiya hilweşandina xwe bigre û binkeftina Garê veşêre dixwaze êriş û qetlîama li ser gele kurd û gerilla pêk bîne. Lê ev planên wan ên qirêc dê pêk neyên. Ji ber ku Gerîlla û ciwanên kurd di her demê zêdetir amade ne.
Herî dawî doh êvarê Dewleta faşist li ser ZAP, METÎNA Û AVAŞÎNÊ êrişên xwe yên dagirkeriyê da destpêkirin. Em wek Tevgera Ciwanên Şoreşger û Yekitiya Jinên Ciwan li dijî vê dagirkerî û êrişên dewleta Faşîst seferberîyê îlan dikin û diyar dikin ku Ciwanên Rojava dê her qadê de li dijî van êrişa derkeve û li her qadê Kurdistanê de li gel gerilla bi awayekî aktif cihê xwe bigre.
Gerîlla xeta Ciwanan a sor e. Ji ber ku hebûna gelê Kurd girêdayê hebûna gerilla ye. Gerîla hêza parastina cevhera gele Kurd û gelên Rojhilata navîn e. Ji ber vê îro êrişên kul i hember gerilla pêk tên bi esasê xwe li ser tunekirina gele Kurd û gelen rojhilata Navîn in.
Li ser vê êsasê bangawaziya me ji bo hemû ciwan û jinên ciwana ye:
Êrişên ku li hember gerîla ên li Zap, Avaşîn, û Metînayê pêk tên li ser tunekirina me ye. Ji ber vê divê her ciwan demildest rabe li ser piya û Zap, Avaşîn û Metînayê de Şerkirinê ji bo xwe wek erkeke însanî bibîne.
Divê dewleta faşist baş bizanîbe ku êdî kurd ne kurdê bere ne. Ciwan jî ne ciwanên bere. Ciwanên ku li ser fikra Rêber Apo xwe rêxistin dikin dê berxwedaneke bê hempa bersiv bide êrişên dagirkeriyê. Bi vê ruhê helwesta me ya Tevgera Ciwanên Şoreşger û Yekitiya Jinên Ciwan dê heta dawî berxwedanê de israrkirin be. Da ku wek Garê destaneke nû were nivîsandin û em jî di nava vê destanê de cihên xwe bigrin.
Bijî berxwedana Gerîlla
Bijî Serok Apo”
