SILÊMANÎ – Însiyatîfa Ciwanên Başûrê Kurdistanê, ji ber provakasyona PDK’ê ya li Zînî Wertê bi dirûşmeya “Em ji bo Yekîtiya Neteweyî dimeşin” wê di 16 mehê de ji Ranyayê ber bi Zînî Wertê dest bi meşa dirêj bikin. Têkildarê aloziya li devera Zînî Wertê û meşa dirêj ku wê bi pêşengtiya Însiyatîfa Ciwanên Başurê Kurdistanê di 16’ê mehê de destpê bike Rêveberê Rêkxirawa Fîçer Herdî Ehmed ji ajansa me re axivî.
Herdî Ehmed, provakasyona PDKê ku bi plana dewleta Tirk a dagirker li Zînî Wertê ketiye wek rewşekî metirsîdar pênase kir. Herdî, da diyar kirin ku PDK bi piştgiriya dewleta Tirk a dagirker, qadên Gerîla lê hene dixwazin li ev der baregehên xwe ava bike. Herdî, anî ziman ku bi van kiryaran PDK dixwaze Têkoşîna Azadiyê tasfiye bike û armanca dewleta Tirk a dagirker pêk bîne. Herdî, da zanîn ku ev rewş nayê qebûl kirin û wek gelê Başurê Kurdistanê jî ev rewş qebûl nake. Herdî, di derbarê planên dewleta Tirk a dagiker de axifî: “Em pir baş dizanin ku armanca dewleta Tirk a dagirker, dagirkirina Başurê Kurdistanê dagir bike ye. Yek jî armanca dewleta Tirk a dagirker jî tekoşîna PKKê negihije asta çar parçe Kurdistanê.”
‘Gelê Başurê Kurdistanê bi tu awayî şerê navxwe qebûl nake’
Herdî da zanîn ku bi provakasyona PDKê li Zînî Wertê metirsiya şerê navxwe derketiye, di dewama axaftina xwe wiha domand: “Dixwazim bînim ziman ku gelê Başurê Kurdistanê dûbare nahêle şerê navxwe derkeve. Me jî wek 105 rêxistinên saziyên sîvîl diyar kir ku di vê pêvajoyê de şerê navxwe qebûl nakin û helwestê xwe li beramberî vî digirin. Divê li hember vê rewşa taybet ciwan û hemû gelê Başurê Kurdistanê helwesta xwe bi awayekî diyar bike. Çalakiyê xwe diyar bike.”
‘Em piştgiriya xwe ji bo meşa dirêj ya Zînî Wertê radigîhînin’
Herdî di dawiya axaftina xwe ji bo meşa dirêj ya Zînî Wertê jî ev agahî dan: “Em ji bo meşa dirêj ku 16’ê mehê de ji bo Zînî Wertê destpê dike piştgiriya xwe radigîhînin. Peyam û armanca wan ji bo şerê navxweyî dernekeve ye. Me jî li gel gelê heremê û navçeyê wek rêxistinên saziyên sivil û çalakvanên medenî axifîne. Di rewşekî metirsidar de jî em ê dest bi mertalên zindî bikin.”
Yek ji berxwedanvanê çalakiya greva birçûnê Mervan Menduh Özdemir ji di derbarê provakasyona PDK’ê li Zînî Wertê axivî û bangawaziya beşdarbûna meşa dirêj kir.
‘Tevlîbûna meşa dirêj pêşî li dagirkirina Kurdistanê ye’
Ciwanê bi navê Mervan derbarê rewşê wiha axivî: “Li Zînî Wertê bi pêşengtiya dewleta Tirk a dagirker de provakasyonek heye. Bi vê provakasyonê pêl bi pêl Başurê Kurdistanê dagir bike. Pêşî li Yekîtiya Neteweyî ya Kurdan bigire. Li hember vê provakasyona ku li Zînî Wertê bi rêve diçe. Li çar parçeyên Kurdistanê, di nav hunermedan, rewşenbîran kêm be jî pêş ketiye. Ji bo ev provakasyon nebe sedema şerê navxweyî 16 vê mehê de bi pêşengtiya Ciwanan li bajarê Ranya’yê meşekî dirêj wê were lidarxistin. Bangawaziya min ew e ku ji hemû ciwan û jinan re tevlîbûna wan a meşa dirêj wê pêşî li dagirkirina Kurdistanê re rê were girtin.”
