BEHDÎNAN – HPG’ê nasnameya 3 gerîlayên ku li Xakûrkê di encama êrîşên esmanî de şehîd bûbûn eşkere kir û sersaxî ji malbat û hemû welatparêzên Kurdistanê re xwest.
Daxuyanıya Navenda Ragihandin û Çapemeniyê ya HPG’ê wiha ye:
“11’ê Adarê me daxuyaniyek dabû û ragihandibû ku 10’ê Adarê di encama êrîşên esmanî ya li ser Hêrêma Xakûrkê ya Herêmên Parastinê yên Medyayê de 3 hevrêyên me şehîd bûbûn. Nasnameyên hevrêyên me yên şehîd bûne wiha ne:
 |
Nasnav: Ajwan Botan Nav û Paşnav: Hamîd Sadiqî Cihê Jidayikbûnê: Dîwandere Navê Dayikê-Bav: Zuleyha – Hasan Cih û Dîroka Şehîdbûnê:: Xakûrkê /10’ê Adara 2020 |
Ajwan – Hamîd Sadiqî
 |
Nasnav: Nûman Amed Nav û Paşnav: Onûr Akyuz Cihê Jidayikbûnê: Amed Navê Dayikê-Bav: Ayten – Kamîl Cih û Dîroka Şehîdbûnê:: Xakûrkê /10’ê Adara 2020 |
Nûman – Onûr Akyuz
 |
Nasnav: Serdar Qendîl Nav û Paşnav: Servet Huseyînî Cihê Jidayikbûnê: Ciwanro Navê Dayikê-Bav: Tayîbe – Huseyîn Cih û Dîroka Şehîdbûnê:: Xakûrkê /10’ê Adara 2020 |
Serdar – Servet Huseyînî
Her roja diçe heqîqeta yekan e hêza çaresderiyê ya felsefeya Rêber Apo û PKK’ê ya li çar perçeyên Kurdistanê û Rojhilata Navîn derdikeve ber çavan. Li gel hêviya ku felsefeya jiyanê ya Rêber Apo ku ji bo hemû gelên hejar bûye hêvî, ji bo gelên ji bo azadiyê têdikoşin jî bûye rênîşandariya bingehîn a têkoşînê. Yên ji bo pêkhatina van nirxan canê xwe feda kirine û di vê rêyê de bi kedek mezin li ber xwe dan û ji bo me mîrasê berxwedanê hiştin şehîdên me ne. Gelê Kurd ji heftsalî heta heftê salî her demê îro jî tevî hemû zext û zordariya dagirkeriyê xwedî li mîrasê xwe yê menewî derketiye û mezin kiriye.
Hevrêyên me Ajwan, Serdar û Nûman bi vê zanabûnê ji bo azadiya gelê Kurd û dîsa ji bo berxwedana şehîdên me yên ji bo me nirxên herî giranbiha ne dewir bigirin, berê xwe dane qadên têkoşînê.
Hevrêyên me Ajwan, Serdar û Nûman yên ji herêmên cihê yên Kurdistanê hatine dinê û di nava malbatên welatparêz de mezin bûne , di temanê xwe yê ciwan de gerîlayên Kurdistanê naskirine, dîsa ji nêz ve şahidî ji zilma dewleta dagirker a li ser gelê Kurd re kiriye, gihane wê rastiyê ku yekan e hêza ku li dijî zilim û vê dagirkeriyê tevgera PKK’ê ye û tevlî gerîla bûne. Hevrêyên me Ajwan, Serdar û Nûman her demê ji bo fêrbûn û şêwazê gerîl, dîsa di pêşxistina taktîkan de tim ketine nava hewldanan. Di hemû perwerdehiyan de bi serketî derketine, li dijî êrîşên dagirker erkên girîng girtrine. Bi vê azweriya têkoşînê ji bo hemû hevrêyên xwe bûne mînak û pêşeng.
Di serî de ji malbatên hevrêyên xwe yên şehîd û hemû gelê welatparêz ên Kurdistanê re sersaxziyê dixwazin û soz didin ku em ê mîrasê têkoşînê yê ku hevrêyên me ji bo me hiştin bi serketinê tacîdar bikin.”
