NAVENDA NÛÇEYAN – Bi sedan kesên ku di nava koma çeteyan DAÎŞ-El Nûsra ku dewleta Tirk a dagirker weke “Artêşa Mîllî” bi nav dike ji bo şerê bi Xelîfe Hefter re ji bo Trablûsê hatibûn şandin.
Li gorî agahiyên ku ANF’ê bidestxistî ji van çeteyan 3 roja Duşemê di şerê li Lîbyayê de hatine kuştin.
Diyar bû çeteyên hatine kuştin navê wan wiha ne; Ebû Adil (Mahmûd el Beşîr el Mahmûd Elcarallah), Îsam El Carallah û Abdûlrezaw El Mahmûd e.
Her 3 çeteyên ji Tedmûrlûyê ji destpêka şerê navxweyî yê li Sûriyeyê, ji xwe re gotin “şoreşger” bi dizî û revandina mirovan a ji bo fîdyeyê tên naskirin.
Destpêkê ev çete beşdarî koma Farûq El Îslamî bûn piştre beşdarî Heyet Tahrîr Şam ya ji aliyê DAÎŞ û El Nûsra ve hatibû avakirin di sala 2018’an de beşdarî Firqa Hamza bûbûn. Tevî ku di nava Firqa Hamza de gelek mirov revandin, fîdye xwestin û karên qirêj kirin di nava “Artêşa Mîllî” ya dewleta Tirk a dagirker avakirî de cih girtin. Piştre ji aliyê dewleta Tirk li beramberî 2 hezar dolar ji bo her kesekê şand Lîbyayê. Wêneyekî ku her sê çeteyan di balafirê de bi hevre kişandî jî dide xuyakirin ku ji bo Lîbyayê hatine şandin.
