Li dijî helwesta YNK ku di van rojên dawî de li ser saziyên Kurdên azadîxwaz ên Başûr nîşan dide ji gelek aliyan bertek tê nîşandan.
NAVENDA NUÇEYAN – Li dijî helwesta YNK ku di van rojên dawî de li ser saziyên Kurdên azadîxwaz ên Başûr nîşan dide ji gelek aliyan bertek tê nîşandan. Tevgera Ciwanên Şoreşger ên Surî jî bi daxuyaniyekê diyar kirin ku ew bang li YNK û PDK’ê dikin ku li şûna navêndên Tevgerên gelê Kurd digirin bila baregeh û îstîxbareta Tirk û Îranê ku Başûr dagir kirine bigirin. Û hêzên dagirker li Başûrê Kurdistanê derxînin.
Daxuyaniya Tevgera Ciwanên Şoreşger wiha ye:
“Di vê dema dîrokî de bi rêbertiya Rêber Apo gelê Kurd di çar parçeyê Kurdistanê bûye xwedî hêza rizgariyê û bi destxistina azadiya xwe. Têkoşîna azadiya gelê Kurd veguheriye hêviya azadiyê ji bo tevahî gelan. Ji ber ku Rêber Apo vê hêzê bi rêve dibe û mezintir dike li ser Rêber Apo êrîşên dagirkeriyê giran dibe û di bin îşkenceyê de tê hiştin. Her wiha li ser Qendîl, Bakur, Başûr, Rojava û Şengal êrîşên faşîzma Tirk û dewletên din ê dagirker bi hemû hovîtiya xwe pêk tê. Ji milekî ve faşîzma Tirk di nav tirs û êrîşên hovane de ye, ji milekî din ve dewleta Îran. Dagirkeriya Tirk û Îran ji her demê zêdetir ji şoreşa Apoyî û berxwedaniya gelê Kurd ditirsin. Berxwedaniya ku Rêber Apo, gerîla, şervan û gelê Kurd ê welatparêz dikin, tevahiya êrîşên dagirkeriya Tirk bi bin xistine. Tirkiye jî Îran jî fêmkirine ku tenê bi hêza xwe nikarin berxwedaniya Rêber Apo û tevgera azadiyê ji nav bibin. Ji ber wê jî di nava rojên dawiyê de dagirkeriya Tirk û Îran li dijî tevgera azadiya gelê Kurd û biryara bi hev re êrîşkirinê dan. Rûxmî vê îtifaqê jî Tirkiya û Îran bi tirs in û dizanin ku nikarin berxwedaniya Rêber Apo û gelê Kurd bişkînin. Ji ber wî dixwazin bi destê xayînên Kurd, cahş û xwefiroşan wekî xençera li piştê tevgera azadiya gelê Kurd ji nav bibin. Bi salan e PDK bi vê rola xîyanetê radibe.
Piştî îtîfaqa Îran û Tirkiye, YNK ferman daye asayîşa xwe û navendên TEVGERA AZADÎ, KOMALGEHÎ KURDISTAN digirin. Di dema îtîfaqa Tirkiyê û Îranê de ev êrîşên asayîşa YNKê tên wateya ku YNK wekî bi kirêgirtiyê Îranê tevdigere. Û wekî partiya îxanetkar îtîfaqa Îran û Tirkiyê ji aliyê xwe ve pratîze dike.
Ji ber vê yekê em wekî Tevgera Ciwanên Şoreşger ê Sûriyê êrîşên asayîşa YNK li ser navendên Tevgera Azadiyê ya Başûrê Kurdistanê wekî îxaneta doza Kurd dibînin û xwefiroşiya dagirkeran bi nav dikin. Û em vê îxanetê û xwefiroşiya wan şermezar dikin.
Em bang li YNK û PDKê dikin li şûna navêndên Tevgerên gelê Kurd digirin bila baregeh û îstîhbareta Tirk û Îranê ku Başûr dagir kirine bigirin. Û hêzên dagirker li Başûrê Kurdistanê derxînin.
Em piştevaniya xwe ji berxwedanî û xebatên Tevgerê Azadî didin nîşan.
Ev biryar çawa ku ji îtîfaqa Tirkiye û Îranê ne qut e ji biryara dawî ya Emerîqayê ku li dijî Şoreşgerên Kurd dayî jî ne qut e. Em ji Tirkiye, Îran, Emerîqa û cahşên wan re dibêjin ku di Kurdistanê de tenê û tenê wê binketinê bi dest bixin.
Em bang li tevahiya ciwanên Rojavayê Kurdistanê yên Şoreşger, welatparêz û partiyên siyasî dikin ku li hemberî van polîtîkayên cahşîtî û xiyanetkarî yên PDK û YNKê serî hildin. Ji ber ku rizgariya Kurdistanê di têkbirina xiyanet û dagirkeriyê re derbas dibe.”
