Turnûvaya Şehîd Vejîn Jiyan Despêkir

Bi koordînaya Meclisa Werzîşê ya kantona Tebqa îro Turnuva Şehîd Vejîn Jiyan a Ciwanên Fotbolê li Stadyûma Şehîd Derwîş a Tebqayê hat destpêkirin. Di turnuvayê de 9 tîm bi 2 koman beşdar in. Koma yekemîn ji tîmên; Akademiya Tenduristiyê, El Terecî, El Mehebe û Nesir El Mensore û koma duyemîn ji tîmên; Dibistana El Terecî, El Nicme, El Cîhad, El Itîfaq û Akademiya Ciwanan pêk tên. Temenê lîstîkvanan ji 14 saliyê û jor de ye. Turnuva di navbera tîmên Akademiya Tenduristiyê û El Terecî de dest pê kir û bi serketina tîma El Terecî bi 4 golan li hember golekê ya Akademiya Tenduristiyê bi dawî bû. Dê turnuva bi maşên di navbera tîman de heta 20 rojan dewam bike.