ŞEHBA – Rêber Apo piştî ku bi dehan salan li Sûriyê mabû û gelê herêmê û bi taybet jî gelê Efrînê perwerde kir, ji Rojhilata Navîn derket û bû hedefa komployekî navnetewî ku di 15’ê Sibatê 1999’an de bi dîlgirtina Rêber Apo li Keniya gihîşt armancê xwe.
Bi boneya nêzbûna salvegera 25’emîn a komployê navnetewî ya li dijî Rêber Apo ajansa Nûçe Ciwan bi penaberên Efrînê ku li Şehba bi cih bûn axivî.
DIXWESTIN DI ŞEXSIYETA RÊBER APO GELÊ KURD TUNEYÎ BIKIN
Navê min Alî Menûn e, ez bi xwe ji gundê Zivîngê me. Me xwest em hinekî em li ser mijarê di sala 1999’an de li ser komploya ku li ser Rêber Apo hatiye damezrandin. Me xwest em hinekî vê mesele şîrove bikin. Ev komplo ne însanek bû, ne dewletekî ji derve ku dest bi ve komplo kir, pir dewletên navnetewî hebûn, destên xwe di vê komployê de hebûn ji bo Rêber Apo bidin sekinandin. Di şexsiyeta Rêber Apo de jî xwestin gelê kurd qir bikin. Çawa ev dest pê bû li ser Rêber Apo, dixwestin di şexsiyeta Rêber Apo jî miletê kurd tuneyî bikin.
RÊBER APO RÊBEREKÎ HEMÛ MILETAN BÛ
Ji ber wê jî, ji ber ku Rêber Apo ne rêberê kurdan bû, Rêber Apo rêberekî navnetewî bû, yê hemû miletan bû. Çiqas pêkhate hebûn di Rojhilata Navîn de, di diniyayê de, Rêber Apo rêberê hemûyan bû. Ji bo gelên bindest bû, ji bo însanên bindest bû. Ji ber wê jî van dewletên navnetewî Rêber Apo ji xwe re kirin hedef û xwestin Rêber Apo bidin tuneyî kirin. Ji ber wê jî her tişt ku li ser Rêber Apo kirin, hemû terz li ser wan vegerî.
HETA NIHA KOMPLO BERDEWAM E
Rêber Apo hemû tişt di Kurdistanê de bi elamê da nas kirin û ji berî pirtir şewq da, ji berî girantir bû û hemû gelê kurd bi vê komployê navnetewî ku li ser gelê kurd hat meşandin hemû deşîfre bû. Ji elamê re, ji gelê kurd re, ji dostên me re, ji însanên me yên welatparêz re ev tişt hemû hatin xuya kirin. Lê ama heta niha ew planên ku li ser Rêber Apo çêkirin, heta niha ew komplo berdewam e, heta niha hîn nesekinî.
EMÊ VÊ KOMPLO BI DAWÎ BIKIN Û EM ISRARLÎ NE
Em jî bi tekoşîna xwe û bi berxwedana xwe emê vê komplo bi dawî bikin û em israrlî ne. Hemû miletê kurd jî israrlî ye. Li ser van komplo navnetewî ku li ser Rêber Apo û li ser gelê kurd hat meşandin, em bi baweriyekî mezin ku emê tekoşîna xwe bilind jî bikin û em tu carî mecalê ji dijmin re venekin.
RÊBER APO NE WEK RÊBERÊN BERÎ BÛ
Navê min Ednan Ehmed Alî ye. Ez însanekî ji Efrînê me, penaberê bûm û li Şehba bi cih dibim di kampa Berxwedan de. Ev komployê li ser Rêber Apo hat meşandin, taybet di dîrokê dijminê Tirkiyê de, dewletê tirkiyê de, demê rêberê şoreşekî digirin, ew şoreşê hildiweşe. Lê wan nizanîn Rêber Apo ne wek rêberên berî wê, herêmî, rêberekî eşirtî, rêberekî malbatî, ew rêberekî ku ji nav gel derket. Ne şêxek bû, ne ji eşîrek bû, ji vê gelî bû. Dema rêberekî di nav însanan de derkeve, tabî wê civaka bihese.
GEL BI XWE RABÛ JI BO PARASTINÊ RÊBERÊ XWE
Dema Rêber Apo girtin, we giştî dît. Volkanek teqiya. Gel bi xwe rabû ji bo parastinê rêberê xwe. Hemû hevalên di me yên ciwan agir bi bedenê xwe xistin. Lê wê têrê nekir, ne ji bo rexneyên Rêber Apo, muhmkun e ji wana bêtir derbas ba. Lê pêşniyarê Rêber Apo bû ku em li ser kar û xebatê xwe bisekinin, ji bo şoreşê me jî bi rêve were û serkeftinê şoreşê me jî bi rê ve here.
DEMA PROJEYA RÊBER APO BISERKEVE SÎSTEMA KAPÎTALÎST HILWEŞE
Lê we dîtiye niha; eynî dewlet û desthilatdar ji bo zanin sîstema Rêber Apo terzê sîstemê wan e, yanî, dema projeya Rêber Apo biserkeve sîstema kapîtalîst hildiweşe. Lê projeya Rêber Apo, projeya netewa demokratîk e, yê hemû gelan bi hev du re jiyan bikin, hemû ol bi hev du re jiyan bikin, aşitî ye, aramî ye, li dijî şer e, li dijî qirkirin e, wekheviyê dixwaze. Pir însan heta niha, ne tenê gelê kurd bindest e. Gelê ereb jî bindest e, gelê turkmen jî bindest e, gelê faris jî bindest e. Lê projeya Rêber Apo ji hemû gelan re ye. Çareseriya pirsgirêkên Rojhilata Navîn û yên cihanê tevahî li cem Rêber Apo ye. Ji ber vê, tecrîd li ser Rêber Apo dimeşînin.
EMÊ BI ŞOREŞGERTÎ KARÊ XWE BIMEŞÎNIN
Di qanûnên dewletên de, di qanûnê Tirkiyê taybet de, dema yek di zindanê de 25 sal derbas dibin ew însan berdidin. Lê çi dikin? Dibêjin te di zindanê de pirsgirêk çêkir, emê cezayê te yê hepsê zêde bikin. Lê em jî wek gelê şagirtê Rêber Apo, me ji fikir û felsefeya Rêber Apo nas kiriye û em fêr bûn, em jî dibêjin em ê her tim li ser piyan bin, emê her tim amade bin. Çi ji me were xwestin, ne tenê bi çalakiyan, çi were xwestin emê cidî bin bi karê xwe, emê bi şoreşgertî karê xwe bimeşînin.
