Xwendekarên jin îro li bajarê Kobanê di çerçeweya “Ji Rêber Apo re azadî ji pirsgirêka Kurd re çareserî” meşekî rexistin kirin. Meş li gel Dibistana Şehîd Seydo despêkir û heta qada Jina Azad bi dawi bû.
Ji aliyê Tevgera Xwendakaran ya jin Gulîşan Mislûm axaftin hat kirin.
Gulîşan Mislûm, di axaftina xwe de balkişand li ser rewşa Rêber Apo û wiha diyar kir;
“Em weke Tevgera xwendekarên Demokratîk ya jin, helwesta xwe li hemberî raya giştî diyar dikin ku em xwendekarên Rêber Apo ne. Em şagirtên Rêberê xwe ne, em bi fikirê Rêber Apo mezin bûne û nifşan mezin dikin. Ji ber vê yekê armanca me ya yekemîn azadiya fîzîkî ya Rêber Apo ye. Ji xencî wê emê tu tiştekî din qebûl nekin. Ji ber vê jî em weke xwendekarên jin heta dawî xwedî li Rêbertiyê xwe derbikevin û rolê xwe di nava hemleya Jİ RÊBER APO RE AZADÎ Jİ PİRSGİRÊKA KURD RE ÇARESERÎ de aktîv bikin . Ji ber azadiya Rêber Apo misogeriya azadiya jin û gelan ne . Em jî weke xwendekarên jin yê vî welatî diyar dikin ku çi dibe bila bibe em tucarî û tucarî dest ji ax û welatê xwe bernadin. Ji me hate xwestin emê bixwînin , ji me hate xwestin emê şer bikin , ji me hate xwestin jî ji bo welat, ji bo Rêber Apo emê heta dewî têkoşîn bikin û şehîd jî bikevin . Em hêza jinên ciwanin û bi hêza ku me ji şehîdan û Rêbertiyê girtiye emê berxwe bidin.
Mislûm di axaftina xwe de behsa berxwedan û lehengiya li hemberî dijmin jî anî li ser ziman û tekoşîna gerilla silav kir û wiha berdewam kir; “Hevalên ku li serê çiya berxwe didin şerdikin di nava berfê ku ji metreyekî zêdertir rabûye, ling û destê mirovan dişewitînê de gerîlla çalakiyan dike, dijmin har û dîn kiriye. Gerîlla bi hêza ku ji Rêber Apo girtiye di nav ewqas zor û zehmetiyan de têkoşîn dike û ji bo parastina gelê xwe şerê qehremantiyê dimeşînê. Li kêleka vê dîsa jî tu kes nikare gel û gerîlla ji hev qut bike . Em weke xwendekarên jin li vê derê dîsa didin diyarkirin û dibêjin. Em tucarî li beramberî tu hêzî têk naçin me berê jî di Kobanê de ev îspat kiribû û em her dem jî amade ne ji her şerî re.
Mislûm di axaftina xwe da diyar kirin ku ew tû car ji êrîşên dijmin natirsin û ji hemû şeran re amade ne. Mislûm axaftina xwe bi van gotinan dawî kir; “Pêkanîna strajiya Şerê Gelê Şoreşgerî erkê me ye . Ji bo her kesî ku dengê me digire û bi taybetî jî kesên ku ji xwe re dibêjin em mafê mirov diparêzin . Edî ji tecrîda li ser Rêber Apo re bes e. Bêdengî dibe şirîkê sucê. Em jî ji her kesê bêdeng re dibêjin hûn sucekî mezin li hemberî dîrokê dikin; bê dengî koletiye, zilm qebulkirine. Bê dengî mirin e. Ji bo vê jî ne be koleyê tu kesî û serî hilde! Emê di sala 2024″an de , bi Jin Jiyan Azadî Serbixe Azadî re azadiya Rêber Apo misoger bikin û êrîşên dagirkeriya dewleta tirk ya faşîst vala derxînin wekî ku gerîlla li serê çiya vala derdixînê û têk dibe e em jî bi hêza xwe bawerin. Serkeftin jî armanca me ye.
BIMRE ÎXANET
BIŞKÊ TECRÎD
BÊ SEROK JIYAN NABE
JIN JIYAN AZADÎ
