REQA- Nûnerên pêkhateyên Ereb ên ji şêx û rûspiyên Ereban, xebatkarên tenduristî, hêzên leşkerî, parêzer û endamên ciwanan pêk tên, li Reqayê bi daxuyaniyekê bal kişandin ser asta tecgîra giran a li ser Rêber Apo.
Li vir daxuyanî ji aliyê Hevserokê Yekîtiya Parêzerên Reqa û Parêzerê Rêber Apo Xalid Hesen ve hate dayîn.
‘BI KOMPLOYÊ XWESTIN VÎNA GELAN BIŞKÎNIN’
Hesen diyar kir ku zêdetirî 23 sal in Rêber Apo bi komployekê ya nevneteweyî û bêbext hate girtin û radestî Tirkiye hate kirin û got: “Hêzên di komployê de cih girtin ji ber raman û felsefeya Rêber Apo ji bo wan metirsî bû û li pêşiya berjewendiyên wan ên siyasî û aborî yên li herêmê bû, komplo pêk anîn. Bi vê komployê xwestin vîna gelên azadîxwaz û aştîxwaz bişkînin.”
‘RÊBER APO JI BO GELAN TÊDIKOŞE’
Parêzer Hesen destnîşan kir ku bi girtina Rêber Apo re helwestên gelan ên ji bo xwedîderketina wî zêdetir bûn û çalakî xurtir hatin kirin. Hesen got: “Rêber Apo ji bo hemû gelan têkoşîn dike. Ji bo gelên Rojhilata Navîn li ber xwe dide.”
Hesen bibîr xist ku Rêber Apo gelek carî agirbestên yek alî ragihand lê dewletê bi êrîş û komkujiyan bersiva agirbestê daye û wiha domand: “Dewleta Tirk ne tenê komkujiyê li ser gelê Kurd li ser gelê Ermen û hemû pêkhateyên herêmê dike.”
‘BERSIVA AGIRBESTAN TIM BÛYE ÊRÎŞ Û KOMKUJÎ’
Parêzerê Rêber Apo Xalid Hesen got ku Rêber Apo ji hemû mafên xwe hatine bêparkirin di nava tecrîdeke giran de ye, tecrîd pîlaneke ku Tirkiye derbas dike, destên pişt li vê hene.
‘CPT BI ERKA XWE RABE; ENCAMÊN HEVDÎTINAN EŞKERE BIKE’
Hesen qala hevdîtin û helwesta CPT’ê jî kir û wiha domand: “CPT bi erka xwe narabe, ralo xwe nalîze. CPT bi vê yekê dibe hevkarê dewleta Tirk û got: “Em bang li CPT dikin encamên hevdîtinên xwe eşkere bikin. Saziyên Hiqûqa naveneteweyî bi erkê xwe rabin, mudaxele bikin. Rê bê dayîn parêzer biçin hevdîtinê bikin. Çareserî Rêber Apo ye. Rêber Apo dikare çareseriya pirsgirêkan peyda bike.”
Piştî daxuyaniyê pilansaziya çalakkiyan hate ragihandin.
ÇALAKÎ
12,14 û 16’ê Kanûnê destpêkê li Minbic, Reqa û Tebqayê çalakiyên kon bên lidarxistin.
Çalakî bi dirûşma ‘Bijî Serok Apo’ û ‘Bimre dewleta Tirk a dagirker’ dawî bû.
