BEHDÎNAN –
Navenda Ragihandin û Çapemeniyê ya HPG’ê ev daxuyanî da:
“Gerîlayên azadiya Kurdistanê li hemberî dewleta Tirk a dagirker tekane hêz e ku li ber xwe dide. Dewleta Tirk a dagirker operasyoneke dagirker li Başûrê Kurdistanê daye destpêkirin û di vê operasyonê de bombeyên qedexe û çekên kîmyewî tên bikaranîn. Bi belgeyan hatiye îspatkirin ku ev çekên di asta navneteweyî de hatine qedexekirin ji aliyê dewleta Tirk li hemberî hêzên me tên bikaranîn lê dîsa jî tu bertek nayên nîşandan û ev jî tê wateya piştgiriya ji bo dewleta Tirk. Artêşa Tirk a dagirker baweriyê bi vî tiştî tîne û her roj bombeyên qedexe û çekên kîmyewî bi kar tîne. Ev jî tê wateya ku tê xwestin gerîla ya ku yekane parêzvanê destkeftiyên gelê Kurd in were tasfiyekirin, qirkirina li ser Kurdan bigihêje encamê û ev tişt ji aliyê hêzên hegemon ve tê qebûlkirin.
Hêzên me di 7 çalakiyan de 2 dagirker ceza kirin, dronek jî îmha kirine. Artêşa Tirk a dagirker 32 caran bi bombeyên qedexe yên şîddeta wan zêde û çekên kîmyewî, 34 caran bi helîkopterên êrîşê û bi dehan caran jî bi çekên giran Qadên Berxwedanê bombe kirine. Di heman demê de dagirkeran agir bi maddeyên plastîk xistine û berê dûmana jehrî dane çeperên şer ên Şehîd Felat a Qada Berxwedanê ya Sîdayê.
Agahiyên li ser çalakî û êrîşên hatine kirin wisa ne
Di çarçoveya Pêngava Şoreşger a Bazên Zagrosê de li herêma Zapê;
Di 18’ê Îlonê de saet di 05.40’an de hêzên me bi sûîkastê li dagirkerên li Qada Berxwedanê ya Şehîd Adil a li Çemçoyê dane. Li vir dagirkerek hatiye cezakirin.
Di 18’ê Îlonê de saet di 12.45’an de dema ku dagirkeran xwestine têkevin çeperên şer ên Şehîd Felat a li Qada Berxwedanê ya Sîdayê, bi taktîka sabotajê li dagirkeran hate xistin. Piştî lêdana hêzên me dagirker neçar mane gavekê vekişin.
Di 18’ê Îlonê de saet di 14.00’an de dagirkeran dema ku xwestine têkevin çeperên şer ên Şehîd Agir a Qada Berxwedanê ya Sîdayê hêzên me bi sabotajê li wan dane. Piştî lêdana hêzên me dagirker neçar mane gavekê vekişin.
Di 18’ê Îlonê de nîvrokî dema ku dagirkeran xwestine bi bombeyên qedexe li çeperên şer ên Şehîd Agir a Qada Berxwedanê ya Sîdayê bidin, tîmên me yên gerok li dagirkeran dane. Piştî lêdana hêzên me dagirker neçar mane gavekê vekişin.
Di 19’ê Îlonê de saet di 08.00’an de tîmên me yên gerok dagirkerên li Qada Berxwedanê ya Şehîd Adil a li Çemçoyê xistine bin kontrola xwe û bi çekên giran li dagirkeran dane. Di vê çalakiyê de dagirkerek hatiye cezakirin.
Di 19’ê Îlonê de saet di 10.10’an de dagirkeran dema ku xwestine ber bi çeperên şer ên Şehîd Dogan a li Qada Berxwedanê ya Sîdayê ve werin, tîmên me yên gerok li wan dane. Piştî lêdana hêzên me, dagirker neçar mane gavekê vekişin.
Di çarçoveya Pêngava Şoreşger a Cenga Xabûrê ya Şehîd Savaş Maraş de;
Di 18’ê Îlonê de saet di 14.20’an de tîmên me yên gerok li Qada Berxwedanê ya Girê Amêdiyê li droneke dane û dron hatiye îmhakirin.
Êrişên ku artêşa Tirk a dagirker ên bi bombeyên qedexe çekên kîmyewî kiriye;
Di 18’ Îlonê de çeperên şer ên li Qadên Berxwedanê yên Girê Cûdî û Girê FM, çeperên şer ên Qada Berxwedanê ya Şehîd Adil ya Çemço û çeperên şer ên Şehîd Agir li Qada Berxwedanê ya Sîda 14 caran bi bombeyên qedexe û çekên kîmyewî hatin bombekirin.
Di 18’ Îlonê de çeperên şer ên li Qadên Berxwedanê yên Şikefta Birîndara, çeperên şer Şehîd Lewend ya li Qadên Berxwedanê yên Saca 4 caran bi şîdeta mezin bi bombeyên qedexe û çekên kîmyewî hatin bombekirin.
Di 18’ Îlonê de çeperên şer ên Şehîd Felat ya li Qadên Berxwedanê Sîda 14 caran bi çekên kîmyewî hate bombekirin. Her wiha dagirkeran di saet 17:00 heta 19:00 madeyên plastîk şewitandin û dûyên bi jehr şandin ser çeperên şer.
Êrîşên arteşa Tirk a dagirker:
Di 18’ê de Qadên Berxwedanê yên Saca, Çemço, Girê Cûdî û Girê FM û Girê Amediyê 34 caran bi helîkopterên êrîşê hatin bombekirin.
Di 18’ê de dagirkeran hewl dan çeperên şer ên li Qada Berxwedanê ya Şikefta Birîndara bi kepçeyan hilweşîne.
Di 18’ê de drone li ser Qadên Berxwedanê yên Girê Cûdî û Girê Fm geriyan.
Di 18’ê Îlonê de Qadên Berxwedanê ya Sîda bi dehan car bi çekên giran hatine bombekirin.”
