NAVENDA NÛÇEYAN – Gerîla Bawer Têkoşer diyar kir ku divê herkes bi rihê 14’ê Tîrmehê bi rola ku dikeve ser milê wî/ê rabe. Heman demê de gerîla Bawer Têkoşer bal kişand ser berxwedana 14’ê Tîrmehê û got; “yê ku pêşengtî civaka xwe re dikir, dixwast dîrokê biguherîne ciwanên wê demê û yên ku niha bi hemû milên xwe ve, di rih de, di îdeolojî de, di asta herî jor de moral didin me, pêşengên Tevgera Azadiya Kurdistanê bûne. Heval Kemal Pîr, Alî Çîçek, Mazlûm Doğan û Hevala Sara bûne. Niha jî di asta herî jor de em ji vê hêz digirin, em bala xwe bidinê bi rihê 14’ê Tîrmehê, têkoşîna ku hebû hîn zêdertir mezin bûye û têkoşîna azadiyê bi xwe re aniye heya roja îro.”
Bi temamî axaftina gerîla Bawer Têkoşer ku bi riya Radyo ji ajansa me re axiviye wiha ye;
“Dema mirov dîrokê giştî binêre, kengî li ser navê civak û gelan berxwedan pêşketiye, wan deman hertim du rê pêşiya wan têkoşeran bûye, yek zîndan bûye û yek jî çiya bûye. Em bala xwe bidinê ciwanên yekemîn ku mohra xwe li dîrokê dane, ji Spartakusan û Babakan, hertin pala xwe dane çiya û şerê xwe dane meşandin. Carna jî di zîndanan de di şexsê wan têkoşeran de di asta herî jor de berxwedan derketî. Tevgera Azadiya Kurdistan jî bi salane wê mîraseyê bi layîqî dide meşandin û jiyan din. Ji dema derketinê heya dema niha, tevgera azadiyê li hember sîstema kapîtalîst di nava têkoşînekê de bûye.”
“Bi pêşengtiya rêberê me, piştî ku têkoşîn avabûyî û mezin bûyî, li hemberî dagirkeriyê têkoşînin mezin hatiye jiyan kirin. Di wê derê de jî yê ku pêşengtî civaka xwe re dikir, dixwast dîrokê biguherîne ciwanên wê demê û yên ku niha bi hemû milên xwe ve, di rih de, di îdeolojî de, di asta herî jor de moral didin me, pêşengên Tevgera Azadiya Kurdistanê bûne. Heval Kemal Pîr, Alî Çîçek, Mazlûm Doğan û Hevala Sara bûne. Niha jî di asta herî jor de em ji vê hêz digirin, em bala xwe bidinê bi rihê 14’ê Tîrmehê, têkoşîna ku hebû hîn zêdertir mezin bûye û têkoşîna azadiyê bi xwe re aniye heya roja îro. Kesên ku li vê mîrasê jî îro xwedî derdikevin, bê navber bi têkoşînekî dijwar textê desthildariyê dihejînin. Cihê ku niha herî zêde jî ev têkoşîn teysandina xwe dike çiyayên Kurdistanê ye, bi rihekî fedayî di pêşengtiya gerîlayên Modernîteya Demoqratîk de, ev rih xwe dide jiyanî kirin.”
“Îro rihê ku di şehîd Zarayan de derdikeve, ji rihê şehîd Sarayan ne qute, ji wê derê hêz tê girtin. Li hember ewqas teknîk, hovîtî û bê exlaqtiya şer, mirov heqîqeta şer di şexsê Gerîlayên Azadiya Kurdistanê bi awayekî pir zelal dibîne. Ji ber vê jî li hember van êrîşan erk dikeve ser milê herkesî, lê di serî de rola sereke û bingehîn ya ciwana ye. Herkes berpirsyarê rûmeta xwe ye, herkes berpirsyarê dîroka xwe ye, herkes berpirsyarê hebûna xwe ye. Îro berpirsyartiya parastina hebûna gelê Kurd û mirovahiyê li ser milê gerîla tê meşandin. Yê ku barê gerîla sivik bike, yê ku vê rihê gerîla li qadê belav bike û serkeftina vî şerî misoger bike, ciwan bi xwe ne.”
“Ger rol û rista pêşengtiyê pêk were, wê di 50’emîn sala serkeftina meşa rêbertiya me, ku niha em tê de jiyan dikin, herkes baş dizane û dijmin jî baş dizane ku, emê di vê salê de rêbertiyekî azad û Kurdistanekî serbixwe, diyariya hemû cîhanê bikin. Bi vê rengî em bikaribin wekî ku şehîd Zîlan jî gotî “Di nava dîroka mirovahiyê de, emê karbin bi ser bilindî jiyan bikin”. Ya ku niha ji me hemûyan tê xwastin û bi taybet ji ciwanan ev berpirsyartiye. Bi rihê şehîd Zîlanan tevlîbûna pêvajoyê tê xwastin, bi rihê şehîd Zinaran fedakartî dixwaze, bi rihê şehîd Egîdan bi hemlegerî tevgerandin û qedera dîrokê guhertin dixwaze.”
“Dê ciwanên Kurdistanê û pêşengên Kurdistanê di vê pêvajoyê de rola xwe bilîzin, layîqî rêbertiya xwe, gelê xwe û hemû nirxên mirovahiyê yên pîroz bibin. Li ser vê esasê em di wê baweriyê de ne ku, wê ev serkeftin wê dema em niha tê de jiyan dikin li her derê cîhanê xwe bide der.”
NC// Zerya Bagok
