NAVENDA NÛÇEYAN –
Nucan Serdoz
Felsefeya ku PKK’ê xwe pê gihandiye roja me ya îro felsefeya yek hurqe û yek luqmeye. PKK’ê dema ku avabûye di pêvajoyên herî zehmet de bû, ji bo vê em dikarin bêjin ku derketina PKK’ê ne derketineke madiye derketine manewî ye, ev xaleke girînge. Ger dema em li dîroka derketina hêzên faşîst binêrin hemû li esasê destpêkirineke madî û çînî ve destpêkirine, ji bo wê jî bi ser neketine û wê bi ser jî nekevin. Ger tevgerek dema ku ava dibe ne ji bo gel be ew tevger nikare hebûna xwe bidomîne. Dema civak bi hêza te re nebe yek tu nikare xwe bi ser bixwe. Lê belê PKK’ê hêza civakê bi xwe re kir yek. Di heman demê de divê were fêmkirin jî ku PKK’ê gel bi zorê bi hêza xwe re nekiriye yek. Gel bi îradeya xwe tevlî hêza PKK’ê dibin, çima? ji ber ku ev gel azadî, demoqratîkbûyîn û mafê xwe di vê tevgerê de dibînin. Baweriya ku ji roja derketina tevgerê ve hêdî hêdî di nav girseyên PKK’ê de belav dibe û gel her tiştê xwe dide tevger û rêbertiyê ve, ji kadro û prensîbên ku kadroyên wê pê re girêdayîne, ji bo rizgariyê tê. Gel, kadro bi hest, raman, exlaq, çand, pîvan û jiyana xwe li ser vê bingehê ye, xwe birêxistin kiriye, ji bo azadiyê jiyan dike û mirina erzan jî ji xwe re qebûl nekiriye.
Ji bo xatirê tiştekî din jiyan û mirinê qebûl nake, kadroya ku bi destê Rêber Apo hatiye afirandin û çandin ev e û pir mezin e, fedakarî, cesaret, îrade, rêhevaltî û bawerî di vê kadroyê de avakirî. Jiyana bi dilnizmî, hertiştê vê partiyê qebûl kirin, di şertên zor û zehmet de li berxwedane û di rojên kêfxwaş de hevalên xwe re parve kirine. Rêbertî xwe tu carî ser gel re nabîne û naxwaze ku bibîne jî, her xwe di nava gel dibîne. ji bo vê gel ji exlaq û çanda Rêbertiyê bandor dibin û hebûna xwe di kesayeta wî de dibînin.
PKK’ê xwe bi van taybetmendiyê xwe, xwe gihan heya roja niha ev bû nîv Sedsale PKK’ê Têkoşîna xwe bê navebr dimeşîne. Îro jî ji bo ku vê têkoşîn û berxwedanê ve mehkum bikin berê xwedan rêbaza tecrîda giran a ku di şexsê Rêber Apo de li ser tevahî mirovahiyê bipêşketî. Lê belê helwest û hêza Rêber Apo dijmin heyirî hêştiye. Raste Rêber Apo di nava çar dîwaran de weke fîzîkî girtiye lê belê weke fikir kes nikare raman û felsefeya azad ve di nava çar dîwaran de sînordar bike. yanê mirov dikare bêje ku yê fîzîkî hatiye dîl girtin Rêber Ao lê ya ku hem ruhî û hem jî fikirî di nava çar dîwaran de ye dijmin bi xwe ye.
Di heman demê de nikarîbûn li hember hêza weke ku me aniye ziman bi ser bikevin berê xwe dan çiyayên azad, lê wê derê jî nikarîbûn li berxwe bidin her rojê kuştî û binketina wan tê îlan kirin. Ev jî ji bo wan nebû çavkaniyeke serkeftinê, ji bo vê berê xwe dan gel. Bi bilafirên bê mirov mirovên welatparêz yên kedkarê vê gelî ne dikin hedef û bi vê awayî gelek şihadetên hîna zindî çêbûne.
Dîsa li hember ewqas hovîtî ger dema gel yekbûna xwe ya bi tevgera azadiyê re xort bike wê tu kes nikaribe wan têk bibe. ji ber şerê ku niha tê kirin ne tenê li dijî PKK’ê ye, di heman demê de li dijî hemû mirovahiyê û bi taybet li dijî gelê kurd e. Dixwazin hemû şikadin û têkçûnên xwe bi şerê taybet ser de bigirin. Herî dawî dîsa jî ger dema hêza civakê xwe bike yek ne mumkîne ku ev civak bi ser nekeve.
