STENBOL – Parêzerên Rêberê Gelan Abdullah Ocalan Raziye Ozturk, Rezan Sarica, Faîk Ozgur Erol û Cengîz Yureklî ji bo karibin muwekîlê xwe bibînin serlêdaneke nû kirin.
Serlêdan li Serdozgeriya Komarê ya Bûrsayê û Midûriyeta Girtîgeha Îmraliyê hate kirin.
Rêberê Gelan Abdullah Ocalan ji sala 1999’an û vir ve ku bi komployekê dîl hatiye girtin, li Girtîgeha Tîpa F a bi Ewlekariya Bilind a Îmraliyê di nava tecrîdeke giran de ye.
Herî dawî 25’ê Adarê bi rêya telefonê bi Rêberê Gelan re axaftin hatibû kirin, lê ev axaftin jî nîvco hatibû hiştin.
Parêzerên Rêberê Gelan Abdullah Ocalan piştî 8 salan di 2 û 22’ê Gulanê, 12 û 18’ê Hezîranê û 7’ê Tebaxa 2019’an karîbûn muwekîlê xwe bibînin. Ji 7’ê Tebaxa 2019’an û vir ve serlêdanên parêzeran hemû bêbersiv têne hiştin.
