Parêzerên Rêberê Gelan Abdullah Ocalan Nevroz Ûysal, Îbrahîm Bîlmez, Mazlûm Dînç û Serbay Koklu serî li Serdozgeriya Komarê ya Bûrsayê dan û xwestin muwekîlê xwe bibînin.
Rêberê Gelan Abdullah Ocalan ku ji sala 1999’an û vir ve dîlgirtî ye, li Girtîgeha Tîpa F a bi Ewlekariya Bilind a Îmraliyê di nava tecrîdeke giran de ye.
Axaftina herî dawî ya bi Rêberê Gelan Abdullah Ocalan re hate kirin, telefona 25’ê Adarê ya bi birayê wî re bû. Ev axaftin jî di nîvî de hatibû birîn.
Rêberê Gelan Abdullah Ocalan piştî 8 salan di 2 û 22’ê Gulanê, 12 û 18’ê Hezîranê û 7’ê Tebaxa 2019’an karîbû parêzerên xwe bibîne. Ji 7’ê Tebaxa 2019’an û vir ve serlêdanên ji bo hevdîtinê bê bersiv têne hiştin.
