ŞEHBA –
Îro bi hezaran şêniyên herêma Efrînê şehîd Ferhad Nasan (Dilşêr Efrîn) endamê HRE`yê li Goristana Şehîdên Berxwedana Serdemê ya li navçeya Ehrezê ya kantona Şehbayê oxir kir.
Bi hezaran şêniyên Efrînê li pêşiya nexweşxaneya Avrînê ya li navçeya Fafînê ya kantona Şehbayê kom bûn û cenazeyê şervanê Hêzên Rizgariya Efrînê (HRE) Ferhad Nasan (Dilşêr Efrîn) wergirt ku di qonaxa duyemîn a Berxwedana Serdemê de şehîd bûbû.
Piştre girseya gel berê xwe da Goristana Şehîdên Berxwedana Serdemê ya li navçeya Ehrezê.
Li goristanê endama rêveber a Meclisa Malbatên Şehîdan a herêma Efrînê Xedîce Îbo axivî û sersaxî da malbata şehîd. Her wiha got: “Bi berxwedana ciwanên xwe ya li hemberî hovîtiya dagirkeriya Tirk û bi berdewamkirina vê berxwedanê, me ji cîhanê re isbat kir ku şoreşa me heta rizgarkirina Efrînê û herêmên dagirkirî berdewam e.“
