STENBOL – Parêzerên Rêberê Gelan Abdullah Ocalan duh bi daxwaza hevdîtina lezgîn a bi miwekîlên xwe re serî li Serdozgeriya Komarê ya Bûrsayê û Wezareta Dadê dan. Heta niha bersiva serlêdanê nehatiye dayîn.
Ji parêzerên Rêberê Gelan Abdullah Ocalan, Mazlûm Dînç, Raziye Ozturk, Îbrahîm Bîlmez û Newroz Ûysal duh têkildarî îdiayên li ser medya civakî hatin belavkirin ji bo bi miwekîlên xwe re hevdîtin bikin, bi awayek lezgîn serî li Serdozgeriya Komarê ya Bûrsayê û Wezareta Dadê dabûn. Parêzeran daxwaz kiribû ku bi lezgînî Ocalan bi malbat û parêzerên xwe re hevdîtin bike. Lê heta niha jî ne bi erênî û ne jî bi neyînî bersiva serlêdana parêzeran nehatiye dayîn.
