SILÊMANÎ – Du roje balafirên sîxûrî ku tê texmînkirin ya dewleta tirk a dagirker e, li ser ezmanên bajarê Silêmanî û derdora wê difire.
Artêşa Tirk a dagirker, ne tenê li herêmên gundewar û çiyayî, balafirên xwe yên sîxûrî êdî bênavber li ser bajarên Başûrê Kurdistanê jî difirînin.
Di van kêliyên amadekirina nûçeyê de balafireke sîxûrî ku tê texmîn kirin ya dewleta Tirk a dagirker e li ser ezmanê Silêmanî difire.
Duh jî balafira sîxûrî li ser Silêmanî firîbû.
Heya niha dewleta Tirk a dagirker 4 êrîş bi balafirên şer û balafirên sîxûrî yên biçek li dijî bajarê Silêmanî û derdora wê pêkaniye.
