NAVENDA NÛÇEYAN
Di dîroka tevgera azadiya jinê de heman dmê di dîroka tevgera azadiya Kurdistanê Hezîran, meha Zîlan e. Piştî bîst û çar salan em mehekê din a Hezîranê di wateya giştî de bi rengê Zîlan pêşwazî dikin. Weke jinên Kurdistanî ev bîst û çar sal e em meha Hezîranê weke meha Zîlan pêşwazî dikin. Wisa xuyaye ku ger bibe Zîlan encax dikare ewqas bi wate, ewqas tijî, ewqas bi nepen û wêrek be. Li ser dîrokê bi vê awayê navê xwe nivîsandin, bûyîna rûhê demê, rengê demê û pênaseya demê encax tiştekê Zîlanger be. Bi giştî wateya pêyvê Zîlan weke dema bi wate avabûn bi xwe ye. Zîlan navê girêdanbûna axê, bûyîna xwedî vîn, veguhartina rêxistin, têkoşîngerî û li gor qanûnên bedewiyê pratîkbûna van bi kûrtasî bûyîna azadî ye û Hezîran dema Zîlan e.
Zîlan kibleya jin a ber bi azadiyê ve bazdide ye û navê bazdanê ye Hezîran. Ji Zîlan a ku bi vê awayê xwe tacîdar kiriye, bi wate û şênber kiriye re, weke demê bersiva Hezîranê bûyîna di ferqa ev cûdabûna bedew nîne gelo? Gelo ev ketina ferqê nîne ku hişt Sema ji Adarê heyanî Hezîranê heştê û heft rojan li berxwe bie. Ev berxwedaniya Sema ya rûxmê ku çalakiya xwe di meha Adarê de pêkanî û di astekî bilind de laşê wê şewitî piştî heştê û heft rojan di hivdehê Hezîranê de bi hevdîtina bi Zîlan re bû nemir, weke jin em cûda çawa dikarin pênase bikin gelo? Pêyama ku Sema bi hevdîtina bi Zîlan re çavên xwe li jiyanê girt çi bû?
Zelal e ku ji bo berê me, çavên me û dilê me bi Zîlan re be heştê û heft rojan li berxwe da û di 17’ê Hezîranê de bû nemir Sema. Weke navê xwe ji vê bawer dikim ku Sema jî dixwest weke Zîlan di nav paşverûtiyê de, tarîtiyê de, desthilatdarî û dagirkeriyê de weke xwe biteqîne. Şêwazê çalakiya wê ya parçekirina hemu sînorên xayîn ên zindanan xwe kirina agir e. Ya ku di Sema de pêk hat jî ev e. Di wan derfetan de bi eksa hemu sînoran vê çalakiya xwe pêkanî, bi zanebûna ‘asta wî çiqas bilind dibe bila be tû îxanet bi qasî girêdanbûnan nikare bi bandor bibe’ tarîtiya xiyanetê qelişand û bi çalakiya xwe rê da Newroza ‘98’an. Lê ji bo bikeve nav karwanên şehîdan, bê mirin bibe bi laşê xwe yê şewitî heya Hezîranê li ber xwe da û xwe gihand meha Zîlan. Di rastiyê de Sema li dijî îxanetê, erka xwe ya mîlitaniyê ya li hemberî gel di meha Adarê de pêkaniye lê lêgerînên xwe yên gehiştina xeyalên xwe, kêyfxweşiya xwe ya mezin di meha Hezîranê de bi dîtina Zîlan pêkaniye. Watedayîna vê pêkanîna mezin, kûrbûna bedew, fêmkirina herî xweş bi fêmkirina rastiya Sema, Zîlan û di şexsê wan de bi fêmkirina birdoziya azadiya jinê ve girêday e.
Zîlan xwedawendbûna wêrekiyê ye. Û Hezîran dema Zîlan e. Li dijî feraseta baviksalarî, pergala dewletparêzî û desthilatdariyê ku bi hemû hêza xwe êrişî civakbûn, welatparêzî û lêgerîna jiyana bi wate a jinê dike serhildanekê bi wêrek e Zîlan. Wêrektiya ku bi Zîlan re derdikeve holê û birêxistin dibe xwedayî ye. Ger ruhê demê jî hebe, kî bê guman heye, bi mîsoger Zîlan ruhê Hezîranê ye. Ev li ser navê azadiyê, li ser navê wekhêviyê ruhê fedaî ye. Li ser navê lêgerîna jiyana bi wate ruhê çalakiya herî mezin e. Li ser navê hezkirina mirovahiyê û hezkirina jinê rûhê eşqa bi azwerî ye. Ruhê doktrîna azadiyê, felsefeya rizgariyê, girêdanbûna bi Rêber APO re ye. Ev ruh, ruhê mîlîtaniya tevgera azadiya jin a ji Bêrîtan, Bêrîvan, Zekiye, Viyan, Nûcanan herikiye ye.
Hezîran ew dema ku fedaîtî veduguhere çalakiyê ye. Pêşenga fedaîtiyê kirina tarzê jiyan, têkoşîn û feraseta xebatê, pêşxistina rêxistina çalakiya girêdanbûna jin, di vê wateyê de pêşenga pêkanîna Zîlan e, Gûlan. Heman demê Hêzîran roja şahadeta rêheval Gûlan e. Bê gûman sedemê qetilkirina rêheval Gûlan a meşa weke Zîlan ji xwe re esas girtiye ji bo her kesê tê zanîn. Rêheval Gûlan di encamê êrişên feraseta zilam ê ku dixwaze jinê di tarîtiyê de mehkum bike, bi zanebûn hat şehîdxistin. Û Hezîran meha şehadeta pêşeng û fermanndara fedaîtiya jin Rêheval Gûlan ku hêza xwe ji fedaîtiya rêheval Zîlan girtibû ye.
Hezîran dema wateya hemû jinan e. Û Zîlan, Sema, Gûlan kesayetên ku em vê wateyê bibînin e. Bedewiya bi sê rêhend û rGeastiya bi sê rehend… Zîlan, Sema û Gûlan bi wesîleya vê Hezîranê lêhûrbûna herî bi wate ya em bikevin nav e. Weke jin, milîtan û însan gelek tiştên ku em ji rastiya wan bigrin û ji xwe re bikin mînak hene. Vê pêvajoyê bi kelecana Zîlan, bi kûrbûna Sema û bi biryardayîna Gûlan em pêşwazî bikin. Li hemberî hemu tarîtiyan, ji rêzêbûyînan û komplogeriyan bisekinin. Em meha Zîlan a Hezîranê weke dema jinan bi wate bikin. Em di wateyê de azadî, wekhevî, însan û jiyana nû avabikin. Û bila hemu jin bibin Zîlan, hemû dem bibin Hezîran.
