ROJHILAT – Endamê Koordînasyona Komelya Ciwanên Rojhilat (KCR’ê) Rohat Rowar di derbarê berxwedana li Îranê û Rojhilatê Kurdistanê ji Ajansa me re axivî. Rohat di destpêka axaftina xwe de wiha got; Di serî de hemû Şehîdên Rojhilatê Kurdistanê û Îranê, Şehîdên Rojavayê Kurdistanê û her çar parçê Kurdistanê bi bîr tînin”.
Koordînasyonê KCR’ê Rohat Rowar axaftina xwe wiha domand: “Di serî de hemû Şehîdên Rojhilatê Kurdistanê û Îranê bi bîr tînin, bê guman em dibinin çawa dewleta faşist a Îranê êrîşî Ciwanên Kurd dike, ev êrîş sedemekî xwe heye, sedema vê çiye? Sedema vê rastiya ku Ciwan berdewam di dîrokê de ji bo demokratiya Civakê, ji bo azadiya Civakê, ji bo Şoreşê xwedî rola pêşengbûne. Ji bo vê jî her tim ru be ruyê êrîşên dagirkeriyê, ru bi ruyê êrîşên desthilatdariyê bûne, li hemberî vêya jî li berxwedane, çi li Ewrupa bê, çi li Rojhilata Navîn bê, çi li Emerîkayê Latîn bê, çi li Asiya bê, li her cihekî Ciwan her tim bûne hêza berxwedanê, hêza Şoreşê, hêza Guhertin û veguhertinê.
Serhildanên ku di Civaka Îranê de çêbû ji bo demokratîkbûna Civakê, ji bo azadiya civakê, ji bo Şoreşê yanî dixwest Şoreşê bike. Lê belê Şoreşa ku di pêşengtiya ciwanan de dest pêkiribu, ji aliyê Zihniyeta desthilatdar ve hate desteserkirin, ji destê ciwana hate derxistin, lê dîsa jî Ciwan beramberî vêna bê bersiv neman. Serhildanên ku îro jî berdewam dikin her roj bi şêwazekî cüda cuda xwe dide nişandan, nerazîbûnê xwe dide nişandan. Di kargehan de, Ciwanê bê kar bi her şêwazekî, di ciwana de eger îro berxwedan çêdibe, Serhildanbûyineke Aktîf çêdibê, esas vê rihê Ciwantî yê berxwedêr vê nîşandide.
” Ciwantî bixwe xwedî nerîneke Enternasyonale, Navnetewiya, Gerduniya ”
Bê guman ev serhildanên ku niha li Rojhilatê Kurdistanê û Îranê çêbûn, tene em bi Rojhilatê Kurdistanê û Îranê ve girêdin, tenê ew jî têrênake ji ber ku Ciwantî bixwe xwedî nêrîneke Enternasyonale, Navnetewiya, Gerduniya, li kuderê ciwanek bê edaletiyê bibîne, ne wekheviyê bibîne, êrîşê li hemberî civakê dibine dibê xwedî helwest.
Yanî çi 68’ê mîladî yê Ewrupa ku li Fransê dest pêkir, li tirkiyê heta Îranê û herî dawî ê ku pêşengtiya civakê kir li Bakurê Kurdistanê, li Rojavayê Kurdistanê ev şênber dibe. Îro li Rojavayê Kurdistanê buye navenda hemû Ciwanên ku Şoreşê dixwazin, hemû Ciwanên ku Serhildanê dixwazin, hemû Ciwanên ku ber bi Azadiyê ve dimeşin dibe navenda wan. Serhildanên ku li Rojavayê Kurdistanê çêbûn, Serhildanên ku li Bakurê Kurdistanê çêbûn. Bi taybet piştî ku êrîşên yê dewleta Tirk a dagirker ya li hemberî Rojavayê Kurdistanê, Rojhilat û Bakurê Sûriyê çêbûn Ciwanan jî sengerê berxwedanê girt, gelek ciwanan li Îranê, li Rojhilatê Kurdistanê çûne Rojavayê Kurdistanê şerkirin, di Rojhiilatê Kurdistanê û Îranê de nerazîbûn çêbun. Piştî van Serhildanan me dît bi hezaran Ciwan, gel daketin qadan.
“Ê ku têkoşîneke radîkal dimeşîne li hember vê qirkirinê Jin û Ciwan in”
Hem li Rojhilatê Kurdistanê, hem li Îranê Siyaseta Rêjîma dagirker û qirker li ser esasê nasnama Ciwantî rake, siyaseta ku bi navê Ciwanê tê kirin qirkirine, leşgerkirine, bê kar hiştine, bê Ehlaq hiştine, li ser va siyasetê dike. Ciwanê ku niha di rojhilatê Kurdistanê de zanîngeh xilaskirine, lê belê em meyizedikin, bê karin, dibine kolber. Herî dawî Ciwanê kolber ê bi navê Azad ku li Merîvan, xwendekar bû, em meyizedikin kare ku nayê hiştin, xwendekar dimîne biçe kolberiyê dike, ji aliyê rêjîma dagirker ve tê Şehîd xistin, tê qirkirin, qirkirineke mezin di vî alî de li beramber ciwana heye, ê bê guman jin û Ciwan li beramber vêna Berxwedanê bikin, serhildanê bikin. Ji boyî vê yekê jî em dibinin ê ku tekoşîneke radîkal dimeşîne li hember vê qirkirinê Jin û Ciwan in, ev 41 sal bû tolhilana ciwanan zêdetir dibe li hember dagirkeriyê.
Heger dirûşmeya “Bimre dîktator” tê avêtin, eger diruşma ji vê sîstemê re “Bê Şeref” tê avêtin, êdî tirsa Ciwanan, êdî tirsa Jin, êdî tirsa Civakê li hemberî vê dagirkeriyê, li hemberî vê sîstema qirker nemaye. Wê bi her şêwazekî rengê xwe derxe û bi hêztir bike, em meyizedikin her sal Ciwan, Jin bi şêwazekî cüda civak nerazîbûnê xwe li hember vê sîstema dagirker nîşandide. Em bawer dikin bi xwe rêxistinkirina ciwana, bi xwe rêxistinkirina jinan, di kargehê kar de, di nav kolanan de, her jineke ku li mala xwe bê, li kuderê dibe bila bibê, eger yekbûna xwe çêkir, yekbûna xwe avakir, wê demê wê bikaribe serkeftinê bi dest bixe.
Rohat di dawiya axaftina xwe de wiha anî ziman û got; “Li ser vî esasî jî wek Ciwanên Apoyî jî bangewaziya me ji hemû Ciwanên Rojhilatê Kurdistanê, Îran, Sûriyê, Îraqê, Tirkiyê û Ewrupa hemû Ciwanan ku bi rihê 68’ê Mîladî careke din, li hemberî rêjîmên qirker, faşîst û Sîstema Modernîteya Kapîtalîst, nasnameya xwe bi dest bixe, vê sîstema Modernîteya Kapîtalîst ji kokê de rake û Şoreşeke Civakî di asteke Cîhanî û di asteke herêmî de bikare bide avakirin, hereketa Apoyî ya Ciwanan niha jî di asta herî jor de di asta çar parçê Kurdistanê de pêşengtiya vê dike, tevlîbûna nav refê Gerîlla, tevlîbûna nav refê tevgera Ciwanên Apoyî, wê vê sengera berxwedanê hem di herêm de, hem di Kurdistanê de, hem di Rojhilata Navîn de û giştî cîhanê de wê bi hêz bikê bangewaziya me ji bo ciwanan ev e bû”.
NC / Simko Rojhilat
