Ciwanan li ser armanca konferansê fikr û hêstên xwe û bendewariyê xwe ya ji vê konferansê anîn ziman.
KOBANÊ- Ciwanên ku ji welatên cuda cuda, ji gelên cuda cuda hatin beşdarî Konferansa Ciwanên Rojhilata Navîn bû ji ajansa Nûce ciwan re axîvîn. Ciwanan li ser armanca konferansê fikr û hêstên xwe û bendewariyê xwe ya ji vê konferansê anîn ziman.
Navê min Aşûr ji ciwanên Suryan û endamê Komîta Amadekar ya konferansa ciwanên rojhilata navîn Em ji Tîrmeha 2018’an de dest bi amadekariya Konferansa Ciwanên Rojhilata Navîn kir û me kedek da ji bo ku bigihêjin çareseriya aloziya Rojhilata Navîn.
Armancên me ên dem dirêj ji vê konferansê hene. Armanca me ew e ku kordînasyoneke li ser asta Rojhilata Navîn were li darxistin. Em dizanin ku çareseriya aloziyên Rojhilata Navîn di ciwanan de ye. Ji bo vê yekê me konferansa ciwanên Rojhilata Navîn li darxist. Ji bo ku di riya ciwanan de em bighêjin çareseriyên alozî û pirsgirêkên ku li Rojhilata Navîn de ên ku dewlet çareserî jê re nedîtin. Em dixwazin dengê xwe bigihîni hemû ciwanên Rojhilata Navîn û sîstema kar û xebatê xwe li bakûrê Sûriye ji hemû Rojhilata Navîn re bidin xuya kirin. Ji bo ku di pêşerojê de sîstema karê xwe ava bikin.
Navê min Berîtan Ronahî. Ji Başûrê Kurdistan li ser navê Jinên Ciwan ên Têkoşer hatim û beşdarî Konferansa Ciwanên Rojhilata Navîn bûm. Armanca vê konferansê çareserkirina pirsgirekên tevahî ciwanan e. Ji bo vê jî ev Konferans pir pêwîste jibo ciwanan. Ji ber ku ciwan pêşengtiyê dikin. Pêwîste di vê konferansê de hemû pirsgirêkê xwe nîqaş bikin û çareser bikin.
Adil Yasir ji ciwanên Filistînê ez hatim Kobanê ji bo beşdarbûnê duyemîn Konferansa Ciwanên Rojhilata Navîn. Ji ber ku ev konferans ji bo me pir girînge weke ciwanên Filistînê. Jixwe di nav bernameya konfeansê de beşek ji bo nîqaşkirina doza Filistîn heye. Ji ber ku doza Filistînê dozeke Rojhilata Navîni ye. Di vê konferansê de gelek ciwan ji welatên cuda cuda beşdarî konferansê bûn û em jî nûnertiyê ciwanên Filistînê dikin. Konferans girînge ji ber ku wê hemû pirsgirêkên ku Rojhilata Navîn tê re derbas dibe. Em hemû dizanin ku Rojhilata Navîn pirsgirêkên wek dagirkerî û qirkirina çandî tê re derbas dibe û em bi hêvî ne ku ev konferans bi kêfxweşî derbas bibe û em bigihêjin Rojhilatek Navîn a demokrat û pirreng li gorî ramanê Abdullah Ocalan.
Ez Zawir ji pêkhateya Çerkes ji bajarê Minbic. Em komîngeha xêrxwazi yê Çerkes ve hatin beşdarî konferansê bûn. Armanca me ji vê beşdarbûnê ji bo biratiya gelan û xurtkirina têkiliyan bi pêkhateyên din re ên civakê û em bi hêvî ne ku her tim hevdîtinên wisa çêbibin ji bo ku em ji hev fêr bibin û bibin yek, ji bo parastina axa welat.
Navê min Hûde. Ez ji Mînbîc’ê têm. Li ser navê ciwanên Turkmen tevlî konferansê bûm. Em bi şoreşa Rojava ve dikarin dengê xwe bigihêjinin. Îro jî wek ciwanên Turkmen hatin Kobanê. Ev konferans ji bo me firsendek mezin e. Heya deste me hat em ê vê firsendê baş bikar bînin.
