TEBQA- Yekitiya Jinên Ciwan ên Tepqayê çalakiyek li dar xist da ku dengê xwe ji bo Rêber APO bidin bihîstin û daxwaza xwe ya jiyana li kêleka wî diyar bikin. Jinên ciwan nameya Rêber APO xwendin û nameyek hevbeş ji wî re nivîsandin.
Jinên ciwan di hevpeyvînê de hestên xwe parve kirin û dilsoziya xwe ya ji bo Rêber APO û daxwaza xwe ya hevdîtina wî anîn ziman: “Em xwe perwerde dikin ku di pêşerojê de li kêleka Rêber APO bijîn. Rêber APO îlhama me ya jiyanê ye, û em dixwazin wî bibînin.”
Jinên ciwan sedemên nameya xwe ya ji bo Rêber APO wiha rave kirin: “Rêber APO raman û mafên me yên di civakê de da me. Bi vî rengî em dikarin di jiyana xwe de serbixwe bin, mafên xwe biparêzin û di civakê de rolên çalak bilîzin.”
Jinên ciwan daxwaza xwe ya ji bo hevdîtina bi hev re dubare kirin û gotin, “Em dixwazin bi Rêber APO re hevdîtin bikin ji ber ku em dixwazin vê nameyê ji bo ramana azad ji wî re bişînin. Hevdîtina bi wî re kêfxweşiya me ya herî mezin e.”
