NAVENDA NÛÇEYAN- HPG’ê diyar kir ku cihên ku hêzên Iraqî hewl didin bikevin qadên tampon in ku pevçûn lê dijwar in û bang li hêzên Iraqî kir ku bi hişmendiya vê rastiyê û şerê li herêmê diqewime tevbigerin.
Navenda Ragihandin û Çapemeniyê ya HPG’ê (HPG-BÎM) di daxuyaniya xwe ya nivîskî de diyar kir ku dewleta Tirk a dagirker 3 caran bi balafirên keşfê yên keşfê bombe li qada Zapê barandiye û agahî parve kir ku herêmên Garê, Xakûrkê, Zap û Metîna di navbera 21-25’ê Sibatê de 41 caran bi balafirên şer bomberdûman kirine.
Di daxuyaniyê de bal hat kişandin ser liv û tevgera hêzên Iraqî li herêmê û hişyariya “hişyariyê” hat dayîn.
Daxuyaniya HPG-BÎM’ê wiha ye:
Çapemenî û Raya Giştî Re!
Agahiyên berfireh ên li ser çalakiyên hêzên gerîla û êrîşên artêşa Tirk a dagirker ev in:
1. Êrîşên artêşa dewleta Tirk a dagirker ên bi droneyên bombebarkirî û teqemeniyên qedexekirî;
22’ê Sibatê li herêma Rojavayê Zapê ya Şehîd Delîl çeperên me yên şer ên li Qada Berxwedanê ya Girê Cûdî 3 caran bi droneyên bombebarkirî hatin bombekirin.
2. Êrîşên ku artêşa Tirk a dagirker pêk anîn;
Di navbera rojên 21 – 25’ê Sibatê de li herêma Garê qadên Deşta Kafya, Neqeba Xêrê, Girê Zengil, Girê Reşît, Sêdarê 9 caran, li herêma Rojavayê Zapê ya Şehîd Delîl qadên Girê Cûdî, Girê Amediyê, Girê Bahar 23 caran, li herêma Xakurkê qadên Sinînê, Xinêrêya Jor, Ava Lolanê, Kolît 5 caran, li herêma Zapê qada berxwedanê ya Şehîd Îbrahîm 3 caran, li herêma Metînayê qada Serê Metînayê carekê; bi giştî 41 caran bi balafirên şer hatin bombekirin.
3. Rojên dawî hêzên Iraqê bi navê ‘hêzên sînor’ hatiye hin qadên herêmên Zap û Avaşînê yên li Herêmên Parastinê yên Medyayê ku şer lê giran e. Cihên ku hêzên Iraqê hewl didin bên; bi kîlometreyan dûrî sînorê fermî yê dewletên Iraq û Tirkiyeyê ye, li nava Başûrê Kurdistanê ye û ew qad in ku niha di navbera gerîla û artêşa Tirk a dagirker de şerekî giran lê diqewime. Em ne li dij in ku hêzên sînor ên Iraqê parastina sînor bikin, lê belê cihên ku hatinê ne xeta sînor e. Ev hêz li herêmên navberê têne bicihkirin ku şerekî giran lê diqewime. Lewma ji vê liv û tevgerê tê fêhmkirin ku hin hêz li pey hin lîstikan e. Wê hîn bêhtir kêrhatî be ku hêzên Iraqê vê rastiyê zanibe û haya xwe ji şerê li vê qadê hebe û li gorî vê yekê tevbigere.
26’ê Sibata 2024
Navenda Ragihandin û Çapemeniyê ya HPG’ê
