HESEKÊ – Îro Yekîtiya Jinên Ciwan li bajarê Hesekê civina xwe ya salanê li ser asta herema Cizirê li dar xistin. Endamên Yekîtiya Jinên Ciwan ji giştî herema Cizirê beşdarî civinê bûn.
Jinên ciwan ên xebatê Meclisan, Desteya ciwana, MSD û PYD jî beşdarî civinê bûn.
Civin bi deqeyek rêz girtin despê kir. Di despêkê de perspektîfa Serokatî li ser Jina Azad hatiye xwendin. Serokatî di vê perspektifê behsa rêbazên xwe gihandina jiyanekê azad dike. Jin gerek çawa xwe bi rêxistin û perwerde bikin û li ser vê esasî jî civak bi rê xistin bikin.
Piştî vê Evîndar ji Akademiya zanîsta civakî ya Rêber APO axaftin kir. Bal kişand li ser berpirsiyartiya Jinên Ciwan li hemberî Serokatî. Behsa rola jinên ciwan di nava civakê û taybet di nava şoreşê de kir. Hîm ji ber ku jin in, aliyekî din de jî ji ber ku ciwanên jinên ciwan xwedî dû nasnameyan di heman demê de ne. Ji ber vê jî gerek xwe li gorî vê xwe birêxistin bike û jiyan bike.
Civin bi nirxandina kar û xebatên Yekîtiya Jinên Ciwan ya sala 2023 berdewam kir. Rapora salanê ya Herema Cizirê hat xwendin û jinên ciwan xebatê xwe nirxandin.
Jinên ciwan di serî de li hemberî Serokatî rexnedayîne xwe dan. Diyar kirin ku pewîstiyek pir mezin bi xurtkirina xebatê heye. Rewşa jinên ciwan, civak û pirsgirekên ku pê re rû bi rû dimînin hatin niqaş kirin. Taybet li ser mijarên zewaca bi temenê biçûk û kemmayîna xebatên perwerdekirina civakê wekî xeterî û şerê taybet hatin tespît kirin.
Jinên ciwan soza xurtkirina xebatan di hemû beşên civakê de dan.
Her wiha bal kişandin li ser xwedî derketin li nasnameya xwe wekê jinên ciwan. Jinek ciwan di kijan xebatê de cihê xwe bigre jî, di serî de xwedî nasnameyekê xweser in. Di kijan xebatê de cihê xwe bigrin jî di heman demê de jî endamên Yekîtiya Jinên ciwan in û pewîste her jinek ciwan xwedî li vê nasnameya xwe derkeve.
Jinên ciwan ku di civinê de rewşa jinên ciwan nirxandin anîn li ser ziman ku kapîtalîzm êrîşekê mezin li ser jinên ciwan dibe. Pir li ser civakê bandor dike. Taybet li ser xweperwerdekirinê jinên ciwan anîn li ser ziman ku gerek em hertim Serokatî bixwînin. Zelal kirin ku hemû pirsgirêkên heyî bingehê xwe ji nexwedina û nenaskirina Serokatî digrin.
Di dawîya civinê de Meclîsa Yekîtiya Jinên Ciwan ya Herema Cizirê hat erkdar kirin. Berdefekên hemû bajeran hatin derxistin.
Civin bi siloganên ”Jin Jiyan Azadî” û ”Bê Serok jiyan nabe” bi dawî bû.
