NAVENDA NÛÇEYAN –
Ji dahorandinê Rêberê Gelan Abdullah Ocalan….
Meclîsa Netewî ya Kurdistanê ji bo hûn ji her alî ve bikarin çarenûsa xwe nîqaş bikin, bi zagon bikin, zagonên Şoreşa Kurdistanê derbixin holê û venêrîn hewce dike. Her wiha hûnê vê jî rasterast bi mirovên ku we hêjayî vê dîtine û ji bo vê hilbijartî pêk bînin. Di vê manê de sala 1992’an dibê sala we digihîne nûnerên we yên hêviyên sedî salane, hûnê bi destê wan çarenûsa xwe bi cîhanê bidin pejirandin û wan bi peywira rêvebirinê ve rûbirû bihêlin. Em bawerin, dê ev peywir jî pêk were. Belê dê serhildan û şer jî li ser vî bingehî pêş bikeve, her wiha dê ev pêşketin jî meclîsa netewî û hukumeta netewî ya girêdayî wê derbixe holê. Hewce nake em pêwîstî bi meclîsên
ku di destê hukumetên din de pêlîstokin û di derheqê me de fermana darvekirinê didin bibînin. Ji bo em biryara azadiya xwe bidin û hukumeta xwe damezirînin, emê di nav meclîsa xwe de pêşve biçin.Li ser vi bingehî cardin hemû gelê Kurdistanê vedixwînin bi şêweyek xurt rabe serhildanê, tevgera serhildanê ya ku pêş dikeve dê we zêdetir berfireh bike û kûr bike. Em dawî li hêceta ku heta niha li pêş pêşketinan çi dibe bila be bînin. Ti hêceta koletî û ketîbûnê nîne. Roj roja serhildan û bidestxistana her tiştî ye. Bidestxistina welat û azadiyê, jiyanek weke zêre. Roj roja bidestxistina vê ye. Vaye ji bo vê em dibêjin, heta niha yên hatin xapandin, tirsandin û bawer nekirîn çêbûn, êdî ev tev hatin derbaskirin. Niha tirs û xapandin nîne. Heta dawî bawerî heye. Heta dawî bi hêza xwe bawerî heye. Ya dimîne çiye? Vaye ger teqez behsa çarenûsekê bê kirin, ev azadî çarenûse û meşa azadiyê ya jênevegere. Emê wisa bipejirînin, wisa bimeşin û ser bixin.Li ser vî bingehî wexta em bi ser vê salê yan jî salan de diçin, em ji her demê zêdetir şiyar bûn. Bi çalek, liv û tevgerin. Cardin dibêjin, ger dijmin bi rastî jî dixwaze dawî li xebatên xwe yên dijminatî bîne, yekîtî, biratî û bihevrebûnekê dixwaze, bila bê hêza bikare bi nûnerên berz ên milet re baxivê raber bike. Ger bêku şerim bike gotinek ku gotinek wî ya bikare bêje heye, bila wê gotinê bêje. Êdî hûn jî pir baş dizanin çawa baxivin û çi bixwazin. Serxwebûn û azadî esase. Çawa miletê Tirk, Ereb û Fars dev ji mafên xwe bernadin, emê jî devjê bernedin. Çawa ku wekhevî û azadî mafê wane, mafê we ye jî. Ji bo serxwebûn û azadî, wekhevî û bihevrebûna li ser vî bingehî tiştek din nepejirandin, ji bo me jî doza me ya şeref û serfirazî ye.
Ger em wisa bi ser vê peywira xwe de bimeşin, yeqîn dikim, ev meş meşek bêhempa ye, ev meşa ku destpê kiriye emê bi gavên hîn leztir pêşve bibin û hewce jî bike emê milyonan endamên xwe jî bidinê, vî welatî bikin warê mirovên bi şeref û serbilind. Ji bo em miletê Kurdistanê ku navê wê jî nayê pejirandin bikin miletê cîhanê yê herî bi şeref û serbilind, emê her tiştê xwe danin holê û ser bixin. Hemû dostên me jî li ser vî bingehî vedixwînin. Di serî de miletê Tirk, Ereb û Fars, çi kesê bi navê miletê cîhan daxive û îdîa dike nûnertiya wan dike hebe, em bang dikin van mafên pîroz ên miletê me yên jêneveger binase û pişgiriya wan bike. Ger me heta niha nekariye xwe binasin, bila sedema vê jî bi koraniya me jiyan dikir, dîroka lenetî û rêberên sexte ve bê girêdan. Em vê dîrokê diqetînin, vê rêbertiya sexte derbas dikin. Lewra ji vê hêlê ve ya ji bo me jî jênevegere şeref û serfirazî ye, xulase her tiştê me ye, li hember meşa me ya serxwebûna mezin rêzdar bin. Ger hûn dibêjin; “Em pişgiriyê didin” bidin. Ger hûn pişgiriyê nadin jî asteng nekin û ji dijminê me re jî nebin amûr. Wexta em li ser vî bingehî doza xwe ji cîhanê re diqîrin,
eşkere ye divê pêşî em bi xwe bawer bin. Miletê ku bi xwe bawere û bi hêza xwe ya cewherî ve şer dike, misoger têk naçe, heta ji wê bombeya atomê em dinasin zêdetir bombeyek mezine.
Weke kesek pir lewaz, dibe ku kesek ji we tevan lewaztir, li cihê ku yek kesê tenê jî yek peyv nedizaniya, navê wê jî
nedipejirand, ne digot; “Ez Kurdim” de, deyndar, heta dibe ku ne xwedî fîşekê jî, lê weke kesek îro xwediyê hezkirina we ya mezin dibêjim, ezmûna min derxist holê ku ji nav we kesê herî lewaz jî dikare çi derbixe holê. Ger hûn dixwazin hinek tişt ji me bigirin, li jiyana me binêrin. Em ji tinebûn û ne ti tiştiyê bûn
qadirê çi tiştî û me karî çi bafirînin. Her wiha ev jî hûnin. Ger ji nav we yê herî lewaz vê dike, hûn dikarin hezar qatî zêdetir bikin. Hemû keç û kurên we, ciwan û îxtiyarên we ji min zêdetir dikare bike. Baweriya min bi vê heye. Me jî rê û rêbaza vê da we. Lewra her kesê dibêje; “Kurdistanî me. Ez jî di vê dozê de heme”, dikare hîn zêdetir biafirîne.Ger me îro miletek ku cîhan, dost û dijmin dinase afirandiye, hûn ji me zêdetir dikarin miletek serbixwe û azad bi wan bidin pejirandin. Bila ti fikara we ji vê nebe. Her kesê dibêje; “Kurdistanî me. Di vî şerê netewî de cihek min jî bi şeref heye”, ger hinekê aqilmend bimeşe, bizane li kur çawa nêz bibe, çawa baxive, lê bide yan jî paşve vekişe û dîsa hewce dike kî çawa qane bike, xulase ger bikare hunera vî şerî rast pêk bîne dikare hîn zêdetir bike. Dê li ser vî bingehî ev bi we tevan û me jî bide serxistin.Li ser vî bingehî hêvî dikim hemû Kurdistanî, pêşengên wan PKK’yî û şervan carek din xwe ber çavan re derbas bikin wisa rabin ser piyan, di encamê de çarenûsa xwe diyar bikin û ji bilî serkeftinê tiştek din nepejirînin, Şoreşa Mezin a Kurdistanê ber bi serkeftinê ve bibin û weke diyarek mezin pêşkêşî mirovahî bikin. Ji bo vê banga min ewe hemû hêz û jêhatiyên xwe bixin meriyetê, şerê gelêrî bi serkeftî bi encam bibe û di vê mijarê de ti astengiyên derve û hundur neyên nasîn. Dîsa banga min ewe
çi bi zanebûn çi jî nezantî kesên ji dijmin re bûne amûr û hetaniha xizmet ji dijmin re kirine dev ji vê sekna xwe berdin, efûya xwe bixwazin û beşdarî vê meşa şayan bibin. Jixwe çiqas kesên ji dijmin re bûne amûr hebin, dikarin sûd ji wê qanûna efûyê ya me derxistî werbigirin û beşdarî pêngava me ya şayan a sala 1992 û pey wê re bibin Newroza sala 1992’an a pîroz pêşwazî bikin. Bang dikim vê siûda xwe bikar bînin, cara yekê ji bo jiyana
bi namûs û serbilind şer esas bigirin û ji bilî serkeftinê tiştekê nepejirînin. Em dibêjin ji bo di vê şoreşê de serkeftina misoger bê pêkanîn, em bangî we dikin hûn her tiştê xwe danin holê, ji bilî wê ez û PKK emê ti jiyanê nepejirînin, ji bilî serxwebûn û azadiya misoger, li ser vî bingehî bi yekbûna mirovahî û gelê cîran re zêdetir emê destûrê nedin ti jiyanê. Bi coşek mezin silav û rêzên xwe pêşkêşî we dikin.
