BEHDÎNAN – HPG’ê got “Artêşa Tirk a dagirker sûcê şer dike, bi her cure teknîkê dixwaze Gerîlayên Azadiya Kurdistanê îmha bike lê gerîlayên azadiyê ji Botanê heta Herêmên Parastinê yên Medyayê bi çalakiyan bersivê dide dagirkeran. Di çalakiyên tîmên me yên bi tevger de 6 leşkerên Tirk ên dagirker hatin cezakirin, 4 dagirker jî birîndar bûn. Di çalakiyan de 3 konên leşkerî, kamerayeke mobese hate îmhakirin û derb li helîkoptereke êrîşê hate xistin.
Artêşa Tirk a dagirker çeperên şer ên li Qadên Berxwedanê 4 caran bi bombeyên taktîk nukleer û çekên kîmyewî, 4 caran bi balefirên şer, 23 caran bi helîkopterên êrîşê û bi dehan caran jî bi obus û çekên giran bombe kirine.”
Navenda Ragihandin û Çapemeniyê ya HPG’ê derbarê çalakî û êrîşên ku hatine kirin, ev agahî da:
Di çarçoveya Pêngava Egîdên Botanê ya Şehîd Diljîn û Şehîd Şervan Êrkendî de;
Di 23’ê Tîrmehê de li herêma Bestayê tîmên me yên bi tevger dagirker xistine bin kontrola xwe û li dagirkeran dane. 3 konên ku dagirker tê de bûn ji nêz ve bûye bûne hedefa hêzên me. Di vê çalakiyê de dagirkerek hatiye cezakirin, 2 dagirker birîndar bûne û 3 konên leşkerî hatine îmhakirin.
Piştî çalakiyê dagirkeran li qada Besta Hincê operasyoneke dagirker dane destpêkirin û êvarî jî bêyî ku encamekê bi dest bixin vekişiyane.
Di çarçoveya Pêngava Şoreşgerî ya Cenga Xabûrê ya Şehîd Savaş Mereşê de;
Di 26, 27 û 30’ê Tîrmehê de dagirkerên li Qada Berxwedanê ya Girê Cûdî 3 caran bi taktîkên sûîqestê hatine hedef girtin û 3 dagirker hatine cezakirin.
Roja 1’ê Tebaxê saet 18:00 û 18:30’an de hêzên me bi çekên ferdî û taktîkên sabotajê darbe li dagirkerên ku dixwestin ber bi tunelên şer ên li Qada Berxwedanê ya Girê Amediyê ve bi pêş ve biçin, xistin.
Di 1’ê Tebaxê saet 19:30’an de dagirkerên li Qada Berxwedanê ya Girê Cûdî, bi çekên giran hatine hedefgirtin û li wan hate xistin.
Di 1’ê Tebaxê saet 20:00’an de dagirkerên li Qada Berxwedanê ya Girê Amediyê ji aliyê tîmên me yên YJA Starê ve bi taktîka sûîqestê hatin gulebarankirin û dagirkerek hate cezakirin.
Di 1’ê Tebaxê saet 21.30’an de pergaleke kameraya mobesse ya ku dagirkeran li Qada Berxwedanê ya Girê Amediyê bi cih kiribû, ji aliyê hêzên me ve hate rûxandin.
Di 1’ê Tebaxê saet 22:20’an de dagirkerên li Qada Berxwedanê ya Girê Cûdî bi taktîka sûîqestê hatin gulebarankirin û dagirkerek hate cezakirin.
Di çarçoveya Pêngava Şoreşgerî ya Bazên Zagrosê de li Herêma Zapê;
Di 1’ê Tebaxê saet 23:10’an de helîkopterên êrîşê yên ku xwestine Qada Berxwedanê ya Şikefta Birîndara bomberdûman bikin, hêzên me yên YJA Starê ji du aliyan li helîkopterê dan. Di encama lêdanên bi bandor ên hêzên me de helîkoptera ku darbe xwar, neçar ma ji qadê derkeve.
Di 1’ê Tebaxê saet 11.30 û 11.40’an de li dagirkerên ku xwestin ber bi tunelên şer ên Şehîd Umîd ve bi pêş ve biçin, bi çekên giran û taktîkên sabotajê hatin hedefgirtin.
Di 2’ê Tebaxê saet 06:40 û 07:00’an de dagirkerên ku xwestin ber bi tunelên şer ên Şehîd Umîd ve bi pêş ve biçin, bi taktîkên sabotajê hatine derbkirin û 2 dagirker birîndar bûn.
Êrîşên ku artêşa Tirk a dagirker ên bi bombeyên nukleerî yên taktîkî û çekên kîmyewî pêk aniye;
Di 1’ê Tebaxê de Qadên Berxwedanê yên Girê FM û Şikefta Birîndara 5 caran bi bombeyên nukleerî û çekên kîmyewî yên taktîkî hatin bombekirin.
Êrîşên ku artêşa Tirk a dagirker bi çekên giran, obus, helîkopter û balafirên şer kiriye;
Di 1’ê Tebaxê de 4 caran bi balafirên şer Şehîd Adil û Qada Berxwedanê ya Çemço hatin bombekirin.
Di 1’ê Tebaxê de Qadên Berxwedanê yên Girê Amediye, Werxelê, Çemço û Kokerê 23 caran bi helîkopterên êrîşê hatin bombekirin.
Di 1’ê Tebaxê de Qadên Berxwedanê yên Girê Amediye, Girê FM û Çemço bi dehan caran bi çekên giran û obusan ji qereqolên li ser sînor hatin bombekirin.
HALÎT GEZÎCÎ YÊ XIZMETA DIJMIN KIR HAT CEZAKIRIN
Kesê bi navê Halît Gezîcî bi fealiyetên cûr be cûr xizmeta dijmin kirî û ji ber wê jî beriya niha gelek caran ji aliyê hêzên me yên li herêmê ve hatibû hişyarkirin. Lê belê guh neda hişyariyan û fealiyetên xwe berdewam kir. 14’ê Hezîranê saet 19.40’an de li derdora gundê Verîsa yê navçeya Xîzan (Hizan) a Bedlîsê, Halît Gezîcî ji aliyê yekîneyeke me ve hat cezakirin.
TU TÊKILIYEKE NUSRET TEBÎŞ BI HÊZÊN ME RE TUNE YE
Çapemeniya şerê taybet a dewleta Tirk diyar kir ku kesê bi navê Nusret Tebîş bi gotina ku bi tevgera me re têkildar e û îdia kir ku berpirsyarê Komkujiya Gungorenê ya tarî ye ku di 27’ê Tîrmeha 2008’an de pêk hat, hatiye qetilkirin. Ev çîroka çapemeniya şerê taybet a dewleta Tirk ku li ser derewan hatiye avakirin, ne rast e. Tu têkiliya Nusret Tebîş bi hêzên me re nîne. Dewleta Tirk bi gelek qetlîamên xwe û bi taybet bi qetilkirina 9 sivîlan li Perex a girêdayî Zaxoyê rûyê xwe yê rast eşkere kir û ji ber wê jî li hemberî wê bertekek mezin çêbû. Dewleta Tirk bi senaryoyên sexte hewl dide bûyerên ku ti eleqeya wan bi hêzên me re nîne bi hev ve girêbide da ku vê qetlîamê veşêre, rojevê berevajî bike û bi senaryoyên sexte îtîbarê bi MÎT’ê bide qezenckirin. Divê gelê Kurdistanê û raya giştî ya demokratîk a Tirkiyeyê bi van nûçeyên sexte bawer neke.”
