NAVENDA NÛÇEYAN –
Destpêkê hezkirina ku em behsê dikin ne hezkirina pergal pênase dike ye, an jî ne hezkirina ku îro tê jiyan kirine, ev hezkirina zuha û tijî nexwaşî em tu carî naxin nava pîvanên xwe yên azadiyê, ji ber ku ji bo azadiyê ne pêkane û nabe ku em hezkirinek bi vî rengî bidin kêlekî azadiyê û jiyana bi rûmet. Heta bîle gihîştiye wê astê ku em nikarin jê re bêjin ev tiştê ku tê kirin navê xwe hezirine, ji ber ku hem tiştê tê hezkirin û hem jî hezkirina ku tê kirin ne raste û ne jî bi wate ye, ev hezkirin ji serî heya binî hemî valatiye û xapandina herî mezine, ji bo wê dema kesek ersan û ji rêzê hezbike bi awayekî şikilî hezdike tenê wek ku demê xwe ya vala bi vê hezkiriya xwe re derbas bike. Ev hezkirina ku îro di navbera jin û zilam de tê kirin, ger bi rastî jî hezkirinek rast ba, îro ewqas pirsgirêkên koletî û serdestiyê ve nedihat jiyîn, û civak jî wê ne di rewşa xwe ya niha de ba, ji ber ku şêwazê hezkirinê jî bandorek xwe ya cidî li ser jiyan û kesayetan heye, ji hev qut nîne, yekser bi vê awayî wê zirar jî bigihêje jiyanê û kesayet, ev sedemek ji sedemên ku mirov nikare jiyan bike, ev hemû encama ji xapandina roja îro ye. ji bo wê em bi awayekî seranser nêzî van têgehên xwedî wateya mezin nabin, ji ber ku ger em van rast pênase bikin emê karibin wê rast jî pêkbînin û rast jî jiyan bikin, ji ber vê ya girîng destpêkê em wate bidinê, û wate jî ne li gor kesayetan tê dayîn, li gor rastiya wê tê dayîn, bi rasî jî ji ber hezkirina îro ne li gor wateya wê ya raste, ji bo wê însan nizane ji çi hezbike û çawa hezbike, pêwîstî pê heye ku însan ji nû ve li ser van têgehan bi awayekî cidî bisekine û wan vegerîne ser rastiya wan, ji ber Serok Apo dizane ji çi hezdike,ji bo vê dizane ku wê ji ber çi jî ewqas temen bide, ji ber ku serokatî ji azadiyê ve hezdike, ji bo ku wan jî bi dest bixe û bide destê hemû însanan her di nava şer û berxwedaniyê de ye. Pêwîste ku em jî ji her di nava şr û berxwedaniyê de bin. Ger wisa nebe em nikarin riyek din ya çareseriyê bibînin, û di heman demê de em nikarin têkoşîna xwe jî xort bikin.
Hezkirin çiye ji bo her jinekê? Bi taybet jî wateya hezkirinê di giraniya wê de dayîn çewaye û ji bo çi pêwîstî bi hezkirinê heye?
Destpêkê ji bo ku jin karibe hezbike ya herî girîng ewe ku di serî de jin ji xwe hezbike û bibe ya xwe, yanê vegere cewhera xwe û bi awayekî xwebûn jiyan bike û di milî biryaran de azad be, ev azadiya ku em behsê dikin ne azadiya takekesiye, azadiya dil, mejî û ruhe, ji ber ku girêdaneke girîng ya azadiyê bi hezkirinê ve heye, ji ber ku ger mirov azad bifikire û azad jiyan bike wê karibe rast jî hez bike, û wê bikeve ferqê de ku çawa hezkirin çêdibe. Ji bo ku jin rast hez bike û rast jiyan bike, em têkoşînek bandorker didin meşandin. Hezkirina jinê ya rast ewe ku jin ji welat, gel û civaka xwe hezbike, û ji bo wan bibe şervanekî azadiyê, hertim di nava têkoşînek bê hempa de be, tiştê ku jinek azad jê hezdike evin, ji ber ku hebûna jinê, di hebûna welat, gel û civakê de ye, ji ber ku jin ji wan re pêşengtî dike û wan bi rêve dibe, wê demê em dikarin bêjin ku çiqas jin mezin be wê ewqas jî welat û civakê bi xwe re mezin bike, ji bo wê pêwîste ku jin rast hezbike û mezin jiyan bike, ji ber ku temenê civakê bi jiyana jinê ve girêdayî ye, jin çiqas jiyan bike ewqas civak jî jiyan dike. Ji bo ku jin civakê jî bide jiyan kirin, xala herî girîng ewe ku jin jê hezbike.
Nucan Serdoz Nivîsandiye….
