NAVENDA NÛÇEYAN –
Nucan Serdoz Nivîsandiye
Berî derketina PKK’ê gelek serhildanên kurdan hatine kirin, lê belê her carê ev serhildan bi rêbazên cuda cuda hatine çewsandin. Ji ber vê jî ev bû sedem êdî gelê kurd ji bo xwe jiyaneke pesîf qebûl bikin. lê belê rastiya gelê kurd ne wisa ye. Gelê kurd di dîroka xwe de ji bo mirovahiyê gelek destkeftî bi destxistiye, ji ber ku xwediyê şoreşa mezin a Neolotîkiyê bû, xwediyê çandek mezin, kesayetek mezin û şaristaniyek mezin bû. Lê piştî ku serhildanên kurdan hatine çewsandin êdî ev baweriya kurdan ya bi serkeftinê nema. Ji ber vê jî kurdan xwe di nava sîstemên cuda de ber bi winda kirinê ve diçûn, êdî hêzeke ku karbin pê li berxwe bidin di xwe de nedîtin. Dikarîbû ji bo ku karibe xwe tenê bide jiyan kirin di nava sîstemên cuda de piraniya hebûna xwe înkar dikir, û xwe radestî polîtîkayên înkar û tunekirinê ve kiribûn. Gelê kurd her tiştê xwe winda kiribû êdî nikarîbû hesabê jî bipirse serê xwe ji her tiştî re dihejand û her tişt ser xwe qebûl dikir. Eger wê demê kurdan mekanîzmayên xwe yên hesabpirsîn di fikir, rêxistin û pratîka xwe de bi hêz kiribana wê hemû sînor û tirsên xwe ve derbas kiribana. Lê ji ber ku di xwe rêxsitin kirinê de kêm man ji bo wê nikarîbûn qezenc bikin. Ev jî zemînên mezin ji dijmin re vekir, ji ber vê yekê dijmin bi rihetî karîbû xwe li Kurdistanê bi cih bike û mêtîn bike. Ger dema hêza bersivdayînê jî li hember wî nîn be ber bi hovîtiyeke hîn mezintir jî diçe.
Lê belê kesên ku ev koletiya ser gelê xwe qebûl nekirine jî hene. Ew jî Rêber Apo ye. Rêber Apo bi ders derxistina ji hemû serhildanên kurdan pêşengtî kir û hemû gelê kurd ji nû de zindî kir. Yanê mirov dikare bêje Rêber Apo bi berpirsyariya xwe ya dîrokî rabû û derfet neda ku kurd ji vê bêtir kole bibin, li şûna riya koletiyê riyeke din ya azadiyê danî pêşiya wan. Di vê wateyê de têkoşîna Rêber Apo tenê ne li hember dewleta Tirk bû, di serî de li hember sîstema modernîteya Kapîtalîst bû û piştî wê li hember hemû çînên serdest bû. Ji bo vê jî Tevgera Azadiyê ya ku Rêber Apo avakirî ji bo tevahî kurdên ku hatibûn perçiqandin destwerdanek bû. Ji bo hesab pirsîn bû hêzek.
Lê belê dema ku mirov vedigere li dîroka vê tevgerê (PKK) dinêre, dibîne ku hîn dema ev tevger di nava komeke biçûk de xwe bi rêxistin kiribûn, ji bo hêzên derve û hemû sîstemên ku cîhanê bi rêve dibin metirsiyeke çêkiribû. Di heman demê de van hêzan ne dixwastin ku dema ev grup biçûk bû biperçiqînin ji ber ku armanca wan ew bû vê grupê û bi taybet Rêber Apo bixin xizmeta xwe de. Ev yek tam terz bû Rêber Apo hemû xeyalên wan vala derxist û hemû astengiyên ku li pêşiya PKK’ê çêdikirin Rêber Apo ew ji xwe re weke derfetên mezin bikaranî.
Weke em dibînin ku ji wê demê de heya niha êrîşên li ser tevgerê berdewame. Dibe ku pêvajoya destpêkê hemû zora xwe didan ser têkçûna PKK’ê. Lê ji ber ku ev nebû berê xwe dîsa zivirandin ser gel. Xwastin ku gel weke tehdîdekê li hember PKK’ê bikar bînin. Yanê xwastin ji PKK’ê re bêjin ku ger hûn xwe radestî me nekin emê jî gelê kurd bigirin bin destê xwe. Dîsa jî PKK’ê ev derfet neda van hêzên faşîst. Li ruxmî hember PKK û gelê kurd ve bi hemû derfetên ku di destê wan de heye ketine nava şerekî dijwar ku ji her alî de êrîşên xwe bi pêşxistine. PKK’ê jî niha li hember van hemû hêzan şer dike, ji ber ku rola van hemû hêzan jî di şikandina gelê kurd de heye.
Ger li hember van hêzan neyê sekinandin emê nikaribin ji demoqratîkbûnek nû pêngaveke nû re deriyên xwe vekin. Ger gelê kurd li hember wan nebin xwedî helwest, wê nakibin ji bin vê miriniyê debikevin. Fikir û rêxistina dijmin li hember mirovahiyê û bi taybet gelê ve mirov nasneke wê demê mirov wê nikaribe xwe jî nas bike û ne jî wê karibe xwe birêxistin bike. divê mirov van hemû rastiyan têbighije, ji ber ku hemû rastî werin fêm kirin. ji ber ku heya niha tu kesî bi qasî PKK’ê ji gelê kurd re rastiya dijmin şirove nekiriye û pê nedaye naskirin. PKK’ê hem got û hem jî kir. Ji bo wê li Kurdistanê serkefitnên ku rû didin cara yekeme ku di dîroka gelê kurd ya hemû bi qirkirin û komkujiyan ve hatiye nivîsandin de tê dîtin. Bi vê awayî PKK’ê ji bo mirovên azadîxwaz û bi taybet ji PKK’ê re bû Tevgera Hesab pirsînê, li ser vê esasê derket holê weke Tevgereke Tolhildanê ye. Hemû sûcên ku li dijî kurdan hatiye kirin kî berpirsiyarê wê be ferq nake wê hesab vê yekê bide.
Dema ku PKK’ê derketî holê, bingeheke dîrokî ji bo detpêka xwe girt, ew bingeh çi ye? Nirxên mirovahiyê yên kolektîf ji xwe re esas girt û li ser vê esasê bingeheke xort ji xwe re avakir. Ji têkoşîna têkoşerên demoqrasî, wekhevî û azadiya mirovahiyê yên ku li her derê li dijî faşîzm bi pêşektî tecrûbeyên girîng derxist. PKK’ê weke her sîstemeke din mirovahî ji dîroka 5 hezar salî negirt dest, PKK’ê mirovahî ji dîroka civaka xwezayî de girte dest, dîrok ji serdema Neolotîkê girt û heya roja me ya îro anî. Li ser van hemû bingehan destpêkirineke xwe ya xort da destpêkirin.
