NAVENDA NÛÇEYAN –
Zana Welat Nivîsand –
Dewleta tirk ev sed sal in li ser gelên kurd, ermen, suryan û baweriyên cuda komkujiyên herî hovane pêk aniye û hîn jî pêk tîne. Ev pergala faşîst a ku li ser bingeha qirkirina gelan hatiye avakirin, di faşîzmê de tu pîvanan nas nake. Faşîst Aldof Hîtler ê ku pîvanên van faşîstan li ser gelan meşad, rê li ber şerê cîhanê yê 2’yemîn vekiribû. Divê were zanîn ku em bi faşîzmeke wisa hovane re rû bi rû ne. De îja hûn bifikirin bê Rêberê Gelan Abullah Ocalan û PKK li hemberî faşîzmeke çawa li ber didin. Ne saleke, du sal, sê sal in, ev 50 sal in bi vîneke ji pola li hemberî vê faşîzmê li ber xwe dide. Rêberê Gelan Ocalan her çîqasî ev 24 sal in di Girava Îmraliyê di nava tecrîde gîrankîrî de tê ragirtin jî ji bo azadiya gelan bênavber li ber xwe dide. Bi saya vê têkoşînê îro bi taybetî gelên Kurdistanê, gelên Rojhilata Navîn û yên cîhanê rêya azadiyê dîtine.
Ligel ku rastiyeke bi rengî li holê ye, li hemberî vê rastiyê îxanetên navxweyî jî derdikevin. Di dîrka kurdan e mînakên îxanetan gelek in. Ji ber îxanetên navxweyî hertîm bîndest mane. Ji bindestiyê wêdetir bi qirkirinên herî hovane re rû bi rû mane. Ev îxaneta navxweyî ya ku ev 30 sal in pêk tên bi berxwedana zarokên kurd vala hatine derxistin û dê ji niha şûnde jî vala bên derxistin. Ya ku herî zêde me xemgîn dike ev îxaneta navxweyî ye. Heke ev îxanet bi aşkerayî were kirin wê demê gotineke ku wê pênase bike tune ye. Wê gavê her tişt bêwate dibin û divê rewşa wan jinûve bên nirxandin. Yên bên nirxandin yek jê jî PDK û malbata Barzanî ye. Balkêş e, kengî dewleta tirk tengav dibe, ev malbat bi hawara wê de tê. Bi qasî neyariya gelê kurd dike, carekê be jî li hemberî neyarên kurdan derketa wê demê em ê gavekî din nêzî azadiyê bibûna. Lê hezar carî mixabin ku heta ev bêdengi hebe û ev îxanetkar li ser kar bin, dê îxanetên bi vî kîm nebin.
Ji bo ev mijar baştir were fêmkirin divê em tiştên ku PKK’ê ji bo vî gelî kirine û yên PDK û malbata Barzanî kirine di ber çavan de derbas bikin. PKK ji avabûna xwe û heta niha ji bo azadiya gelan têkoşiya ye û hîn jî têdikoşe. Ma we heta niha kengî dîtiye yan jî bihîstiye ku PKK bi neyarê kurd re êrîş biriye ser rêxisteneke kurd? Tu mînakên vê tune ne. Kengî pêwîstî bi PKK’ê re çêbûye yan jî grl bi êrîşê re rû bi rû maye bêyî dem derbas bike bi lezgînî xwe gihandiye hawara gel. Ev jî rastiya PKK’ê radixe berçavan. Lê mixabin em nikarin heman tiştî ji bo PDK û malbata Barzanî bibêjin. PDK û malbata Barzanî gelek caran bi neyarên kurdan re êrîşî rêxistinên kurdan kiriye. Mînakên vê gelek in. Em jî naxwazin PDK û malbata Barzanî bi vî awayî bên nasîn, lê mixabin ew xwe dixin vê rewşê. Wexta me re bi giştî li dewleta tirk û vê malbatê dinêre dibîne ku ji hêla heman desthilatdariyê ve hatin avakirin. Ji bo vê jî me re li tevger û nêzîkatiya wan binêre bes e. Jixwe her tişt li holê ye.
Niha jî agahiyên ku PDK û malbata Barzanî wê bi dewleta tirk re êrîşî zarokên gel bikin tê. Vê yekê jî wê bi provokasyonên ku wan bi xwe plan kirine pêk bînin. Balkêşe ku ev agahî piştî Nêçîrvan Barzanî çû ber lingê neyarên gelê kurd erketin holê. Wexta mirov van herdu tiştan tîne ber hev dibîne ku îxtîmala k udi rojên pêş de îxaneteke bi rengî pêk were heye. Heke PDK û malbata Barzanî bi neyarên gelê kurd êrîşî ser berxwedêrên vî gelî bikin. Heke êrîşeke bi vî rengî pêk were wê demê bila tu kes nebêje ev şerê birakujî ye. Jixwe ev nabe şerê birakujî, dibe berxwedan li hemberî îxanetkarên qewmê xwe. Li aliyekî zarokên vî gelî ji bo azadiya welat û jiyaneke azad li ber xwe didin û li aliyê din jî faşîstên dixwazin gelan qir bikin hene. Ji ber vê yekê ew dibin aliyê neyarên gelê kurd.
PDK û malbata Barzanî ji ber ku bûne di xizmeta neyarên gelê kurd de ne zirarê dide herkesî û bi taybetî jî zirara mezin dide xwe. Wekî kurdekî bang li PDK û malbata Barzanî dikin ku bes e êdî nebin parçeyek vê qirkirinê. Berjewendiyên gelê kurd û azadiya gelên Kurdistanê ji partiya we û malbata we mezintir e. Kurdistan bêyî we dibe lê bêyî gelê kurd bi tu awayî nabe. Divê hûn vê yekê baş baş fêm bikin. Bi we yan jî bêyî we wê gelê kurd azad bibe û bi xwe re dê gelên din jî azad bike. Ev meşa azadiyê destpê kiriye û hêza tu kesî tuneye ku pêşiya vê meşê bigire. Îxaneta we jî nikare pêşiya vê meşê bigire.
