BEHDÎNAN – Hevserokatiya Konseya Rêveber a KCK’ê ji ber ku li Zapê derbên giran li dagirkeran xistine daxuyaniyek weşand û gerîlayen li wir pîroz kir.
Peyama Hevserokatiya Konseya Rêveber a KCK wiha ye:
“Dewleta Tirk a qirker mêtinger beriya 8 mehan li Herêmên Parastinê yên Medyayê dest bi operasyoneke dagirkeriyê kiribû. Bi rêya vê êrişa dagirkeriyê wê qadên ku êriş biriye ser di nava 15 rojand e dagir bikira û serketina xwe ragihanda. Lê belê mîna Garê li van deveran jî têk çû. Niha jî bi çalakiyên gerîla, dagirker li cihên ku lê ne di nava kabûsê de ne. Li Zapê ji 4 baskan ve bi ser çeperên leşkerî ve çûn, bi dehan leşker hatin cezakirin û gelek alavên leşkerî hatin desteserkirin. Desthilatdariya AKP’ê ku dixwaze desthilatdariya xwe bi rêya dagirkeriya leşkerî dewam bike, bi derbên ji gerîla dixwe, li ser bingeha têkoşîna yekbûyî ya gelê me wê têk biçe. Ji bilî dijminatiya li Kurdan ti motîvasyona vê desthilatdariyê nîne. Lewma temenê vê desthilatdariya ku ji nirxên wijdanî, exlaqî û civakê bêpare wê ne dirêj be.
Em gerîla û fermandarên ku li Zapê derbên giran li dagirkeran xistin pîroz dikin û serketinê ji wan re dixwazin. Gerîlayên me ku di bin fermana şehîdan, gelê me û Rêberê me de ne, li her derê wê bibin kabûs ji artêşa Tirk a dagirker re, wê dagirkeran ji her cihî biavêjin. Wê careke din bê dîtin ku artêşa Tirk ji aliyê revê ve gelekî jêhatî ye.
Tifaqa faşîst a AKP-MHP’ê wê weke desthilatdariyeke welê derbasî nava rûpelên dîrokê bibe ku êşkencekar û qirker e, sivîlan bi SÎHA’yan qetil dike, bi mejiyê DAÎŞ’ê êrişî yek ji gelên herî mezlûm ê cîhanê êrişî Êzidiyan dike, li zindanan pergalek ji êşkence û zilmê ava kiriye, destavêtinê weke rêbazeke şikandina îradeyê li dijî gelê Kurd bi kar tîne, bikaranîna çekên kîmyewî jî di nav de qanûnên şer binpê dike, bi rengekî li dijî mirovahiyê êrişî cesedên gerîlayên şehîd û goristanann dike. Gel û gerîlayên Kurd çawa ku DAÎŞ têk birin, wê vê desthilatdariya cotikê DAÎŞ’ê jî têk bibin û bi vî rengî cihê xwe di nava dîrokê de bigirin. Gerîla wê bi navê mirovahiyê, têkoşîna li dijî vê desthilatdariya faşîst ji niha û pê ve jî di xeta fedayîtiyê de dewam bike.
Dewleta Tirk û desthilatdariya heyî çi dike bila bike, gelê Kurd, gelên Rojhilata Navîn û mirovahî, tifaqa AKP-MHP’ê weke DAÎŞ’ê dibînin. Desthilatdariya AKP-MHP’ê îmaja Tirkiyeyê daxistiye asta herî nebaş. Gerîla, gel û tevgera me ya azadiyê bi piştgirî û hêzeke mezin a moralê têdikoşin. Li pişt mêtingeriya qirker jî tenê şîrketên çekan difiroşin hene. Di şerekî wiha de yê navbera du hêzên bi vî rengî, wê teqez gelê me û Tevgera Azadiyê ya Kurd bi ser bikeve.
Gelên Tirkiyeyê dixwaze ku vê desthilatdariya faşîst êdî ji ser pişta xwe biavêjin. Desthilatdariya faşîst a AKP-MHP’ê ku ne tenê zilmê li gelê Kurd dike, di heman demê de li ser pişta gelên Tirkiyeyê jî barekî giran e. Lewma ne hêzeke derve ne jî zext, zilm û êrişên dagirkeriyê wê nikaribin vê desthilatdariyê rizgar bikin. Bi derbên gerîla û bi têkoşîna gelê me wê ber bi sergoyê desthilatdarên faşîst, qirker û zalim bê avêtin.
Em gerîlayên xwe ji ber berxwedanê û derbên giran ên li dagirkeran dixin, careke din pîroz dikin û bi navê Tevgera Azadiyê soza xwe ya li gelê xwe û gelên xwe dubare dikin ku vê desthilatdariya faşîst teqez têk bibin. Em şehîdên xwe, gelê xwe yê fedakar û berxwedêran hemûyan bi rêzdarî û bi hezkirinê silav dikin, ku AKP anîne ber hilweşînê.”
