AMED – Du Dayikên Aştiyê yên do li Qada Îstasyonê di mîtîngê de ji aliyê polîsan ve hatin binçavkirin wiha gotin:”Polîsan ji me re gotin ’em ala tirk bi we din hûn jî biçin ber deriyê HDP’ê rûnên’.”
Di mîtînga duh a ji aliyê Tevgera Jinên Azad (TJA) û Partiya Herêmên Demokratîk (DBP) ve li Qada Îstanyonê ya Amedê hat lidarxistin de, polîsan du Dayikên Aşatiyê bi hinceta kinc û flamayên kesk, sor û zer binçav kirin. Polîsên ku Dayika Aştiyê Hatîce Beytûr a 50 salî û Xezal Surer binçav kirin, birin Şaxa TEM’ê ya Miduriyeta Polîsan a Amedê. Dayik bi saetan di bin çavan de man.
Hilgirtina alê ferz kirin
Polîsan di bin çavan de, li her du dayikan “Hûn çima van alan hildigirin? Em ê alên Tirkiyeyê bidin we, biçin li pêş Partiya Demokratîk a Gelan (HDP) rûnin. Bi vî awayî bidin dayikên Amedê” ferz kirin. Dayikên ku ev ferzkirina polîsan qebûl nekirin, di heman demê de bertek nîşanî wan dan.
Heya mîtîng qediya jî, jin ji bo berdana her du dayikan di ketina bendên kontrolê de rawestiyan. Piştî ku piştî belgeya radestkirinê hat îmzekirin, her du dayik hatin berdan.
