NAVENDA NÛÇEYAN – Girtiyên PKK û PAJK’ê ku li dijî tecrîdkirina Rêberê Gelan Abdullah Ocalan û binpêkirinên mafan ên li girtîgehan, dest bi çalakiya greva birçîbûnê kirin, 232 roj in li ber xwe didin. Çalakiya li Mexmûrê di roja 211’emîn û ya li Yewnenistanê jî di roja 194’emîn de dewam dikin.
Girtiyên siyasî yên ji doza PKK û PAJK’ê girtî ne, di 27’ê Mijdara 2020’an de, bi armanca rakirina tecrîda li ser Rêberê Gelan Abdullah Ocalan ku 22 sal in li Girtîgeha Îmraliyê ya Tîpa F a Ewlehiya Bilind girtî ye û bidawîkirina binpêkirinên mafên mirovan ên li girtîgehan zêde bûne, dest bi çalakiya greva birçîbûnê ya bêdem û bidorveger kirin. Çalakiya greva birçîbûnê ku koma 47’emîn dewr girt di roja 232’yemîn de berdewam dike.
Çalakiya greva birçîbûnê ket asteke din û wê ji îro şûn ve girtî ji 15 rojan careke bi awayekî dorveger bikevin çalakiya greva birçîbûnê.
