MÊRDÎN – Dayika girtiyê siyasî Serdar Yildirim ê ku ji ber îşkenceya lê hat kirinastengdar ma Fatma Durak û Dayika Aşitiyê Helîme İşik a ku zarokê wê 30 salin tevlî nav tevgera azadiyê buye diyar kirin ku ger zarokên wan ji wan dur bin ji wan re Roja Dayikan bê wate ye.
Her sal meha Gulanê Yekşema duduyem wek Roja Dayîkan a Cîhanê tê pîrozkirin. Ev roj bi kulîlk û diyariyan tê pîrozkirin. Lê mixabin ji bo her dayîkê ev roj heman hestan naafirîne. Ji ber ku gelek dayîk weke dayîka Fatma Durak a ku kurê wê serdar rexmî ji sedî 98 astengdar e di girtîgehê de ye û dayika Helîme Işik a ku 30 salin kurê wê tevlî nava tevgera azadiyê bûye, bi hesreta zarokên xwe vê rojê pêşwazî dikin.
Serdar Yidirim beriya 3 salan bi awayekî birîndar ji aliyê dewleta tirkiyê ve hat girtin û bi rojan rastî îşkenceyê hat. Ji ber îşkenceya lê hat kirin niha ji sedan 98 asteng dar e. Lewra rexmê ku bi caran bi li gel rapora nexweşxaneyê daxwazname daye rayedaran jî nayê nayê tedawîkirin û bi mehane di hucreya yek kesî de tê hêştin. Ji ber ku nikare pêwîstiyên xwe bîne cih jî enfeksiyon girtiye. Diya wî Fatma Duruç rewşa kurê xwe bi bîr anî û got di vê rewşê de em ê çawa Roja Dayikan pîroz bikin.
‘We kezeba dayikan şewitand’
Fatma got ew dixwaze li gel kurê xwe rojên bi vî rengî pîroz bike û wiha dibêje: “Me ji dixwest em van rojan bi zarokên xwe re di rojên azad de pîroz bikin. Lê zarokên me û em jî ne azadin. Heta azadî nebe kêfxweşiya me jî tune ye. Herî dawî Serdar gulek dabû min û digot dema bimrim hunê wê gulê deynin ser gora min. Gelo kesên di vê ferqê de ne hene? Gelo dizanin ku ev roj li gel me çawa tê pîrozkirin?” Fatma herî dawî got: “Dayik xweşiya zarokên xwe dixwazin ger ku zarokên me di xweşiyê debin û azad bin em em jî azad û kêfxweş in lê ger ku ew ne azad û ne kêfxweş bin em jî ne başin. Dibêjin bihişt di bin piyê dayikan de ye. Ka ew qedir û qîmet. We kezeba dayikan şewitand.”
‘Em tenê aşitiyê dixwazin’
Endama Meclîsa Dayikê Aşitiyê Helîme İşik jî ku kurê wê beriya 30 salan tevlî nava refên têkoşîna azadiyê buye wiha diyar dike: “Em dayik in û dilşewat in. Tenê daxwazek me heye ku aşitiyek mayînde pêk bê. Ger ew yek pêk were bêguman em ê jî baş bin. Lê li vir her dayikek destê wan li ser dilê wane ka çi bi zarokên wan hat. Zarokên me yan girtî ne yan jî li ber mirinê ne. Ev işkenceye ji bo dayikan.”
‘Bila tu dayîk negirîn’
Helîme wiha dawî li axaftina xwe anî: “Li Tirkiyeyê ji dayikan re û bi taybetî jî ji dayikên kurd re rêz nayê girtin. Bi zarokên wan wan îşkence dikin. Ew jî ne bes e dayikan bi xwe jî îşkence dikin. Ji bo ku em li dijî şer derdikevin me jî digirin û gefan li me dixwin. Ez Dayikan bi dilekî bi êş derbas dikim. Niha bi hezaran dayikên me yên ku zarokên wan şehît ketine, di girtîgehan de ne yan jî hatine wendakirin hene. Bi taybet vê rojê li wan pîroz dikim. Bi hêviya ku tu dayîkên din negirîn û xemgîn nebin.”
