BEHDÎNAN – Endama Komalên Jinên Ciwan Ronahî Kurdistan ajansa me re axivî.
Ronahî Kurdistan bal kişand li ser tecrîta girankirî ya li ser Rêberê Gelan Abdullah Ocalan û berxwedana zindanan û banga ciwanên Kurd kir.
Naveroka Roportajê tevahî wiha ye:
“Di serî de, em hemû şehîdên ku ji bo azadiya xwe, azadiya rêber, Apo û hemû gelên bindest xwe feda kirine bi bîr tînin. Em wan bi rûmet bi bîr tînin, û em bejna xwe li ber wan ditewînin.
Dewletên komploger, ku hemî polîtîkayên xweyên dagirkirinê û êrîşên xwe yên li ser hemû gelan, bi fikrî û fîzîkî dimeşînin, bi vî rengî hewl didin ku wan ji ser rûyê erdê qir bikin, îdîa dikin ku ew ji mafên mirovan re rêz digirin. Li tu derê mafên mirovatiyê nine, ger heba, wê heta îro serok Apo li Îmraliyê nemaba, û hemû girtiyên li girtîgehên Bakurê Kurdistan û Tirkiyeyê tenê ji ber ku li dijî dewleta Tirk a faşîst serî rakirin li zindanan nebûna. em dibînin ku hemî welat bêdeng in. li hemberî vê em dibînin hemû cîhan bêdeng e. Em vê bêdengiyê şermezar dikin û qebûl nakin. Divê li hember van çewisandinên ku li her deverê li dijî gelan tê kirin deng werin bilind kirin.
Divê em wek ciwan, û bi taybetî jî jinên ciwan, rabin ser piyan. Serhildana me dê bibe dengek ji bo serokatiyê, ew ê bibe dengek ji bo şikandina van zincîran û rabûna li dijî hemî dewletan, û li dijî çewisandinên û êrîşên ku li me têne kirin. Bi taybetî li Bakur û Başur û li bakur û rojhilatê Sûriyê, êriş li dijî me têne kirin.
ji ber vê yekê divê em bêdeng nemînim, ji bêdengiyê re bes e! Dem dema azadiyê. Divê em rabin ser piyan. Bêdengî bixwe mirin e. Ev tiştê ku rêbertî ji me re dibêje, bi taybet wekî jin. Bêdengiya jinan îro pejirandina wan a her şêweyê êrîşên ku ku ji hêla zîhniyeta zilam ve li ser kesayetiya jinê tê meşandin nîşan dide. Divê em van êrişan qebûl nekin, divê em rabin ser piyan, wekî volkanek bikelînin û bi serhildana xwe de dijminan bişewitînin.
Em silavên xwe ji hemû gelên me yên Ereb, tetkmen, suryan û hemû gelên li Kurdistan û bakur û rojhilatê Sûrye. Bi taybet ciwan û jinên ciwan û ji wan re dibêjin dive zêdetir rabin ser piyan û serî hildin. Serokatî ji wisa zêdetir ji me hêvî dike. Divê em bibin bersiv ji ban çewisandinan re.
Bila Erdogan bizanibe, çi dibe bila bibe em wek jin emê ber xwe bidin û li dijî dijmin rabin, ji ber îro serok Apo bi me re jiyan dike û em bi wî re jiyan dikin. Em bang li hemû ciwan û jinên ciwan ên li her çar perçeyên Kurdistanê û derveyî Kurdistanê, li Lubnan, Filistîn, Misir û her deverê dikin, ku berê xwe bidin cihên azad çiyayên azad, û li cihên xwe bêdeng nemînin. Divê em van sînorkirinên 5000-salî yên li ser xwe bişkînin, û li dijî her dijminan derkevin, li ku derê dibin bila bibin.”
