WELATPARÊZÎ

NAVENDA NÛÇEYAN – Ji bo hebûna welatekî azad û serbixwe, ne di bin tu hêzên dagirker de be û xwe bi xwe rêve bibe. Divê her tişt bikeve xizmeta welat de. Divê em nehêlin bi qasî mîsqalekî jî bikeve destê dijmin de. Dema welatekî serbixwe be her tişt di vî welatî de, divê ayîdî welat be hem ji aliyê madî ve û hem ji aliyê manewî ve.  Dema her tişt bû aydî vî welatî ev welat tu qirîz,qeyran û dagirkirinan jiyan nake û ji hemû aliyan ve dibe hêza çareseriyê. Lê di roja me ya îro de êrîşekî bê hempa li ser welatê me kurdistan heye. Ji bilî tiştên ku ji welat tên dizîn gelek tiştên ku ne ayîdî welatin jî bi darê zorê li ser vê axê tên ferzkirin, dagirkeran di kurdistanê de cihekî ku destdirêjî li ser nekiribe nemaye. Dema em li berhemên kurdistanê meyze bikin, emê bikevin ferqa xweşikbûn û dewlemendiya axa kurdistanê ku di cîhanê de, Kurdistan yek ji cihên herî kevnar û bi dewlemendiya axa xwe tê naskirin. Di heman demê de axa kurdistanê Yek ji cihên ku bi berhemên xwe yên ser erd û bin erd tê naskirin. Kurdistan ji ber dewlemendiya xwe her tim bûye çavkaniya mirovatiyê.  Ji aliyê din ve Eger em behsa daristan û çiyayên kurdistanê yên asê û bilind bikin, dema em li dîroka kurdstanê meyze bikin, emê bibînin ku her dema êrîşên dijmin çêbûye de gelê kurd xwe spartine wan çiyayên bilind, yên asê. ji ber ku çiyayên bilind ji bo gelê Kurdistanê her tim bûye cihê xwe parastinê, him aliyê fîzîkî de û him jî ji aliyê çandî ve. Her wiha çanda wan ya berxwedêriyê di çiyayên kurdstanê de her xurttir kirine. Gelek kesîmên ku ji ber şert û mercên jiyankirinêberê xwe dane kurdistanê. Li Kurdistanê ji ber ku çiya ji bo gel bûne cihê xwe parastinê him ji alî fîzîkî him jî ji alî çandî ve, ax jî bûye cihê berhem derxistinê, yanî debara xwe bi axa xwe dikin bi axê re eleqedar dibin. ji ber girêdanbûyîna wan bi axê re heskirina wan jî ji bo welat zêdetir dibe. Kurdistaniyan her tim xwe li hember êrîşên dijmin yên qirkirnê bi erdîngariyê xwe xwe parastine û di çiyayan de şer kirine. Ji bo gelên ku li ser vê axê jiyan dikin, tişta ku berhem jê digre pîroz dibîne. Ji ber vê yekê jî hezkirin û girêdanbûyîna gel bi axê re li pêşe, girêdanbûyîn û hezkirina gel bi axê re di heman demê hezkirin û girêdanbûîna bi welat re jî dide diyar kirin. Tişta me li jor anî ziman, pir vekirî û zelal dide diyar kirin ku erdîngariya welat bandoriyek li ser kesayeta kurd û kurdistaniyan çêkiriye. Di kesayeta kurdistaniya de asta welatparêzî li pêşe, eger em di dîrokê de meyze bikin emê bibînin ku kurdistaniyan ji bo xwe parastinê hertim xwe spartine çiyayên kurdistanê. Di aliyê din de eger em behsa serkeftina kurdan bikin emê bibînin ku ne ji ber hêjmara artêşa gelê kurd zêde bûn bi serkeftine, lê ji ber ku bi rihekî fedayî ji bo welatê xwe bi parêzin şerkirine bi serketine. Dema rihê welatparêziyê hebe wekhevî, heskirin, edalet û jiyaneke hevbar ya ku xwe li hember welatê xwe berpirsiyar dibîne derdikeve holê. Kurdistaniyan ev xweşikbûn û berxwedanî heta neslê îro anîne û parastine. Di dîrokê de her çendî êrîş dijwar bûne jî lê kurdistaniyan berê xwe nedane bajarên ewrûpa û xwe lê bi cîh nekirine, tam tersî wê li ser axa xwe çandinî berdewam kirine û girêdanbûna xwe xurt tir kirine. Ji ber vê çandinî û li ser axa xwe jiyankirin weke çandek di nav kurdan de li pêşe û ji bo kurdan bûye hebûn û nasnameyeke jiyanê. Her wiha ruxmî ewqas êrîşên li ser kurdstanê girêdanbûyîna kurdan bi çanda xwe ya madî û manewî ve girêdanbûyîna xwe bi axê re her wiha girêdanbûyîa Kurd bi ziman, çand, urf û edatên xwe ve berxwedêriya kurdan dide diyar kirin. Di çîrok û dengbêjiyên ku di roja îro de weke destanên dozdeh siwarî û derwêşê evdî tên guhdar kirin jî ji me re teqaz dike ku derwêş tenê ji bo edûlê bixwaze şer nekiriye, dozdeh siwarî jî tenê ji bo malbatên xwe biparêzin şer nekirine. Wan bi fedayî ji bo axa xwe biparêzin şer kirin. ji bo dev ji welatê xwe bernedin şer kirin. Heskirina wan heskirina welat bû şerê wan jî şerê welat bû. Hemû dewlemendî, berxwedanî û heskirina kurdan ji axa kurdistanê re bû sedem ku dijmin her roj pilanên dagirkeriyê xurtir bike. Ji ber ku çanda kurdan ya xwazayî li hemberî berjewendiyên wan dibin asteng. ji bo berjewendiyên xwe bi rihetî bimeşînin çanda xwezayî nehêlin, dizanin Kurdistan wekî çavkaniya mirovatiyê ye ji bo wê bê navber êrîşê xwe li ser glê kurdstanî dimeşînin.