NAVENDA NÛÇEYAN – Derewên faşîzma rejîm a Akp-Mhp yek bi yek derdikevin holê. Propagandaya wan ê ku “Êdî tu kes tevlî PKK’ê nabe” vala derdikevin. Ciwan ref bi ref diherikin Çiyayê Kurdistanê. Komek ciwan ku ji 16 kesan pêk dihat, bi daxuyaniyekê tevlîbûna xwe bi raya giştî re parvekir. Piştî Komalên Ciwan û Komalên Jinên Ciwan banga Gerîlabûyînê kirin, Ciwanên Kurdistanê kom bi kom tevlî refên Gerîlayên Azadiya Kurdistan dibin û bersivek xurt didin bangawaziyê. Bi wesîleya 27’ê Mijdarê salvegera damezrandina PKK’ê û li ser esasî bangwaziya Komalên Ciwan û Komalên Jinên Ciwan 16 Ciwanên Kurdistanê tevlî refên gerîla dibin.
Ciwanên ku bi coşek mezin û bi hêstên tolhildanê tevlî refên Gerîla bûn di daxuyaniya xwe de armancên xwe wiha anî ser ziman:
“Faşizma AKP-MHP’ê li hemberî welatê me Kurdistanê êrişê herî mezin ên dîrokî dimeşine. Li dijî seokatiya me îşkenceyeke bêhempa pêk tînin. Li dijî gel û ciwanên Kurdistanê polîtîkayên dejenerasyon, bênasnamekirin û sîxurkirin êdî ketiye merhaleyeke nayê jiyankirinê. Hemberî wan êrişan bi raberkirina îradeya mirovê azad em berê xwe didin çiyayên azad.
27’Ê MIJDARÊ JINÛVE VEJÎNA GELÊ KURD E
27’ê Mijdarê roja jinûve vejîna gelê Kurd e. PKK bi têkoşîna xwe û nirxên avakiriye ji bo tevahî gelên cîhanê buye hêvî. Tevlîbûna me ku di wan rojên pîroz ên dîrokî de pêk tê, em ji bo xwe wek şansekê dibînin. Bi vê wesîleyê roja 27’ê Mijdarê salvegera damezrandina PKK’ê ku gelê me xwe ji xweliyê jinûve avakiriye, em di serî de li Rêber APO, şehîdên me ên binirx û li gelê me pîroz dikin.
TÊKOŞÎNA RIZGARIYÊ HERÎ BI BANDOR BI GERÎLABÛYÎNÊ TÊ MEŞANDIN
Rêber APO hêviyê fêrî gelê me kiriye û wan gihandiye nirxên wan ê cewherî. Bi dehan salane gelê me ji bo azadiya xwe berxwedanek bêhempa raber dikin. Ji aliyê hîşmendiyê ku gelê me nêzî sinorê mirinê bibû, êdî digot dem dema rizgariyê ye. Îro riya meşandina têkoşîna rizgariyê herî bi bandor bi tevlîbûna nava refên Gerîla pêkane. Kedxwarî û faşîzm encax û encax bi têkoşînê têk biçe. Jiyanek di nava sîstema faşîst de nayê qebûl kirin. Ji ber vê jî, yê jixwe re dibêje ez Kurdim, Demokratim, Sosyalîstim, Welatparêzim hemû Ciwanên Kurdistanê pêwiste werin çiyayên azad. Ji bo têkoşînek hin aktîf pêwiste em gava Gerîlabûyînê bavêjin.
BÎLA MALBATÊN ME, BI ME SERBILIND BIN!
Em li vir dixwazin bangwaziyek ji bo malbatên xwe bikin. Wûn bi me serbilind bin. Em vê bîryara xwe wek nîşandayîna hurmetê li hemberî keda ku we daye me distînin. Ji bo welatekî azad şer kirin erka her kesekî ye ku jixwe re dibêje ez mirovim. Îro li dijî faşîzma t.c’yê a ku dixwaze mafê jiyanê ji destê me bigre şer kirin tekane bi Gerîlabûyînê pêkane. Em di wê baweriyê de ku wûnê jî li qadên xwe tevlî têkoşînê bibin, erka xwe ya welatparêziyê pêk binin û cihê xwe li kêleka me bigrin.
EM BIBIN LAYÎKA KEDA ŞEHÎDAN
Têkoşîna me ya Azadiyê bi keda Egîd Civyanan, Yîlmaz Dersîman û şehîdên me ê qehreman mezin dibe û berbi serkeftinê ve diçe. Em li vir dîsa didin daxuyakirin ku emê di şexsê Egîd Civyan tola hemû şehîdan hilgirin. Em bibin layîkî keda şehîdan û emê biranînên wan di têkoşîna xwe hertim bidin jiyan kirin.
BI TEVLÎBÛNA XWE EM DEWLETA TIRK Û ÇETEYÊN WÊ QEHR DIKIN
Gelê Kurdistanê ku îro bi polîtîkayên qirkirinê re rû bi rû maye, Rêber APO ku bi tecrîdek a mînakê wê li rûyê erdê nine û li Îmraliyê di çarmixê de ye, me nikarî bû jiyana xwe bidomanda ku wek tiştek nebûye. Li ser vî esasî ji bo şikandina tecrîda li ser Rêber APO, ji bo hilweşandina ferzkirina kîryarên faşîzane li ser Gel û Ciwanên me û ji bo pêk anîna azadiya me, bûyîna Gerîlayê Kurdistanê em wek erkek şoreşgerî dibînin. Li dijî faşîzma t.c şer kirin wê serkeftinê misoger bike, û em diyar dikin ku emê dewleta faşîst a tirk û çeteyên Soysuz qehr bikin. Li ser vî esasî em dîsa bang li hemû ciwanan dikin ku tevlî nava refên HPG û YJA-Starê û tevlî şerê azadiyê bibin.”
Daxuyanî bi dîrûşmeyên “Bijî Partiya Karkerên Kurdistan”, “Tolhildan, Tolhildan, Tolhildan” û “Bijî Serok APO” bi dawî bû.
