Ji bo bîranîna Şehîd Hozan Can

Şehîd Hozan Can di sala 1996’an roja 10 Cotmehê de, Li taxa El Hemîdiyê ya Dêrezorê de hate dinyayê. Di nav malbateke ji 4 biran pêk tê Hozan zarokê herî mezin bû.

Ji biçûkatiya xwe Şehîd Hozan zarokekî pir zîrek û jîr bu, û pir zû tiştan digre û fêr dibe. Ji xwendin û zanîstê hezdikir, di dibistanê di nav hevalên xwe de di asta yekem debû.

Ji aliyê kesên wî nas dikin ve pir dihat hezkirin. Di eynî demê de zarokekî serhişk û bi îsrar bû, dema tiştek dixist serê xwe helbet wê pêk bîne. Ji zimanê erebÎ hez dikir, di refê 5’an de çîrokên kin ên zarokan dinivîsand û kovara zarokan çîrokên wî bi kêfxweşÎ digirtin û diweşandin nava kovarê. Di 7 saliya xwe de dikeve pêşbirka zîrekbûnê ya programa zarokan a cîhanî û xelata “jîr û balkêş” digre. Meraqê wî pir hebû, dixwest her tişt bizane. xwediyê xewn û xeyalan bû. Erê jêhatî bû lê dibistan û vê jiyanê hez nedikir, xwe wekî di zindan his dikir. Rstiya jiyana klasîk qebûl nedikir û digot “dema ez bibim 18 salî ezê ji we qut bibim û bibim xwediyê biryara xwe”

Piştî dibistana xwe ya seretayî û navîn li Dêrezorê diqedîne. Dikeve dibistana amadeyî û beşê wêjeyî dihilbijêre. Hozan di 17 saliya xwe de dema şer li Sûrye dest pê dike û bajarê wî tê bombebaran kirin, bi malbata xwe re diçe bajarê Dirbêsiyê, cihê ku bavê wî dayîk bû. Li wir Hozan xwendina xwe berdewam dike “bekalorya” li dibistana Yermûk ya dirbêsiyê dixwîne. piştre di zanîngeha Hesekê de beşê Zimanê Erebî hilbijart. li wê derê li zanîngehê di nava xwendevanan de “konfedresyona xwendevanên kurd” dinase, û ji wir Tevgera ciwanên Şoreşger dinase.

Şehîd Hozan heta wê demê bi kurdî nizanîbû. cara yekem rêxistin nas dike û dibîne. Piştre ji navenda ciwanan pirtûkên rêxistin û serokatî dibe mal û dixwîne, Fikir û felsefa serokatî dixwîne Her ku dixwîne bêhtir rastî dibîne û partî bêhtir nas dike. Hevalan ji nêz ve dişopîne û xwe ji wan re dide nas kirin, kesayetên wan teqlît dike û dinirxîne û dixe asta herî jor. Li gel xwendina xwe li navenda ciwanan a Dirbêsiyê xebateke xweş meşandin. Di qomîta Ragihandina ciwanan de cih girt. ji şehîd Rênas Amed pir hezdikir her li gel wî bû. Li wir riya xwe dibîne û wateya jiyana hevaltÎ dizane. Piştre ş.Hozan di 1’Ê Gulana 2014’an de malbata xwe, zanîngeha xwe li pişt xwe dihêle û tevlÎ nava refên PKK dibe. Her xeyal dikir ku bibe gerîllayek serê çiyayên kurdistanê.
Şehîd Hozan xwediyê kesayetek xurt bû, nerîn û fikrên xwe digot û fikrên xwe diparast.di kesayetê xwe de kesê şoreşger ê ku xetên şoreşgertî diparast û çandên wê belav dikir, û şervanê cesûr ê ku jibo welat kedkar e dihewand.

Dema biryara tevlîbûna xwe dide, mektûbek ji malbatê re dihêle têde sedem û armanca tevlîbûna xwe diyar dike û dibêje:

“ez bi tevlîbûna xwe hemû xewn û xeyalên xwe pêk tînim, ger ku hûn dixwazin ez kêfxweş bibim û kêfxweşiya min digerin kêfxweşiya min li vir e.
“Ez ciwanekî naxwazim enerjiya xwe ji bo tiştên vala winda bikim, min zihniyetê hestiyarî di xwe de kuşt û ez bûm şoreşgerekî rast. Bizanibin ku eger hemû hêzên cîhanê li pêşiya min sekinÎ nikare min ji ser vê riyê vegerîne, ezê her ber bi pêş ve biçim. Ez ji we pir hez dikim, ji dêrezor pir hez dikim, ezê rojekî mutlaka vegerim û we bibînim.

Li Rojava perwerdeyek dibîne û piştre diçe çiyayên kurdsitanê û xewnên xwe pêk tîne, tevlî rêwîtiya gerîlla dibe.
Di 2015’an de dema vedigere Rojava, xwe pêşinyarî xebatê leşkerî dike, û berê xwe dide Cebheya şer yê Holê, nava YPG de li gel hevalên xwe karîbûn çeteyên DAİŞ têk bibin û Holê Rizgar dikin. Hevalbendên serkeftinê bûn. lê çete li pişt xwe şopên behane yê bû şahidê barbarîtiya wan û nemirovîtiya wan. Di roja 22 mijdara 2015’an de Hozan dema erka xwe yê leşkerî bi cesaret dirabe, destê xedaran wî di qada cengê de şehîd dixe. Li gel hevalên xwe Çekê wî di destê wî de û ala serfiraziyê li ser serê wan diheje, bi sînga xwe li ber guleyan derdikeve û ji dijmin re dibêje “ey dijmin, te min şehîd xistibe jî, wê li pişt min kesên ku ala serfiraziyê hildin hebin”